ଉତ୍କଳ ବିଶ୍ୱବିଦ୍ୟାଳୟରେ ଛାତ୍ରଙ୍କ ସନ୍ଦେହଜନକ ମୃତ୍ୟୁ

ଭୁବନେଶ୍ୱର, ୩୦/୦୩: ଉତ୍କଳ ବିଶ୍ୱବିଦ୍ୟାଳୟରେ ଛାତ୍ରଙ୍କ ସନ୍ଦେହଜନକ ମୃତ୍ୟୁ ହୋଇଛି। ଛାତ୍ରଙ୍କ ମୃତଦେହ ଉଦ୍ଧାର କରାଯାଇ କ୍ୟାପିଟାଲ ହସ୍ପିଟାଲ ପଠାଯାଇଛି। ବିଶ୍ୱବିଦ୍ୟାଳୟର ମଧୁସୂଦନ ଛାତ୍ରବାସରେ ସେ ରହୁଥିଲେ। ଦର୍ଶନ ବିଭାଗର ପିଜି ଦ୍ୱିତୀୟ ବର୍ଷର ଛାତ୍ର ଥିଲେ ତାପସ ରଂଜନ ନାୟକ। ମୃତଦେହ ଉଦ୍ଧାର କରି ତଦନ୍ତ ଆରମ୍ଭ କରିଛି ପୋଲିସ।

ସହପାଠୀମାନଙ୍କ କହିବା ଅନୁଯାୟୀ, ତାପସଙ୍କର ଗତକାଲି ରାତିରେ ଭଲ ମାନସିକ ଅବସ୍ଥା ଥିଲା। କୌଣସି କାରଣକୁ ନେଇ ମାନସିକ ଅବସାଦ ଦେଇ ଗତି କରୁଥିବା କିଛି ଜଣା ପଡୁଥିଲା।

ସୂଚନାଯୋଗ୍ୟ, ଆଜି ସକାଳେ ତାଙ୍କ ମୃତଦେହ ମିଳିବା ପରେ ସେ ହଷ୍ଟେଲ ଛାତରୁ ଖସି ପଡ଼ିଥାଇପାରନ୍ତି ବୋଲି ସନ୍ଦେହ କରାଯାଉଥିଲେ ହେଁ ମୃତ୍ୟୁର ପ୍ରକୃତ କାରଣ ଅସ୍ପଷ୍ଟ ରହିଛି। ମୃତ୍ୟୁର କାରଣ ଜାଣିବା ପାଇଁ ପୁଲିସ ଶବ ବ୍ୟବଚ୍ଛେଦ ପାଇଁ କ୍ୟାପିଟାଲ ହସ୍ପିଟାଲ ପଠାଇଛି।