‘ଲିମ୍କା ବୁକ୍ ଅଫ୍ ରେକର୍ଡସ୍’ରେ ସ୍ଥାନ ପାଇଛନ୍ତି ଭାରତର ଏହି ସାଂସଦ

ଆଜିର ତାରିଖ ୩୦ ମାର୍ଚ୍ଚ ୨୦୨୫

ବିଶିଷ୍ଟ ବ୍ୟକ୍ତିଙ୍କ ଜନ୍ମ ଦିବସ:-

୧. ଶରଦିନ୍ଦୁ ବନ୍ଦୋପାଧ୍ୟାୟ (୩୦ ମାର୍ଚ୍ଚ ୧୮୯୯ – ୨୨ ସେପ୍ଟେମ୍ବର ୧୯୭୦) ଜଣେ ଭାରତୀୟ ବଙ୍ଗଳା ଭାଷାର ଲେଖକ ଥିଲେ। ସେ ବଙ୍ଗଳା ସିନେମା ବ୍ୟତୀତ ବଲିଉଡ ସିନେମା ଜଗତରେ ମଧ୍ୟ ସକ୍ରିୟ ଥିଲେ।

୨. ଦେବିକା ରାଣୀ ଚୌଧୁରୀ (୩୦ ମାର୍ଚ୍ଚ ୧୯୦୮ – ୯ ମାର୍ଚ୍ଚ ୧୯୯୪) ଜଣେ ଭାରତୀୟ ଚଳଚ୍ଚିତ୍ର ଅଭିନେତ୍ରୀ। ୧୯୩୦ ଓ ୧୯୪୦ ଦଶକରେ ସେ ସିନେ ଜଗତ ସହ ଜଡ଼ିତ ଥିଲେ। ସେ ଦାଦାସାହେବ ଫାଲକେ ପୁରସ୍କାର ପାଇଥିଲେ।

୩. ରାଜୀବ ପ୍ରତାପ (୩୦ ମାର୍ଚ୍ଚ ୧୯୬୨) ରୁଡି ଜଣେ ଭାରତୀୟ ରାଜନୀତିଜ୍ଞ ଓ କମର୍ସିଆଲ ପାଇଲଟ୍। ସେ ବିହାରର ସାରଣ ଲୋକସଭା ନିର୍ବାଚନ ମଣ୍ଡଳୀରୁ ସାଂସଦ ଅଟନ୍ତି। ସେ ନରେନ୍ଦ୍ର ମୋଦୀଙ୍କ ସରକାରରେ ଦକ୍ଷତା ବିକାଶ ଏବଂ ଉଦ୍ୟୋଗ ରାଷ୍ଟ୍ରମନ୍ତ୍ରୀ ମଧ୍ୟ ଥିଲେ। ଏୟାରବସ୍-୩୨୦ ଏବଂ ଇଣ୍ଡିଗୋ ଏୟାରଲାଇନ୍ସ ଭଳି କମର୍ସିଆଲ ବିମାନ ଉଡ଼ାଇବାରେ ସେ ଏକମାତ୍ର ସାଂସଦ ଭାବେ ଲିମ୍କା ବୁକ୍ ଅଫ୍ ରେକର୍ଡରେ ସ୍ଥାନ ପାଇଛନ୍ତି।

 

ବିଶିଷ୍ଟ ବ୍ୟକ୍ତିଙ୍କ ତିରୋଧାନ ଦିବସ:-

୧. ଗୁରୁ ହର କ୍ରିଷ୍ଣା (୭ ଜୁଲାଇ ୧୬୫୬ – ୩୦ ମାର୍ଚ୍ଚ ୧୬୬୪), ଦଶ ଜଣ ଶିଖ ଗୁରୁଙ୍କ ମଧ୍ୟରୁ ଅଷ୍ଟମ ଶିଖ୍ ଗୁରୁ। ୧୬୬୧ ମସିହା ଅକ୍ଟୋବର ୭ ତାରିଖରେ ୫ ବର୍ଷ ବୟସରେ ସେ ତାଙ୍କ ପିତା ଗୁରୁ ହର ରାୟଙ୍କ ସ୍ଥାନରେ ଶିଖ୍ ଧର୍ମର ସର୍ବକନିଷ୍ଠ ଗୁରୁ ହୋଇଥିଲେ।

୨. ଆନନ୍ଦ ବକ୍ସି (୨୧ ଜୁଲାଇ ୧୯୩୦ – ୩୦ ମାର୍ଚ୍ଚ ୨୦୦୨) ଜଣେ ଲୋକପ୍ରିୟ ଭାରତୀୟ କବି ଓ ଗୀତିକାର ଥିଲେ। ସେ ସମୁଦାୟ ୪୦ ଥର ଶ୍ରେଷ୍ଠ ଗୀତିକାର ଭାବେ ଫିଲ୍ମଫେୟାର ପୁରସ୍କାର ପାଇଁ ମନୋନୀତ ହୋଇଥିଲେ, ସେଥିମଧ୍ୟରୁ ୪ଟି ପୁରସ୍କାର ପାଇଥିଲେ।

୩. ଓଟୁପୁଲାକଲ ଭେଲୁକୁଟି ବିଜୟନ (୨ ଜୁଲାଇ ୧୯୩୦ – ୩୦ ମାର୍ଚ୍ଚ ୨୦୦୫) ଓଭି ବିଜୟନ ନାମରେ ପରିଚିତ ଜଣେ ଭାରତୀୟ ଲେଖକ ଥିଲେ। ସେ ଆଧୁନିକ ମାଲାୟାଲାମ ଭାଷା ସାହିତ୍ୟରେ ଜଣେ ଗୁରୁତ୍ୱପୂର୍ଣ୍ଣ ବ୍ୟକ୍ତିତ୍ୱ ଥିଲେ। ସେ ଛଅଟି ଉପନ୍ୟାସ, ନଅଟି କ୍ଷୁଦ୍ରଗଳ୍ପ ସଂକଳନ ଏବଂ ନଅଟି ପ୍ରବନ୍ଧ ରଚନା କରିଥିଲେ।

୪. ମନୋହର ଶ୍ୟାମ ଯୋଶୀ (୯ ଅଗଷ୍ଟ ୧୯୩୩ – ୩୦ ମାର୍ଚ୍ଚ ୨୦୦୬) ଜଣେ ହିନ୍ଦୀ ଲେଖକ, ସାମ୍ବାଦିକ ଏବଂ ସ୍କ୍ରିପ୍ଟ ରାଇଟର ଥିଲେ। ସେ ସାହିତ୍ୟ ଏକାଡେମୀ ପୁରସ୍କାର ପାଇଥିଲେ।

 

ନଜର ପକାନ୍ତୁ ଆଜିର‌ ଦିନରେ ଘଟିଥିବା ଗୁରୁତ୍ୱପୂର୍ଣ୍ଣ ଘଟଣାକ୍ରମ ଉପରେ:-

୧୮୭୦ – ଫ୍ଲୋରିଡାରେ ଆଞ୍ଚଳିକ ସରକାର ପ୍ରତିଷ୍ଠା ହୋଇଥିଲା।

୧୯୧୯ – ମହାତ୍ମା ଗାନ୍ଧୀ ରାୱଲତ ଆକ୍ଟକୁ ବିରୋଧ କରିଥିଲେ।

୧୯୪୫ – ୟୁଏସଏସଆର ଅଷ୍ଟ୍ରିଆ ଉପରେ ଆକ୍ରମଣ କରି ଭିଏନା ଦଖଲ କରିଥିଲା।

୧୯୪୯ – ଏହି ଦିନ ରାଜସ୍ଥାନ ଗଠନ ହୋଇ ଜୟପୁରକୁ ଏହାର ରାଜଧାନୀ କରାଯାଇଥିଲା। ଏହି ଦିନକୁ ରାଜସ୍ଥାନ ଦିବସ ଭାବରେ ପାଳନ କରାଯାଏ।

୧୯୫୯ – ଦଲାଇ ଲାମା ଚୀନରୁ ପଳାୟନ କରି ଭାରତରେ ଆଶ୍ରୟ ନେଇଥିଲେ।

୧୯୬୮ – ଜେନେରାଲ ଲୁଡଭିକ ସଭୋବୋଡା ଚେକୋସ୍ଲୋଭାକିଆର ରାଷ୍ଟ୍ରପତି ଭାବରେ ନିର୍ବାଚିତ ହୋଇଥିଲେ।

୧୯୯୨ – ସତ୍ୟଜିତ ରାୟଙ୍କୁ ସମ୍ମାନଜନକ ଓସ୍କାର ପୁରସ୍କାର ପ୍ରଦାନ କରାଯାଇଥିଲା।