ଆଜିର ତାରିଖ ୧୯ ଅଗଷ୍ଟ ୨୦୨୫
ବିଶ୍ୱ ମାନବିକତା ଦିବସ:- ବିଶ୍ବ ମାନବିକତା ଦିବସ ମାନବିକ କର୍ମଚାରୀ ତଥା ଯେଉଁମାନେ ମାନବିକତା କାରଣରୁ କାର୍ଯ୍ୟ କରି ଜୀବନ ହରାଇଛନ୍ତି ସେମାନଙ୍କ ସ୍ମୃତିରେ ପାଳନ କରାଯାଉଛି। ୨୦୦୩ ଅଗଷ୍ଟ ୧୯ରେ ଇରାକର ବାଗଦାଦରେ ମିଳିତ ଜାତିସଂଘ ମୁଖ୍ୟାଳୟ ଉପରେ ହୋଇଥିବା ବୋମା ଆକ୍ରମଣରେ ଜାତିସଂଘର ସ୍ବତନ୍ତ୍ର ପ୍ରତିନିଧୀ ସର୍ଜିଓ ଭିଏରା ଦେ ମେଲୋଙ୍କ ସମେତ ୨୨ ଜଣଙ୍କ ଜୀବନ ଯାଇଥିଲା। ଏହା ସ୍ମୃତିରେ ୨୦୦୮ ରେ, ମିଳିତ ଜାତିସଂଘର ସାଧାରଣ ସଭା ଅଗଷ୍ଟ ୧୯ କୁ ବିଶ୍ୱ ମାନବିକତା ଦିବସ ଭାବରେ ପାଳନ କରିବା ପାଇଁ ଘୋଷଣା କରାଯାଇଥିଲା। ଏହା ପର ଠାରୁ ଆଜିର ଦିନକୁ ବିଶ୍ୱ ମାନବିକ ଦିବସ ରୂପେ ପାଳନ କରାଯାଏ।
ବିଶିଷ୍ଟ ବ୍ୟକ୍ତିଙ୍କ ଜନ୍ମ ଦିବସ:-
୧. ପରମାନନ୍ଦ ଆଚାର୍ଯ୍ୟ (୧୯ ଅଗଷ୍ଟ ୧୮୯୩- ୧୧ ଅପ୍ରେଲ ୧୯୭୧) ଓଡ଼ିଶାର ପ୍ରଥମ ପ୍ରତ୍ନତତ୍ତ୍ୱବିତ୍। ତାଙ୍କୁ ପଦ୍ମଶ୍ରୀ ସମ୍ମାନ ମିଳିଥିଲା। ସେ ଓଡ଼ିଶାର ଐତିହାସିକ ଓ ସାଂସ୍କୃତିକ ଗବେଷଣାରେ ଗୁରୁତ୍ୱପୂର୍ଣ୍ଣ ଅବଦାନ ରଖିଥିଲେ।
୨. ସତ୍ୟନାରାୟଣ ରାଜଗୁରୁ (୧୯ ଅଗଷ୍ଟ ୧୯୦୩- ୧୧ ଜୁନ ୧୯୯୭) ଳ ଜଣେ ପ୍ରଖ୍ୟାତ ଲେଖକ ଓ ଐତିହାସିକ, ଯିଏ କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର ପାଇଥିଲେ। ତାଙ୍କ କାର୍ଯ୍ୟ ଓଡ଼ିଶାର ଇତିହାସ ଓ ସାହିତ୍ୟ କ୍ଷେତ୍ରରେ ଉଲ୍ଲେଖନୀୟ।
୩. ଶଙ୍କର ଦୟାଲ ଶର୍ମା (୧୯ ଅଗଷ୍ଟ ୧୯୧୮- ୨୬ ଡିସେମ୍ବର ୧୯୯୯): ଭାରତର ନବମ ରାଷ୍ଟ୍ରପତି (୧୯୯୨-୧୯୯୭)। ସେ ଜଣେ ପ୍ରଖ୍ୟାତ ରାଜନେତା ଓ ଶିକ୍ଷାବିତ୍ ଥିଲେ, ଯିଏ ଭାରତୀୟ ରାଜନୀତିରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ।
ନଜର ପକାନ୍ତୁ ଆଜିର ଦିନରେ ଘଟିଥିବା ଗୁରୁତ୍ୱପୂର୍ଣ୍ଣ ଘଟଣାକ୍ରମ ଉପରେ:-
୧୭୫୭ – କଲିକତାରେ ଇଷ୍ଟଇଣ୍ଡିଆ କମ୍ପାନୀର ପ୍ରଥମ ମୁଦ୍ରା ପ୍ରଚଳିତ ହେଲା।
୧୮୪୮- କାଲିଫର୍ଣ୍ଣିଆରେ ସୁନାଖଣିର ସନ୍ଧିରେ ମିଳିଥିଲା।
୧୯୧୯ – ଆଫଗାନିସ୍ତାନ ବ୍ରିଟିଶ ଶାସନରୁ ସ୍ୱାଧୀନତା ଲାଭ କରିଥିଲା। ତୃତୀୟ ଆଙ୍ଗ୍ଲୋ-ଆଫଗାନ ଯୁଦ୍ଧ ପରେ ରାୱାଲପିଣ୍ଡି ଚୁକ୍ତି ମାଧ୍ୟମରେ ଆଫଗାନିସ୍ତାନ ସ୍ୱାଧୀନ ରାଷ୍ଟ୍ର ଭାବେ ଉଭା ହୋଇଥିଲା।
୧୯୩୪ – ଜର୍ମାନୀରେ ହିଟଲରଙ୍କୁ “ଫ୍ୟୁରର” (ନେତା) ଭାବେ ଘୋଷଣା କରାଯାଇଥିଲା, ଯାହା ନାଜି ଜର୍ମାନୀରେ ତାଙ୍କର ଏକଛତ୍ର ଶାସନର ଆରମ୍ଭ ସୂଚାଇଥିଲା।
୧୯୪୦ – ଦ୍ୱିତୀୟ ବିଶ୍ୱଯୁଦ୍ଧ ସମୟରେ ବ୍ରିଟେନ ଯୁଦ୍ଧରେ ଜର୍ମାନ ବିମାନ ବାହିନୀ (ଲୁଫ୍ଟୱାଫେ) ବ୍ରିଟେନ ଉପରେ ବ୍ୟାପକ ବୋମା ବର୍ଷଣ କରିଥିଲା, ଯାହା ବ୍ରିଟେନ ଯୁଦ୍ଧର ଏକ ଗୁରୁତ୍ୱପୂର୍ଣ୍ଣ ଦିନ ଥିଲା।
୧୯୪୯ – କଟକ ବଦଳରେ ଭୁବନେଶ୍ୱରକୁ ରାଜଧାନୀ ଭାବେ ଘୋଷଣା କରାଯାଇଥିଲା।
୧୯୫୦ – ବେଲଜିଅମର ରାଜା ଲେଓପୋଲ୍ଡ ତୃତୀୟ ରାଜନୈତିକ ବିବାଦ ପରେ ନିଜ ପୁତ୍ର ବୌଡୋଇନଙ୍କ ପାଇଁ ସିଂହାସନ ତ୍ୟାଗ କରିଥିଲେ।
୧୯୬୬ – ଭିଏତନାମ ଯୁଦ୍ଧ ସମୟରେ ଅଷ୍ଟ୍ରେଲୀୟ ସୈନ୍ୟ ଓ ଭିଏତ କଂଗ ମଧ୍ୟରେ ଲଙ୍ଗ ଟାନ ଯୁଦ୍ଧ ହୋଇଥିଲା, ଯେଉଁଥିରେ ଅଷ୍ଟ୍ରେଲୀୟ ସୈନ୍ୟ ବିଜୟୀ ହୋଇଥିଲେ।
୨୦୦୩ – ଇରାକର ବାଗଦାଦରେ ଜାତିସଂଘର ମୁଖ୍ୟାଳୟ ଉପରେ ଏକ ବୋମା ଆକ୍ରମଣ ହୋଇଥିଲା, ଯେଉଁଥିରେ ୨୨ ଜଣଙ୍କର ମୃତ୍ୟୁ ଘଟିଥିଲା, ଯେଉଁମାନଙ୍କ ମଧ୍ୟରେ ଜାତିସଂଘର ସ୍ୱତନ୍ତ୍ର ପ୍ରତିନିଧି ସେର୍ଜିଓ ଭିଏରା ଡି ମେଲୋ ମଧ୍ୟ ଥିଲେ।
୨୦୧୦- ଆମେରିକୀୟ ସେନା ଇରାକ ଛାଡିଥିଲେ।
୨୦୧୫ – ଥାଇଲ୍ୟାଣ୍ଡର ବ୍ୟାଙ୍କକରେ ଏରାୱାନ ମନ୍ଦିର ନିକଟରେ ଏକ ବୋମା ବିସ୍ଫୋରଣରେ ୨୦ ଜଣଙ୍କର ମୃତ୍ୟୁ ଓ ୧୨୫ରୁ ଅଧିକ ଲୋକ ଆହତ ହୋଇଥିଲେ, ଯାହା ଥାଇଲ୍ୟାଣ୍ଡ ଇତିହାସରେ ଏକ ଭୟଙ୍କର ଆତଙ୍କବାଦୀ ଘଟଣା ଥିଲା।
୨୦୧୯ – ଆଫଗାନିସ୍ତାନର କାବୁଲରେ ଏକ ବିବାହ ଉତ୍ସବରେ ଆତ୍ମଘାତୀ ବୋମା ଆକ୍ରମଣରେ ୮୦ରୁ ଅଧିକ ଲୋକଙ୍କର ମୃତ୍ୟୁ ଘଟିଥିଲା, ଯାହା ତାଲିବାନ ବିରୁଦ୍ଧରେ ଚାଲିଥିବା ସଂଘର୍ଷର ଏକ ଦୁଃଖଦ ଘଟଣା ଥିଲା।