ଏଇ ଦିନ ଭାରତକୁ ସମୁଦ୍ର ମାର୍ଗ ପ୍ରତିଷ୍ଠା ହୋଇଥିଲା

ଆଜିର ତାରିଖ ୨୦ ମଇ ୨୦୨୫

ବିଶିଷ୍ଟ ବ୍ୟକ୍ତିଙ୍କ ଜନ୍ମ ଦିବସ:-

୧. ସୁମିତ୍ରାନନ୍ଦନ ପନ୍ତ (୨୦ ମଇ ୧୯୦୦ – ୨୮ ଡିସେମ୍ବର ୧୯୭୭), ଜଣେ ଭାରତୀୟ କବି। ପନ୍ତଙ୍କ କବିତାରେ ମଧ୍ୟ ଜାତୀୟ ପ୍ରେମର ରଚନା ପ୍ରଚୁର ମାତ୍ରାରେ ମିଳେ। ୧୯୬୯ ମସିହାରେ ପନ୍ତ ପ୍ରଥମ ହିନ୍ଦୀ କବି ଭାବେ ଚିଦାମ୍ବରା ନାମକ ତାଙ୍କର ପ୍ରସିଦ୍ଧ କବିତା ସଂକଳନ ପାଇଁ ଜ୍ଞାନପୀଠ ପୁରସ୍କାର ପାଇଥିଲେ। ୧୯୬୧ ମସିହାରେ ତାଙ୍କୁ ଭାରତ ସରକାର ପଦ୍ମଭୂଷଣ ମଧ୍ୟ ପ୍ରଦାନ କରିଥିଲେ।

୨. ଭାରତୀୟ ସେନାର ଜଣେ ନନ୍-କମିଶନ ଅଫିସର ପିରୁ ସିଂହ ଶେଖାୱତ (୨୦ ମଇ ୧୯୧୮ – ୧୮ ଜୁଲାଇ ୧୯୪୮) ଯିଏ ପରମବୀର ଚକ୍ରରେ ସମ୍ମାନିତ ହୋଇଥିଲେ। ସେ ୧୯୪୭ ମସିହାଭାରତ-ପାକିସ୍ତାନ ଯୁଦ୍ଧରେ ଭାଗ ନେଇ ଭାରତୀୟ ସେନାର ଷଷ୍ଠ ରାଜପୁତାନା ରାଇଫଲ୍ସରେ କାର୍ଯ୍ୟ କରିଥିଲେ।

୩. ବିପିନ ଚନ୍ଦ୍ର ପାଲ (୭ ନଭେମ୍ବର ୧୮୫୮ – ୨୦ ମଇ ୧୯୩୨), ଜଣେ ଭାରତୀୟ ବିପ୍ଳବୀ, ଶିକ୍ଷକ, ସାମ୍ବାଦିକ ଓ ଲେଖକ। ଭାରତର ସ୍ୱାଧୀନତା ଆନ୍ଦୋଳନର ମୂଳଦୁଆ ପକାଇବାରେ ପ୍ରମୁଖ ଭୂମିକା ଗ୍ରହଣ କରିଥିବା ମହାନ ବ୍ୟକ୍ତିତ୍ୱମାନଙ୍କ ମଧ୍ୟରୁ ସେ ଅନ୍ୟତମ। ସେ ପ୍ରସିଦ୍ଧ ଲାଲ-ବାଲ-ପାଲ (ଲାଲା ଲଜପତ ରାୟ, ବାଲ ଗଙ୍ଗାଧର ତିଲକ ଏବଂ ବିପିନ ଚନ୍ଦ୍ର ପାଲ) ଦଳର ସଦସ୍ୟ ଥିଲେ।

ବିଶିଷ୍ଟ ବ୍ୟକ୍ତିଙ୍କ ତିରୋଧାନ ଦିବସ:-

ସ୍ୱାମୀ ବ୍ରହ୍ମାନନ୍ଦ ସରସ୍ୱତୀ (୨୧ ଡିସେମ୍ବର ୧୮୭୧ – ୨୦ ମଇ ୧୯୫୩), ଭାରତର ଜ୍ୟୋତିର୍ମଠ ମଠର ଶଙ୍କରାଚାର୍ଯ୍ୟ। ତାଙ୍କୁ ଗୁରୁ ଦେବ ମଧ୍ୟ କୁହାଯାଏ।

ନଜର ପକାନ୍ତୁ ଆଜିର‌ ଦିନରେ ଘଟିଥିବା ଗୁରୁତ୍ୱପୂର୍ଣ୍ଣ ଘଟଣାକ୍ରମ ଉପରେ:-

୧୪୯୮ – ପର୍ତ୍ତୁଗିଜ ଅନୁସନ୍ଧାନକାରୀ ଭାସ୍କୋଡାଗାମା କେରଳର କୋଝିକୋଡ଼ (କାଲିକଟ)ରେ ଭାରତରେ ପହଞ୍ଚିଥିଲେ। ଏହି ଯାତ୍ରାରେ ସେ ଭାରତକୁ ପ୍ରଥମ ୟୁରୋପୀୟ ସମୁଦ୍ର ମାର୍ଗ ପ୍ରତିଷ୍ଠା କରିଥିବାରୁ ଏହି ଘଟଣା ଗୁରୁତ୍ୱପୂର୍ଣ୍ଣ।

୧୮୭୩ – ସାନ୍ ଫ୍ରାନ୍ସିସ୍କୋ ବ୍ୟବସାୟୀ ଲେଭି ଷ୍ଟ୍ରାଉସ୍ ଏବଂ ଟେଲର ଜାକବ ଡେଭିସ୍ ଙ୍କୁ ୧୮୭୩ ମସିହାରେ ସେହି ଦିନ ବିଶ୍ୱର ପ୍ରଥମ ଜିନ୍ସ ତିଆରି କରିବା ପାଇଁ ପୁରସ୍କୃତ କରାଯାଇଥିଲା ।

୧୯୬୫ – ଏହି ଦିନ ଅବତାର ସିଂହ ଚିମା ପ୍ରଥମ ଭାରତୀୟ ଭାବେ ମାଉଣ୍ଟ ଏଭରେଷ୍ଟ ଆରୋହଣ କରିଥିଲେ।

୧୯୬୫ – ଇଜିପ୍ଟରେ ପାକିସ୍ତାନୀ ବୋଇଂ ବିମାନ “୭୨୦-ବି”ର ଦୁର୍ଘଟଣାରେ ପ୍ରାୟ ୧୦୦ ଲୋକ ପ୍ରାଣ ହରାଇଥିଲେ।

୧୯୮୩ – ଦକ୍ଷିଣ ଆଫ୍ରିକାର ରାଜଧାନୀ ପ୍ରିଟୋରିଆରେ ଏକ କାର ବୋମା ବିସ୍ଫୋରଣରେ ୧୬ ଜଣଙ୍କ ମୃତ୍ୟୁ ଘଟିଥିଲା ଏବଂ ୧୩୦ରୁ ଅଧିକ ଆହତ ହୋଇଥିଲେ ।

୨୦୦୩ – ଆତଙ୍କବାଦୀ ସଂଗଠନ ହିଜବୁଲ ମୁଜାହିଦ୍ଦିନକୁ ପାକିସ୍ତାନ ନିଷିଦ୍ଧ ଘୋଷଣା କରିଥିଲା।

୨୦୧୨ – ଇଟାଲୀରେ ଭୂମିକମ୍ପରେ ୨୭ ଜଣଙ୍କ ମୃତ୍ୟୁ ହୋଇଥିଲା।