ବାହା ହୋଇ ଅକଳରେ ପଡ଼ିଲେ ପ୍ରଦୀପ ମାଝୀ

ଭୁବନେଶ୍ୱର, ୧୪/୦୩: ପୂର୍ବତନ ସାଂସଦ ତଥା ବିଜେଡ଼ି ନେତା ବାହା ହୋଇ ଦଣ୍ଡିତ ହୋଇଛନ୍ତି। ଅନ୍ୟ ଜାତିରେ ବିବାହ କରିଥିବାରୁ ଜାତିରୁ ବାସନ୍ଦ ହୋଇଛନ୍ତି ପ୍ରଦୀପ ମାଝୀ। ପ୍ରଦୀପ ମାଝୀ ଭତରା ସମ୍ପ୍ରଦାୟର ହୋଇଥିବା ବେଳେ ସେ କେନ୍ଦ୍ରାପଡ଼ାର ସୁଶ୍ରୀ ସଙ୍ଗୀତା ସାହୁଙ୍କୁ ଗତ ୧୨ ତାରିଖରେ ଗୋଆରେ ବିବାହ କରିଥିଲେ। ସୁଶ୍ରୀ ସଙ୍ଗୀତା ଅନ୍ୟ ଜାତିର ହୋଇଥିବାରୁ ଆଜି ଆଦିବାସୀ ଭତରା ସମାଜର କେନ୍ଦ୍ରୀୟ କମିଟିର ବୈଠକରେ ପ୍ରଦୀପ ମାଝୀଙ୍କୁ ସାମାଜିକ ବାସନ୍ଦର ଦଣ୍ଡରେ ଦଣ୍ଡିତ କରାଯାଇଛି। ଅନ୍ୟ ଜାତିରେ ବିବାହ କରି ପ୍ରଦୀପ ମାଝୀ ନିଜ ଜାତିକୁ ଅସମ୍ମାନ ତଥା ନିଜ ସମ୍ପ୍ରଦାୟ ପ୍ରତି ଘୃଣାଭାବ ରଖୁଥିବା କମିଟି ଅଭିଯୋଗ ଆଣିଛି‌। ତେବେ ଏ ନେଇ ପ୍ରଦୀପ ମାଝୀଙ୍କ ପକ୍ଷରୁ କୋୖଣସି ପ୍ରତିକ୍ରିୟା ମିଳିନାହିଁ।