ମୁରିବାହାଲରେ ଚୋରଙ୍କୁ ନାହିଁ ପୋଲିସର ଭୟ

ମୁରିବାହାଲ ୧୫/୧୧: ମୁରିବାହାଲ ଥାନାରୁ ମାତ୍ର କିଛି ଦୂର ତଥା ମୁରିବାହାଲର ମୁଖ୍ୟ ଛକରେ ଥିବା ଗୋଟିଏ ଦୋକାନରେ ଚୋରୀ କରିବା ସହ ଆଉ ୩ଟି ଦୋକାନରେ ଚୋରୀ ଉଦ୍ୟମ କରାଯାଇଛି। ରାତି ଏହି ଚୋରୀ ହୋଇଥିବା ବେଳେ ଦୋକାନି ସକାଳେ ନିଜ ଦୋକାନ ଖୋଲିବା ବେଳେ ଦୋକାନରେ ତାଲା ଭଙ୍ଗାଯାଇଥିବା ଦେଖିବାକୁ ପାଇଥିଲେ। ଗୋଟିଏ କିରାନା ଦୋକାନରୁ ଚୋର ମାନେ ୧୭ ହଜାରରୁ ଅଧିକ ଟଙ୍କା ସହ କିରାଣୀ ସମାନ ମଧ୍ୟ ନେଇଥିବା ଜଣାଯାଏ। ସେହିପରି ଗୋଟିଏ ପାନ ଦୋକାନ, ଗୋଟିଏ ମେଡିକାଲ ଷ୍ଟୋର ସହ ଏନ ଟେକ୍ସ ଟ୍ରାନ୍ସପୋର୍ଟେସନ ସର୍ଭିସ ପ୍ରାଇଭେଟ ଲିମିଟେଡ ନାମକ କୁରିଅର ଗୋଦାମରେ ମଧ୍ୟ ଚୋର ମାନେ ଚୋରି ଉଦ୍ୟମ କରିଛନ୍ତି। ମୁରିବାହାଲ ପୋଲିସ ଘଟଣାର ଖବର ପାଇଁ ଅଧିକ ତଦନ୍ତ ଆରମ୍ଭ କରିଦେଇଛି।