ଆଜିର ତାରିଖ ୨୪ ଫେବ୍ରୁଆରୀ ୨୦୨୫:
ବିଶିଷ୍ଟ ବ୍ୟକ୍ତିଙ୍କ ଜନ୍ମ ଦିବସ:-
୧. ସଚିନ୍ଦ୍ର ଚୌଧୁରୀ (୨୪ ଫେବୃଆରୀ ୧୯୦୩ – ୧୨ ଜୁନ ୧୯୯୨) କୋଲକାତାରେ ଜନ୍ମଗ୍ରହଣ କରିଥିଲେ। ସେ ଜଣେ ଭାରତୀୟ ଆଇନଜୀବୀ ଏବଂ ରାଜନେତା ଥିଲେ। ଯିଏ କି କେନ୍ଦ୍ରରେ ଅର୍ଥ ମନ୍ତ୍ରୀ ଭାବେ ଦାୟିତ୍ୱ ତୁଲାଇଥିଲେ। ସେ ଅନେକ କମ୍ପାନୀର ନିର୍ଦ୍ଦେଶକ, ଭାରତୀୟ ଷ୍ଟେଟ ବ୍ୟାଙ୍କର କେନ୍ଦ୍ରୀୟ ବୋର୍ଡର ସଦସ୍ୟ, ଆଇନ ଆୟୋଗର ସଦସ୍ୟ ଏବଂ ମିଳିତ ଜାତିସଂଘର ସାଧାରଣ ସଭାକୁ ଭାରତୀୟ ପ୍ରତିନିଧି ମଣ୍ଡଳର ସଦସ୍ୟ ଥିଲେ।
୨. ଭି. ନାନାମଲ (୨୪ ଫେବୃଆରୀ ୧୯୨୦ – ୨୬ ଅକ୍ଟୋବର ୨୦୧୯) କୋଏମ୍ବାଟୁରରେ ଜନ୍ମଗ୍ରହଣ କରିଥିଲେ। ସେ ଭାରତରେ ଯୋଗ ଶିକ୍ଷୟିତ୍ରୀ ଭାବେ ପରିଚୟ ସୃଷ୍ଟି କରି ପାରିଥିଲେ। ସେ ତାଙ୍କର ୪୫ ବର୍ଷ ମଧ୍ୟରେ ୧୦ ଲକ୍ଷରୁ ଅଧିକ ଛାତ୍ରଛାତ୍ରୀଙ୍କୁ ତାଲିମ ଦେଇଛନ୍ତି। ତାଙ୍କୁ ୨୦୧୬ରେ ଭାରତର ସରକାରଙ୍କ ତରଫରୁ ଜାତୀୟ ନାରୀ ଶକ୍ତି ପୁରସ୍କାର ଏବଂ ୨୦୧୮ରେ ଦେଶର ସର୍ବୋଚ୍ଚ ବେସାମରିକ ସମ୍ମାନ ପଦ୍ମଶ୍ରୀରେ ସମ୍ମାନିତ କରାଯାଇଥିଲା।
୩. ତଲତ ମହମ୍ମଦ (୨୪ ଫେବୃଆରୀ ୧୯୨୪ – ୯ ମଇ ୧୯୯୮) ଲକ୍ଷ୍ନୌରେ ଜନ୍ମଗ୍ରହଣ କରିଥିଲେ। ସେ ଜଣେ ଭାରତୀୟ ପ୍ଲେବ୍ୟାକ ଓ ଗଜଲ ଗାୟକ ଥିଲେ। ୧୯୯୨ ମସିହାରେ ତାଙ୍କୁ ଭାରତ ସରକାର ସର୍ବୋଚ୍ଚ ବେସାମରିକ ସମ୍ମାନ ପଦ୍ମଭୂଷଣରେ ସମ୍ମାନିତ କରିଥିଲେ।
୪. ଜୟରାମ ଜୟଲଳିତା (୨୪ ଫେବୃଆରୀ ୧୯୪୮ – ୫ ଡିସେମ୍ବର ୨୦୧୬), ଜଣେ ଭାରତୀୟ ରାଜନୀତିଜ୍ଞ ଏବଂ ଚଳଚ୍ଚିତ୍ର ଅଭିନେତ୍ରୀ ଥିଲେ। ସେ ତାମିଲ, ତେଲୁଗୁ ଏବଂ କନ୍ନଡ ଚଳଚ୍ଚିତ୍ରରେ ୧୪୦ଟି ଚଳଚ୍ଚିତ୍ରରେ ଅଭିନୟ କରିଥିଲେ। ସେ ୧୯୯୧ରୁ ୨୦୧୬ ମଧ୍ୟରେ ସେ ୬ ଥର ତାମିଲନାଡୁର ମୁଖ୍ୟମନ୍ତ୍ରୀ ଭାବରେ କାର୍ଯ୍ୟ କରିଥିଲେ। ୧୯୯୧ରେ ଜୟଲଳିତା ପ୍ରଥମ ଥର ପାଇଁ ତାମିଲନାଡୁର ସର୍ବକନିଷ୍ଠ ମୁଖ୍ୟମନ୍ତ୍ରୀ ହୋଇଥିଲେ।
୫. ସଞ୍ଜୟ ଲୀଲା ଭଂସାଲୀ ମୁମ୍ବାଇରେ ଜନ୍ମଗ୍ରହଣ କରିଥିଲେ। ସେ ହିନ୍ଦୀ ଚଳଚ୍ଚିତ୍ର ଜଗତର ନିର୍ଦ୍ଦେଶକ, ପ୍ରଯୋଜକ, ଚିତ୍ରନାଟ୍ୟ ଲେଖକ ଏବଂ ସଙ୍ଗୀତ ନିର୍ଦ୍ଦେଶକ ଥିଲେ। ସେ ପାଞ୍ଚଟି ଜାତୀୟ ଚଳଚ୍ଚିତ୍ର ପୁରସ୍କାର ଏବଂ ୧୧ଟି ଫିଲ୍ମଫେୟାର ପୁରସ୍କାର ପାଇଥିଲେ। ୨୦୧୫ ମସିହାରେ ଭାରତ ସରକାର ତାଙ୍କୁ ଚତୁର୍ଥ ସର୍ବୋଚ୍ଚ ବେସାମରିକ ସମ୍ମାନ ପଦ୍ମଶ୍ରୀରେ ସମ୍ମାନିତ କରିଥିଲେ।
ବିଶିଷ୍ଟ ବ୍ୟକ୍ତିଙ୍କ ତିରୋଧାନ ଦିବସ:-
୧. ରୁକ୍ମିଣୀ ଦେବୀ ଅରୁନ୍ଦଲେ (୨୯ ଫେବୃଆରୀ ୧୯୦୪ – ୨୪ ଫେବୃଆରୀ ୧୯୮୬) ଜଣେ ଭାରତୀୟ ନୃତ୍ୟଶିଳ୍ପୀ, କୋରିଓଗ୍ରାଫର ଓ ସମାଜସେବୀ ଥିଲେ। ସେ ପ୍ରଥମ ମହିଳା ଭାବେ ରାଜ୍ୟସଭାକୁ ମନୋନୀତ ହୋଇଥିଲେ। ୧୯୫୬ ମସିହାରେ ତାଙ୍କୁ ଭାରତ ସରକାରଙ୍କ ଦ୍ଵାରା ତୃତୀୟ ସର୍ବୋଚ୍ଚ ବେସାମରିକ ସମ୍ମାନ ପଦ୍ମଭୂଷଣରେ ସମ୍ମାନିତ କରାଯାଇଥିଲା।
ଆହୁରି ପଢ଼ନ୍ତୁ...
୨. ଲଳିତା ପାୱାର (୧୮ ଅପ୍ରେଲ ୧୯୧୬ – ୨୪ ଫେବୃଆରୀ ୧୯୯୮) ଜଣେ ଭାରତୀୟ ଅଭିନେତ୍ରୀ ଥିଲେ। ସେ ହିନ୍ଦୀ, ମରାଠୀ ଏବଂ ଗୁଜରାଟୀ ଭାଷାରେ ୭୦୦ରୁ ଅଧିକ ଚଳଚ୍ଚିତ୍ରରେ ଅଭିନୟ କରିଥିଲେ । ତାଙ୍କୁ ଫିଲ୍ମଫେୟାର ଶ୍ରେଷ୍ଠ ସହ ଅଭିନେତ୍ରୀ ପୁରସ୍କାର ମିଳିଥିଲା । ୧୯୬୧ ମସିହାରେ ତାଙ୍କୁ ଭାରତ ସରକାର ଭାରତୀୟ ସିନେମାର ପ୍ରଥମ ମହିଳା ଭାବରେ ସମ୍ମାନିତ କରିଥିଲେ । ୧୯୯୮ ମସିହା ଫେବ୍ରୁଆରି ୨୪ ତାରିଖରେ ୮୧ ବର୍ଷ ବୟସରେ ଭାରତର ପୁଣେଠାରେ ତାଙ୍କର ଦେହାନ୍ତ ହୋଇଥିଲା ।
୩. ଅନନ୍ତ ପାଇ (୧୭ ସେପ୍ଟେମ୍ବର ୧୯୨୯ – ୨୪ ଫେବୃଆରୀ ୨୦୧୧) ଜଣେ ଲେଖକ, ଚିତ୍ରକାର, ଶିକ୍ଷାବିତ୍ ଥିଲେ। ସେ ଅଗଷ୍ଟ ୧୯୭୮ରେ ପାର୍ଥ ଇନଷ୍ଟିଚ୍ୟୁଟ୍ ଅଫ୍ ପର୍ସନାଲିଟି ଡେଭଲପମେଣ୍ଟ ପ୍ରତିଷ୍ଠା କରିଥିଲେ।
୪. ପଣ୍ଡିତ ଭୀମସେନ ଗୁରୁରାଜ ଯୋଶୀ (୪ ଫେବୃଆରୀ ୧୯୨୨ – ୨୪ ଜାନୁଆରୀ ୨୦୧୧), ହିନ୍ଦୁସ୍ତାନୀ ଶାସ୍ତ୍ରୀୟ ପରମ୍ପରାରେ କର୍ଣ୍ଣାଟକର ଜଣେ କଣ୍ଠଶିଳ୍ପୀ। ପଣ୍ଡିତ ଯୋଶୀ ୧୯୬୪ରୁ ୧୯୮୨ ମଧ୍ୟରେ ଆଫଗାନିସ୍ତାନ, ଇଟାଲୀ, ଫ୍ରାନ୍ସ, କାନାଡା ଏବଂ ଆମେରିକାରେ କନସର୍ଟ ଆୟୋଜନ କରୁଥିଲେ। ୧୯୯୮ ତାଙ୍କୁ ସର୍ବୋଚ୍ଚ ସମ୍ମାନ ସଙ୍ଗୀତ ନାଟକ ଏକାଡେମୀରେ ସମ୍ମାନିତ କରାଯାଇଥିଲା। ପରେ ୨୦୦୯ରେ ତାଙ୍କୁ ଭାରତର ସର୍ବୋଚ୍ଚ ବେସାମରିକ ସମ୍ମାନ ଭାରତ ରତ୍ନ ପ୍ରଦାନ କରାଯାଇଥିଲା।
୫. ଶ୍ରୀଦେବୀ (୧୩ ଅଗଷ୍ଟ ୧୯୬୩ – ୨୪ ଫେବୃଆରୀ ୨୦୧୮) ଜଣେ ଭାରତୀୟ ଅଭିନେତ୍ରୀ। ସେ ତେଲୁଗୁ, ତାମିଲ, ହିନ୍ଦୀ, ମାଲାୟାଲମ ଏବଂ କନ୍ନଡ ଚଳଚ୍ଚିତ୍ରରେ ଅଭିନୟ କରିଥିଲେ। ସେ ଭାରତୀୟ ସିନେମାର ପ୍ରଥମ ମହିଳା ସୁପରଷ୍ଟାର ଭାବରେ ପରିଚିତ ଥିଲେ। ୨୦୧୩ ରେ ଭାରତ ସରକାର ତାଙ୍କୁ ଦେଶର ଚତୁର୍ଥ ସର୍ବୋଚ୍ଚ ବେସାମରିକ ସମ୍ମାନ ପଦ୍ମଶ୍ରୀରେ ସମ୍ମାନିତ କରିଥିଲେ।
ନଜର ପକାନ୍ତୁ ଆଜିର ଦିନରେ ଘଟିଥିବା ଗୁରୁତ୍ୱପୂର୍ଣ୍ଣ ଘଟଣା କ୍ରମ ଉପରେ:-
୧୫୮୨ – ପୋପ୍ ଗ୍ରେଗୋରି ତ୍ରୟୋଦଶ ଗ୍ରେଗୋରିୟନ କ୍ୟାଲେଣ୍ଡର ଆରମ୍ଭ କରିଥିଲେ।
୧୮୨୧ – ସ୍ପେନଠାରୁ ମେକ୍ସିକୋ ସ୍ୱାଧୀନତା ପାଇଥିଲା।
୧୯୨୦ – ଜର୍ମାନୀର ମ୍ୟୁନିକ୍ ଠାରେ ଆଡଲ୍ଫ ହିଟଲରଙ୍କ ଦ୍ୱାରା ନାଜି ପାର୍ଟି ପ୍ରତିଷ୍ଠା କରାଯାଇଥିଲା।
୧୯୪୬ – ଜେନେରାଲ ଜୁଆନ୍ ପେରୋନ୍ ଆର୍ଜେଣ୍ଟିନାର ପ୍ରଥମ ରାଷ୍ଟ୍ରପତି ଭାବେ ନିର୍ବାଚିତ ହୋଇଥିଲେ।
୧୯୮୯ – ଆମେରିକାର ଉଟାହଠାରେ ସବୁଠାରୁ ପୁରୁଣା ଡାଇନୋସର ଜୀବାଶ୍ମ ଅଣ୍ଡା (୧୫୦ ନିୟୁତ ବର୍ଷ ତଳର) ମିଳିଥିଲା।