ଆଜି ବିଶ୍ୱ ଯକ୍ଷ୍ମା ଦିବସ

ଆଜିର ତାରିଖ ୨୪ ମାର୍ଚ୍ଚ ୨୦୨୫

ବିଶ୍ୱ ଯକ୍ଷ୍ମା ଦିବସ: ବିଶ୍ୱ ଯକ୍ଷ୍ମା ମହାମାରୀ ବିଷୟରେ ଜନସଚେତନତା ସୃଷ୍ଟି କରିବା ଏବଂ ଏହି ରୋଗର ନିରାକରଣ ଦିଗରେ ଅବଗତ କରାଇବା ପାଇଁ ଏହି ଦିବସ ପାଳନ କରାଯାଏ। ୨୦୧୮ମସିହାରେ ୧୦ ନିୟୁତ ଲୋକ ଯକ୍ଷ୍ମା ରୋଗରେ ଆକ୍ରାନ୍ତ ହୋଇଥିଲେ ଏବଂ ୧.୫ ନିୟୁତ ଲୋକ ଏହି ରୋଗରେ ପ୍ରାଣ ହରାଇଥିଲେ, ଯେଉଁଥିରେ ଅଧିକାଂଶ ନିମ୍ନ ଓ ମଧ୍ୟମ ଆୟକାରୀ ଦେଶରେ ଥିଲେ। ଏହା ମଧ୍ୟ ଏକ ସଂକ୍ରାମକ ରୋଗରେ ମୃତ୍ୟୁର ପ୍ରମୁଖ କାରଣ ହୋଇଥାଏ। ବିଶ୍ୱ ସ୍ୱାସ୍ଥ୍ୟ ସଂଗଠନ (ଡବ୍ଲ୍ୟୁଏଚଓ) ଦ୍ୱାରା ବିଶ୍ୱ ସ୍ୱାସ୍ଥ୍ୟ ଦିବସ, ବିଶ୍ୱ ଚାଗାସ ରୋଗ ଦିବସ, ବିଶ୍ୱ ରକ୍ତଦାତା ଦିବସ, ବିଶ୍ୱ ଆଣ୍ଟିମାଇକ୍ରୋବାୟଲ ସଚେତନତା ସପ୍ତାହ, ବିଶ୍ୱ ଟୀକାକରଣ ସପ୍ତାହ, ବିଶ୍ୱ ମ୍ୟାଲେରିଆ ଦିବସ, ବିଶ୍ୱ ତମାଖୁ ନିଷେଧ ଦିବସ, ବିଶ୍ୱ ହେପାଟାଇଟିସ୍ ଦିବସ, ବିଶ୍ୱ ରୋଗୀ ସୁରକ୍ଷା ଦିବସ ଏବଂ ବିଶ୍ୱ ଏଡ୍ସ ଦିବସ ସହିତ ବିଶ୍ୱ ଯକ୍ଷ୍ମା ଦିବସ ହେଉଛି ୧୧ଟି ଜନସ୍ୱାସ୍ଥ୍ୟ ଅଭିଯାନ ମଧ୍ୟରୁ ଅନ୍ୟତମ। ଚଳିତ ବର୍ଷର ଥିମ୍ ହେଉଛି Yes! We Can End TB: Commit, Invest, Deliver.

 

ବିଶିଷ୍ଟ ବ୍ୟକ୍ତିଙ୍କ ଜନ୍ମ ଦିବସ:-

ସତ୍ୟେନ୍ଦ୍ର ପ୍ରସନ୍ନ ସିହ୍ନା (୨୪ ମାର୍ଚ୍ଚ ୧୮୬୩ – ୪ ମାର୍ଚ୍ଚ ୧୯୨୮) ଜଣେ ପ୍ରସିଦ୍ଧ ଭାରତୀୟ ଆଇନଜୀବୀ ଏବଂ ରାଜନେତା ଥିଲେ। ତାଙ୍କୁ ବେଙ୍ଗଲର ଆଡଭୋକେଟ ଜେନେରାଲ ମଧ୍ୟ କରାଯାଇଥିଲା। ସେ ହେଉଛନ୍ତି ପ୍ରଥମ ଭାରତୀୟ ଯିଏ କି  ଭାଇସରୟ ପରିଷଦରେ ଲ’ ମେମ୍ବର ଥିଲେ।

୨. ହରିଭାଉ ଉପାଧ୍ୟାୟ (୨୪ ମାର୍ଚ୍ଚ ୧୮୯୨ – ୨୫ ଅଗଷ୍ଟ ୧୯୭୨) ଭାରତର ଜଣେ ପ୍ରସିଦ୍ଧ ଲେଖକ ଥିଲେ। ହିନ୍ଦୀ ସାହିତ୍ୟରେ ତାଙ୍କର ବିଶେଷ ଅବଦାନ ରହିଛି। ମହାତ୍ମା ଗାନ୍ଧୀଙ୍କଠାରୁ ପ୍ରଭାବିତ ହୋଇ ସେ ଜାତୀୟ ଆନ୍ଦୋଳନରେ ଭାଗ ନେଇଥିଲେ। ପୁରୁଣା ଅଜମେର ରାଜ୍ୟରେ ତାଙ୍କୁ ଅନେକ ଥର ଜେଲ୍ ଯିବାକୁ ପଡ଼ିଥିଲା। ସ୍ୱାଧୀନତା ପାଇବା ପରେ ସେ ଅଜମେରର ମୁଖ୍ୟମନ୍ତ୍ରୀ ଭାବେ ନିର୍ବାଚିତ ହୋଇଥିଲେ।

୩. ଗାଲା ଜୟଦେବ ଆନ୍ଧ୍ରପ୍ରଦେଶର ଜଣେ ପ୍ରସିଦ୍ଧ ରାଜନେତା ଓ ଶିଳ୍ପପତି। ସେ ଅମର ରାଜା ଗ୍ରୁପର ପରିଚାଳନା ନିର୍ଦ୍ଦେଶକ ଅଟନ୍ତି। ଗାଲା ଜୟଦେବ ଗୁଣ୍ଟୁରରୁ ଲୋକସଭା ସଦସ୍ୟ ଅଟନ୍ତି।

 

ବିଶିଷ୍ଟ ବ୍ୟକ୍ତିଙ୍କ ତିରୋଧାନ ଦିବସ:-

୧. ରାଣୀ ପ୍ରଥମ ଏଲିଜାବେଥ୍ ଇଂଲଣ୍ଡର ରାଣୀ ଥିଲେ। ଦୀର୍ଘ ଦିନ ଧରି ଭାରତରେ ଶାସନ କରୁଥିବା ଇଷ୍ଟ ଇଣ୍ଡିଆ କମ୍ପାନୀ ୧୬୦୦ ଖ୍ରୀଷ୍ଟାବ୍ଦ ଶେଷ ଦିନରେ ରାଣୀ ପ୍ରଥମ ଏଲିଜାବେଥଙ୍କ ଦ୍ୱାରା ଚାର୍ଟର ପ୍ରଦାନ କରାଯାଇଥିଲା। ଏହି ଚାର୍ଟରରେ କମ୍ପାନୀକୁ ଇଷ୍ଟଇଣ୍ଡିଜରେ ବାଣିଜ୍ୟ କରିବାର ଅଧିକାର ଦିଆଯାଇଥିଲା।

୨. ରାଧିକାରମଣ ପ୍ରସାଦ ସିଂହ (୧୦ ସେପ୍ଟେମ୍ବର ୧୮୯୦ – ୨୪ ମାର୍ଚ୍ଚ ୧୯୭୧) ଆଧୁନିକ ହିନ୍ଦୀ ଗଦ୍ୟ ଲେଖକମାନଙ୍କ ମଧ୍ୟରୁ ଜଣେ। ସେ ଗଳ୍ପ, ଗଦ୍ୟ, କବିତା, ଉପନ୍ୟାସ ଓ ନାଟକ ମଧ୍ୟ ଲେଖିଛନ୍ତି।

 

ନଜର ପକାନ୍ତୁ ଆଜିର‌ ଦିନରେ ଘଟିଥିବା ଗୁରୁତ୍ୱପୂର୍ଣ୍ଣ ଘଟଣାକ୍ରମ ଉପରେ:-

୧୫୫୦ – ଇଂଲଣ୍ଡ ଓ ଫ୍ରାନ୍ସ ମଧ୍ୟରେ ବୁଲୋଗନ ଶାନ୍ତି ସ୍ୱାକ୍ଷରିତ ହୋଇଥିଲା।

୧୬୨୯ – ଭର୍ଜିନିଆ ଦ୍ୱାରା ଆମେରିକାରେ ପ୍ରଥମ ଗେମ୍ ଆଇନ ପାରିତ ହୋଇଥିଲା।

୧୮୧୫ – ବୋଷ୍ଟନର ହାଣ୍ଡେଲ ଆଣ୍ଡ ହେଡ୍ନ ସୋସାଇଟି ପ୍ରତିଷ୍ଠା ହୋଇଥିଲା।

୧୮୩୭ – କାନାଡାର କୃଷ୍ଣକାୟ ନାଗରିକମାନଙ୍କୁ ମତଦାନର ଅଧିକାର ପ୍ରଦାନ କରାଯାଇଥିଲା।

୧୯୯୩ – ଏଜର ୱେଜମାନ ଇସ୍ରାଏଲର ରାଷ୍ଟ୍ରପତି ଭାବେ ନିର୍ବାଚିତ ହୋଇଥିଲେ।

୨୦୦୮ – ଭୁଟାନରେ ପ୍ରଥମ ଥର ପାଇଁ ସାଧାରଣ ନିର୍ବାଚନ ବା ନ୍ୟାସନାଲ ଆସେମ୍ବ୍ଲି ନିର୍ବାଚନ ଅନୁଷ୍ଠିତ ହୋଇଥିଲା। ଏହି ନିର୍ବାଚନ ଲଢ଼ିବା ପାଇଁ ଭୁଟାନର ନିର୍ବାଚନ ଆୟୋଗ ଦୁଇଟି ଦଳ ପଞ୍ଜୀକୃତ କରିଥିଲେ। ଭୂଟାନ ପିପୁଲ୍ସ ୟୁନାଇଟେଡ୍ ପାର୍ଟି, ଅଲ୍ ପିପୁଲ୍ସ ପାର୍ଟି ଏବଂ ପିପୁଲ୍ସ ଡେମୋକ୍ରାଟିକ୍ ପାର୍ଟି (ପିଡିପି)ର ମିଶ୍ରଣ କରାଯାଇ ଜିଗମେ ୱାଇ ଥିନଲିଙ୍କ ନେତୃତ୍ୱରେ ଡ୍ରୁକ୍ ଫୁଏନସୁମ ସୋଗପା ଗଠନ ହୋଇଥିଲା।

୨୦୧୩ – ପାକିସ୍ତାନର ଉତ୍ତର ୱାଜିରିସ୍ତାନରେ ଆତ୍ମଘାତୀ ବିସ୍ଫୋରଣରେ ୧୭ରୁ ଅଧିକ ସୈନିକ ସହିଦ ହୋଇଥିଲେ।

୨୦୨୦ – କୋଭିଡ୍-୧୯ ସଂକ୍ରମଣକୁ ନିୟନ୍ତ୍ରଣ କରିବା ପାଇଁ ଭାରତରେ ୨୧ ଦିନିଆ ଲକଡାଉନ୍ ଘୋଷଣା ହୋଇଥିଲା।