ଭୁବନେଶ୍ୱର, ୧୨/୦୭: ବିଜେଡି ସୁପ୍ରିମୋ ତଥା ବିରୋଧୀ ଦଳ ନେତା ଶ୍ରୀ ନବୀନ ପଟ୍ଟନାୟକ ଆଜି ଅପରାହ୍ନ ପ୍ରାୟ ୧ଟାରେ ଭୁବନେଶ୍ୱରରେ ପହଞ୍ଚିଛନ୍ତି। ସେ ସର୍ଭାଇକାଲ୍ ଆର୍ଥ୍ରାଇଟିସ୍ ପାଇଁ ଅସ୍ତ୍ରୋପଚାର ପାଇଁ ମୁମ୍ବାଇ ଯାଇଥିଲେ।
ଆହୁରି ପଢ଼ନ୍ତୁ...
ରିପୋର୍ଟ ଅନୁଯାୟୀ, ନବୀନ ପଟ୍ଟନାୟକ ଆଜି ଭୁବନେଶ୍ୱରର ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନବନ୍ଦରରେ ଅବତରଣ କରିବାର ପରେ ଦଳୀୟ ନେତୃବୃନ୍ଦ ଓ କର୍ମୀ ତାଙ୍କୁ ଭବ୍ୟ ସ୍ଵାଗତ କରିଥିଲେ। ତାଙ୍କର ସ୍ୱଦେଶ ଫେରିବା ଖବର ଦଳୀୟ କର୍ମୀମାନଙ୍କ ଭିତରେ ଆନନ୍ଦ ଭରି ଦେଇଥିଲା।
ସୂଚନାଯୋଗ୍ୟ, ଗତ ୨୨ ଜୁନରେ ମୁମ୍ବାଇର କୋକିଲାବେନ୍ ଧୀରୁଭାଇ ଅମ୍ବାନୀ ହସ୍ପିଟାଲରେ ଅସ୍ତ୍ରୋପଚାର ପରେ ୭ ଜୁଲାଇରେ ହସ୍ପିଟାଲରୁ ଡିସଚାର୍ଜ ହୋଇଥିଲେ ନବୀନ। ହେଲେ ଫିଜିଓଥେରାପି ପାଇଁ ମୁମ୍ବାଇରେ ରହିଥିଲେ। ତାଙ୍କ ବ୍ୟକ୍ତିଗତ ଡାକ୍ତର ଡାକ୍ତର ରମାକାନ୍ତ ପଣ୍ଡାଙ୍କ ତତ୍ତ୍ୱାବଧାନରେ ସଫଳ ଅସ୍ତ୍ରୋପଚାର ହୋଇଥିଲା।