ହାଇଦ୍ରାବାଦ, ୦୮/୧୨: ରବିବାର ବିଳମ୍ବିତ ରାତିରେ ହାଇଦ୍ରାବାଦର ରାଜୀବ ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦରରେ ବୋମା ଧମକପୂର୍ଣ୍ଣ ଇମେଲ୍ ଆସିବା ପରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି। ଦୁଇଟି ୟୁରୋପରୁ ଆସୁଥିବା ଦୁଇଟି ବିମାନରେ ବୋମା ଥିବା ଧମକ ମିଳିବା ପରେ ବିମାନରେ ଯାଞ୍ଚ କରାଯାଇଥିଲା।
ଆହୁରି ପଢ଼ନ୍ତୁ...
ଲଣ୍ଡନ ହିଥ୍ରୋରୁ ଆସୁଥିବା ବ୍ରିଟିଶ ଏୟାରୱେଜ୍ ବିମାନ BA 277, ଫ୍ରାଙ୍କଫର୍ଟରୁ ଆସୁଥିବା ଲୁଫ୍ଥାନ୍ସାର LH 752 ଏବଂ କନ୍ନୁରରୁ ଆସୁଥିବା ଇଣ୍ଡିଗୋ ବିମାନ 6E 7178 ରେ ବୋମା ଥିବା ଧମକ ମିଳିଥିଲା। ଧମକପୂର୍ଣ୍ଣ ଇମେଲ ସତ୍ତ୍ୱେ ବିମାନ କୌଣସି ଅଘଟଣ ବିନା ସେମାନଙ୍କର ଯାତ୍ରା ସମାପ୍ତ କରିଥିଲେ। ସୋମବାର ସକାଳେ ଅନ୍ତର୍ଜାତୀୟ ବିମାନଗୁଡ଼ିକ ଅବତରଣ କରିଥିଲେ, ଯେତେବେଳେ ଘରୋଇ ବିମାନ ମଧ୍ୟ ସୁରକ୍ଷିତ ଭାବରେ ଅବତରଣ କରିଥିଲା।
ବିମାନ ଅବତରଣ ପରେ ଯାତ୍ରୀ ଏବଂ ଲଗେଜର ବ୍ୟାପକ ସୁରକ୍ଷା ଯାଞ୍ଚ କରାଯାଇଥିଲା। କିନ୍ତୁ ସେପରି କୌଣସି ସନ୍ଦେହଜନକ ଜିନିଷ ଠାବ ହୋଇନଥିଲା।