କନ୍ୟା ଏକ ଉଜ୍ଜ୍ୱଳ ଭବିଷ୍ୟତର ପ୍ରତୀକ, ଶିକ୍ଷା ହିଁ ଜୀବନର ଆଲୋକ

ଆଜିର ତାରିଖ ୨୩ ଜାନୁଆରୀ ୨୦୨୬

* ଜାତୀୟ କନ୍ୟା ସନ୍ତାନ ଦିବସ:- ପ୍ରତିବର୍ଷ ଜାନୁଆରୀ ୨୪ ତାରିଖରେ ଭାରତରେ ଜାତୀୟ କନ୍ୟା ସନ୍ତାନ ଦିବସ ପାଳନ କରାଯାଏ। ଏହି ଦିବସ ୨୦୦୮ ମସିହାରେ ମହିଳା ଓ ଶିଶୁ ବିକାଶ ମନ୍ତ୍ରଣାଳୟ (Ministry of Women and Child Development) ଦ୍ୱାରା ଆରମ୍ଭ କରାଯାଇଥିଲା। ଏହାର ମୁଖ୍ୟ ଉଦ୍ଦେଶ୍ୟ ହେଉଛି କନ୍ୟା ସନ୍ତାନଙ୍କ ପ୍ରତି ସମାଜରେ ଥିବା ଅସମାନତା, ଲିଙ୍ଗଗତ ଭେଦଭାବ, ଭ୍ରୂଣହତ୍ୟା, ବାଲ୍ୟବିବାହ, ଶିକ୍ଷା ଓ ସ୍ୱାସ୍ଥ୍ୟ ସମ୍ବନ୍ଧୀୟ ସମସ୍ୟା ବିଷୟରେ ସଚେତନତା ସୃଷ୍ଟି କରିବା ଏବଂ ଝିଅମାନଙ୍କୁ ସମାନ ଅଧିକାର, ସୁରକ୍ଷା, ଶିକ୍ଷା ଓ ସୁଯୋଗ ପ୍ରଦାନ କରିବାକୁ ପ୍ରୋତ୍ସାହିତ କରିବା। ଏହି ଦିନ ବିଭିନ୍ନ ସ୍ଥାନରେ ପଦଯାତ୍ରା, ସଚେତନତା କାର୍ଯ୍ୟକ୍ରମ, ଆଲୋଚନାଚକ୍ର, ସାଂସ୍କୃତିକ କାର୍ଯ୍ୟକ୍ରମ ଓ ସରକାରୀ ଯୋଜନା ଯଥା ବେଟି ବଚାଓ ବେଟି ପଢ଼ାଓ ଆଦିର ପ୍ରଚାର କରାଯାଏ। ଓଡ଼ିଶାରେ ମଧ୍ୟ ଜିଲ୍ଲାସ୍ତରରେ ବିଭିନ୍ନ ଅନୁଷ୍ଠାନ ଦ୍ୱାରା ଏହା ଉତ୍ସାହର ସହିତ ପାଳନ କରାଯାଏ।

* ଆନ୍ତର୍ଜାତୀୟ ଶିକ୍ଷା ଦିବସ:- ଆନ୍ତର୍ଜାତୀୟ ଶିକ୍ଷା ଦିବସ (International Day of Education) ପ୍ରତିବର୍ଷ ଜାନୁଆରୀ ୨୪ ତାରିଖରେ ପାଳନ କରାଯାଏ। ଏହାକୁ ୨୦୧୮ ମସିହାରେ ସଂଯୁକ୍ତ ରାଷ୍ଟ୍ର ସାଧାରଣ ସଭା (United Nations General Assembly) ଦ୍ୱାରା ଶାନ୍ତି ଓ ବିକାଶରେ ଶିକ୍ଷାର ଗୁରୁତ୍ୱକୁ ମନେପକାଇବା ପାଇଁ ଘୋଷଣା କରାଯାଇଥିଲା।ଏହି ଦିବସର ମୁଖ୍ୟ ଉଦ୍ଦେଶ୍ୟ ହେଉଛି: ସମସ୍ତଙ୍କ ପାଇଁ ସମାନ, ଗୁଣାତ୍ମକ ଓ ସମାବେଶୀ ଶିକ୍ଷା (inclusive and equitable quality education) ନିଶ୍ଚିତ କରିବା। ଲିଙ୍ଗ ସମାନତା ପ୍ରୋତ୍ସାହନ ସମସ୍ତଙ୍କ ବିକାଶ ଲକ୍ଷ୍ୟ। ଶିକ୍ଷାକୁ ଏକ ମୌଳିକ ମାନବାଧିକାର (human right) ଭାବରେ ପ୍ରଚାର କରିବା। ଚଳିତ ବର୍ଷର ଥିମ୍ ହେଉଛି “The power of youth in co-creating education” (ଶିକ୍ଷା ସହ-ନିର୍ମାଣରେ ଯୁବକମାନଙ୍କର ଶକ୍ତି)

 

ବିଶିଷ୍ଟ ବ୍ୟକ୍ତିଙ୍କ ଜନ୍ମ ଦିବସ:-

୧. ପୁଲିନ ବିହାରୀ ଦାସ (୨୪ ଜାନୁଆରୀ ୧୮୭୭ – ୧୭ ଅଗଷ୍ଟ ୧୯୪୯), ଜଣେ ମହାନ ସ୍ୱାଧୀନତା ପ୍ରେମୀ ଏବଂ ବିପ୍ଳବୀ ଥିଲେ। ସେ ଭାରତର ସ୍ୱାଧୀନତା ପାଇଁ “ଢାକା ଅନୁଶୀଳନ ସମିତି” ନାମକ ଏକ ବିପ୍ଳବୀ ସଂଗଠନ ପ୍ରତିଷ୍ଠା କରିଥିଲେ। କଲିକତା ବିଶ୍ୱବିଦ୍ୟାଳୟ ତାଙ୍କ ସମ୍ମାନାର୍ଥେ ଏକ ସ୍ୱତନ୍ତ୍ର ପଦକ ପ୍ରଦାନ କରେ, ଯାହାର ନାମ ‘ପୁଲିନ ବିହାରୀ ଦାସ ସ୍ମାରକୀ ପଦକ’। ସେ ୨୪ ଜାନୁଆରୀ ୧୮୭୭ ରେ ଫରିଦପୁରରେ ଜନ୍ମଗ୍ରହଣ କରିଥିଲେ।

୨. କର୍ପୂରୀ ଠାକୁର (୨୪ ଜାନୁଆରୀ ୧୯୨୪ – ୧୭ ଫେବୃଆରୀ ୧୯୮୮), ଜଣେ ଭାରତୀୟ ସ୍ୱାଧୀନତା ସଂଗ୍ରାମୀ, ଶିକ୍ଷକ, ରାଜନେତା ଏବଂ ବିହାରର ପୂର୍ବତନ ମୁଖ୍ୟମନ୍ତ୍ରୀ ଥିଲେ। ତାଙ୍କର ଲୋକପ୍ରିୟତା ପାଇଁ ତାଙ୍କୁ ଏକ ଗଣ ନାୟକ କୁହାଯାଉଥିଲା। କର୍ପୂରୀ ଠାକୁରଙ୍କ ଜନ୍ମ ୨୪ ଜାନୁଆରୀ ୧୯୨୪ ରେ ବିହାରର ସମସ୍ତିପୁରର ପିଟୋନଝିଆ (କର୍ପୁରୀ ଗ୍ରାମ) ରେ ହୋଇଥିଲା।

 

ବିଶିଷ୍ଟ ବ୍ୟକ୍ତିଙ୍କ ତିରୋଧାନ ଦିବସ:-

୧. ହୋମି ଜହାଙ୍ଗିର ଭାବା (୩୦ ଅକ୍ଟୋବର ୧୯୦୯ – ୨୪ ଜାନୁଆରୀ ୧୯୬୬), ଜଣେ ବିଶିଷ୍ଟ ଭାରତୀୟ ବୈଜ୍ଞାନିକ ଥିଲେ ଯିଏ ଭାରତର ପରମାଣୁ ଶକ୍ତି କାର୍ଯ୍ୟକ୍ରମର ପରିକଳ୍ପନା କରିଥିଲେ। ସେ ଦେଶରେ ବିଜ୍ଞାନ ଏବଂ ପ୍ରଯୁକ୍ତିବିଦ୍ୟା କ୍ଷେତ୍ରରେ ବହୁ ଉନ୍ନତି ଆଣିଥିଲେ।

୨. ପଣ୍ଡିତ ଭୀମସେନ ଜୋଶୀ (୪ ଫେବୃଆରୀ ୧୯୨୨ – ୨୪ ଜାନୁଆରୀ ୨୦୧୧), କିରାଣା ଘରାନାର ଜଣେ ଗୁରୁତ୍ୱପୂର୍ଣ୍ଣ ଶାସ୍ତ୍ରୀୟ ଗାୟକ ଥିଲେ। ସେ ୧୯ ବର୍ଷ ବୟସରୁ ଗୀତ ଗାଇବା ଆରମ୍ଭ କରିଥିଲେ ଏବଂ ସାତ ଦଶନ୍ଧି ଧରି ଶାସ୍ତ୍ରୀୟ ଗୀତ ଗାଇ ଚାଲିଥିଲେ। ପଣ୍ଡିତ ଭୀମସେନ ଜୋଶୀଙ୍କୁ ଦେଶର ସର୍ବୋଚ୍ଚ ନାଗରିକ ପୁରସ୍କାର ‘ଭାରତ ରତ୍ନ’ରେ ସମ୍ମାନିତ କରାଯାଇଥିଲା, ଯାହା କଳା ଏବଂ ସଂସ୍କୃତି ଜଗତର ଷଷ୍ଠ ବ୍ୟକ୍ତି ଥିଲେ। ତାଙ୍କର ମୃତ୍ୟୁ ୨୪ ଜାନୁଆରୀ ୨୦୧୧ରେ ମହାରାଷ୍ଟ୍ରର ପୁଣେରେ ହୋଇଥିଲା।

 

ନଜର ପକାନ୍ତୁ ଆଜିର‌ ଦିନରେ ଘଟିଥିବା ଗୁରୁତ୍ୱପୂର୍ଣ୍ଣ ଘଟଣାକ୍ରମ ଉପରେ:-

୧୮୫୭ – ଭାରତର କୋଲକାତା ସହରରେ କୋଲକାତା ବିଶ୍ୱବିଦ୍ୟାଳୟ ପ୍ରତିଷ୍ଠିତ ହୋଇଥିଲା।

୧୮୬୨ – ବୁଖାରେଷ୍ଟକୁ ରୋମାନିଆର ରାଜଧାନୀ କରାଯାଇଥିଲା।

୧୯୩୬ – ଆଲବର୍ଟ ସେରୁଏଟ୍ ଫ୍ରାନ୍ସର ପ୍ରଧାନମନ୍ତ୍ରୀ ହୋଇଥିଲେ।

୧୯୩୯ – ଚିଲିରେ ଭୂମିକମ୍ପରେ ପ୍ରାୟ ୫୦,୦୦୦ ଲୋକଙ୍କର ମୃତ୍ୟୁ ହୋଇଥିଲା।

୧୯୫୦ – ସମ୍ବିଧାନ ସଭା ରାଜେନ୍ଦ୍ର ପ୍ରସାଦଙ୍କୁ ଦେଶର ପ୍ରଥମ ରାଷ୍ଟ୍ରପତି ଭାବରେ ନିର୍ବାଚିତ କରିଥିଲା।

୧୯୫୦ – ଜନ ଗଣ ମାନ ଭାରତର ଜାତୀୟ ସଙ୍ଗୀତର ମାନ୍ୟତା ପାଇଲା।

୧୯୫୧ – ପ୍ରେମ ମାଥୁର ଭାରତର ପ୍ରଥମ ମହିଳା ବାଣିଜ୍ୟିକ ପାଇଲଟ ହୋଇଥିଲେ।

୧୯୫୨ – ବମ୍ବେରେ ପ୍ରଥମ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ ଆୟୋଜନ କରାଯାଇଥିଲା।

୧୯୬୬ – ଆଲପ୍ସ ପର୍ବତମାଳାର ମୋନବ୍ଲୋ ଶିଖର ନିକଟରେ ଏୟାର ଇଣ୍ଡିଆର ବୋଇଂ ୭୦୭ ବିମାନ ଦୁର୍ଘଟଣାରେ ପ୍ରାୟ ୧୨୦ ଜଣଙ୍କର ମୃତ୍ୟୁ ହୋଇଥିଲା।

୧୯୭୯ – ଆମେରିକା ନେଭାଡାରେ ପରମାଣୁ ପରୀକ୍ଷଣ କରିଥିଲା।

୧୯୮୯ – ପେରୁର ଏକ ସୁନା ଖଣିରେ ୧୨୫ ରୁ ଅଧିକ ଶ୍ରମିକ ଫସି ଯାଇଥିଲେ।

୧୯୯୧ – ଲିଥୁନିଆ ଗଣରାଜ୍ୟ ସୋଭିଏତ୍ ସୈନ୍ୟ ପ୍ରତ୍ୟାହାର ପାଇଁ ଆହ୍ୱାନ କରିଥିଲା।

୨୦୦୨ – ଭାରତୀୟ ଉପଗ୍ରହ INSAT-3C ସଫଳତାର ସହ ଏହାର କକ୍ଷପଥରେ ସ୍ଥାପିତ ହୋଇଥିଲା।

୨୦୦୩ – ଫ୍ରାନ୍ସ ଏବଂ ଭାରତ ମଧ୍ୟରେ ପ୍ରତ୍ୟର୍ପଣ ଚୁକ୍ତି ହୋଇଥିଲା।

୨୦୦୫ – ଆନ୍ଧ୍ରପ୍ରଦେଶର ତେଲୁଗୁ ଦେଶମ୍ ବିଧାୟକ ପାରିତାଲା ରବିଙ୍କୁ ଗୁଳି କରି ହତ୍ୟା କରାଯାଇଥିଲା।

୨୦୧୧ – ମସ୍କୋର ଡୋନୋଡିଡୋଭୋ ବିମାନବନ୍ଦରରେ ବିସ୍ଫୋରଣରେ ୪୦ ଜଣଙ୍କର ମୃତ୍ୟୁ ହୋଇଥିଲା ଏବଂ ୨୦୦ ଜଣ ଆହତ ହୋଇଥିଲେ।