ନୂଆଦିଲ୍ଲୀ, ୧୧/୦୪: ଆନ୍ତର୍ଜାତୀୟ ବଜାରରେ ଗୋଟିଏ ପରେ ଗୋଟିଏ ଝଟକା। ଥମୁନି ଟାରିଫ ୱାର। ଆମେରିକାର ରେସିପ୍ରୋକାଲ ଟାରିଫ ପରେ ପ୍ରତିଶୋଧ ପରାୟଣ ହୋଇଉଠିଛି ଚୀନ। ଗୋଟିଏ ପରେ ଗୋଟିଏ ଝଟକା ଦେଇ ଟାରିଫ ପରେ ଟାରିଫ ଲଗାଇ ଚାଲିଛି।
ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ଚୀନ୍ ଆମଦାନୀ ଉପରେ ଶୁଳ୍କ ବୃଦ୍ଧି ଘୋଷଣା କରିବାର କିଛି ସମୟ ପରେ ଚୀନ୍ ପ୍ରଥମେ ଆମେରିକୀୟ ସାମଗ୍ରୀ ଆମଦାନୀ ଉପରେ ୮୪ ପ୍ରତିଶତ ଶୁକ୍ଳ ଲଗାଇଥିଲା। ଶୁକ୍ରବାର ଏହାକୁ ୧୨୫ ପ୍ରତିଶତକୁ ବୃଦ୍ଧି କରିବାକୁ ଘୋଷଣା କରିଛି।
ଚୀନ୍ ର ଅର୍ଥ ମନ୍ତ୍ରଣାଳୟ କହିଛି ଯେ ଚୀନ୍ ଉପରେ ଅସ୍ୱାଭାବିକ ଭାବେ ଅଧିକ ଶୁଳ୍କ ଲାଗୁ କରିବା ଅନ୍ତର୍ଜାତୀୟ ଓ ଅର୍ଥନୈତିକ ବାଣିଜ୍ୟ ନିୟମ, ମୌଳିକ ଅର୍ଥନୈତିକ ଆଇନର ଉଲ୍ଲଂଘନ କରୁଛି।
ଆମେରିକା ଚୀନ୍ ସାମଗ୍ରୀ ଉପରେ ଅତିରିକ୍ତ ଶୁଳ୍କ ଆମଦାନୀ ଜାରି ରଖିଲେ ମଧ୍ୟ ଦେଶ ଆଉ ପ୍ରତିଶୋଧ ନେବ ନାହିଁ ବୋଲି ସ୍ପଷ୍ଟ କରିଛି। ଯଦି ଆମେରିକା ଆମେରିକାକୁ ରପ୍ତାନି ହେଉଥିବା ଚାଇନା ସାମଗ୍ରୀ ଉପରେ ଅତିରିକ୍ତ ଶୁଳ୍କ ଲଗାଇବା ଜାରି ରଖେ, ତେବେ ଚୀନ୍ ଏହାକୁ ଅଣଦେଖା କରିବ ବୋଲି ମନ୍ତ୍ରଣାଳୟ କହିଛି।