ଜାଗି ଉଠିଲେ ଲାଲବାହିନୀ

ନୂଆପଡ଼ା: କିଛି ଦିନର ନୀରବତା ପରେ ମାଓବାଦୀମାନେ ପୁଣି ଥରେ ଆକ୍ରମଣାତ୍ମକ ହୋଇ ଯାଇଛନ୍ତି। ଏଥର ଲାଲବାହିନୀମାନେ ଆକ୍ରମଣ କରି ନିଜର ଉପସ୍ଥିତି ଜାହିର କରିଛନ୍ତି। ଗୁରୁବାର ରାତିରେ ଜିଲ୍ଲାର ନୁଆପଡା ସଦର ବ୍ଲକ ଅନ୍ତର୍ଗତ କରମେଲି ପଞ୍ଚାୟତ ଅନ୍ତର୍ଗତ ଗୋଲାବନ୍ଦ ଗ୍ରାମରେ ସଶସ୍ତ୍ର ମାଓବାଦୀମାନେ ଗାଁର ବନ୍ୟପ୍ରାଣୀ ବିଭାଗର କ୍ୱାଟର୍ସରେ ବୋମା ଫିଙ୍ଗି ଗାଁର ଏକ ଜେସିବି ଗାଡିରେ ନିଆଁ ଲଗାଇ ଦେଇଥିଲେ।

ମାଓବାଦୀମାନେ ଫରେଷ୍ଟରଙ୍କ କାର୍ଯ୍ୟାଳୟ ନିକଟରେ ଏକ ପୋଷ୍ଟର ଲଗାଇ ଅଭିଯୋଗ କରିଛନ୍ତି ଯେ କେନ୍ଦ୍ର ଓ ଓଡିଶା ଏବଂ ଛତିଶଗଡ ରାଜ୍ୟ ସରକାର ସେମାନଙ୍କ ଅଞ୍ଚଳର ଖଣିଜ ପଦାର୍ଥ ଅନ୍ୟ ହାତରେ ଟେକି ବିକ୍ରି କରୁଛନ୍ତି। ସେମାନେ ଆହୁରି ମଧ୍ୟ ଅଭିଯୋଗ କରିଛନ୍ତି ଯେ ସରକାର ଏବଂ କମ୍ପାନୀମାନେ ଏହି ଅଞ୍ଚଳର ସାଧାରଣ ଲୋକଙ୍କୁ ଶୋଷଣ କରୁଛନ୍ତି ଏବଂ ହଇରାଣ କରୁଛନ୍ତି। ଯଦି କିଛି ଉନ୍ନତି ନହୁଏ ତେବେ ସେମାନେ ନିଜ କାର୍ଯ୍ୟକୁ ତୀବ୍ର କରିବାକୁ ଧମକ ଦେଇଛନ୍ତି। ଯଦି ସରକାର ଏଭଳି କାର୍ଯ୍ୟରୁ ନିବୃତ୍ତ ନ ରୁହନ୍ତି ତାହାଲେ ଆକ୍ରମଣ ଆହୁରି ଭୟଙ୍କର ହେବ।