ଆଜିର ତାରିଖ ୨୮ ଏପ୍ରିଲ ୨୦୨୬
କର୍ମକ୍ଷେତ୍ରରେ ନିରାପତ୍ତା ଏବଂ ସ୍ୱାସ୍ଥ୍ୟ ଦିବସ (World Day for Safety and Health at Work) ପ୍ରତିବର୍ଷ ଅପ୍ରେଲ ୨୮ ତାରିଖରେ ପାଳନ କରାଯାଏ। ଏହି ଦିବସର ଉଦ୍ଦେଶ୍ୟ ହେଉଛି କର୍ମକ୍ଷେତ୍ରରେ ଦୁର୍ଘଟଣା ଏବଂ ରୋଗକୁ ରୋକିବା। ଶ୍ରମିକମାନଙ୍କ ସ୍ୱାସ୍ଥ୍ୟ ଏବଂ ସୁରକ୍ଷା ବିଷୟରେ ସଚେତନତା ସୃଷ୍ଟି କରିବା। ନିରାପଦ ଓ ସ୍ୱାସ୍ଥ୍ୟକର କାର୍ଯ୍ୟ ସ୍ଥଳୀକୁ ଏକ ମୌଳିକ ଅଧିକାର ଭାବେ ଗ୍ରହଣ କରିବା।
ଏହା ଆନ୍ତର୍ଜାତୀୟ ଶ୍ରମ ସଂଗଠନ (ILO) ଦ୍ୱାରା ୨୦୦୩ ମସିହାରୁ ଆରମ୍ଭ ହୋଇଛି। କର୍ମକ୍ଷେତ୍ରରେ ସଠିକ୍ ସୁରକ୍ଷା ନିୟମ ପାଳନ କଲେ ହଜାର ହଜାର ଶ୍ରମିକଙ୍କ ଜୀବନ ବଞ୍ଚାଯାଇପାରିବ। ଦୁର୍ଘଟଣା କମିଲେ କମ୍ପାନୀ ଏବଂ ଦେଶର ଆର୍ଥିକ କ୍ଷତି ହୁଏ ନାହିଁ। ସୁରକ୍ଷିତ ପରିବେଶରେ କାମ କଲେ କର୍ମଚାରୀମାନଙ୍କ ମାନସିକ ସ୍ୱାସ୍ଥ୍ୟ ଭଲ ରହେ। କର୍ମକ୍ଷେତ୍ରରେ ସୁରକ୍ଷା କେବଳ ସରକାର ବା ମାଲିକଙ୍କ ଦାୟିତ୍ୱ ନୁହେଁ, ଏହା ସମସ୍ତଙ୍କର ମିଳିତ ଦାୟିତ୍ୱ।
୨୦୨୬ ମସିହାର ଥିମ୍ ହେଉଛି “Let’s ensure a healthy psychosocial working environment”। ଯାହାର ଅର୍ଥ ଏକ ସୁସ୍ଥ ମାନସିକ-ସାମାଜିକ କାର୍ଯ୍ୟ ପରିବେଶ ନିଶ୍ଚିତ କରିବା।
ବିଶିଷ୍ଟ ବ୍ୟକ୍ତିଙ୍କ ଜନ୍ମ ଦିବସ:-
୧. ଅନୁପ୍ରିୟା ପଟେଲ (ଜନ୍ମ-୧୯୮୧) ଭାରତର ସପ୍ତଦଶ ଲୋକସଭାର ସଦସ୍ୟ ଥିଲେ। ତାଙ୍କୁ ‘ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ରାଷ୍ଟ୍ରମନ୍ତ୍ରୀ’ କରାଯାଇଥିଲା। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ କ୍ୟାବିନେଟର ବିସ୍ତାର ଏବଂ ପୁନର୍ଗଠନ ପରେ ୭ ଜୁଲାଇ ୨୦୨୧ରେ ଅନୁପ୍ରିୟା ପଟେଲଙ୍କୁ ‘ଶିଳ୍ପ ଏବଂ ବାଣିଜ୍ୟ ମନ୍ତ୍ରଣାଳୟ ରାଷ୍ଟ୍ରମନ୍ତ୍ରୀ’ ଦାୟିତ୍ୱ ଦିଆଯାଇଥିଲା। ପୂର୍ବରୁ ୨୦୧୨ରେ ଅନୁପ୍ରିୟା ପଟେଲ ବାରାଣସୀ ସଂସଦୀୟ କ୍ଷେତ୍ର ଅନ୍ତର୍ଗତ ରୋହାନିଆ ବିଧାନସଭା ଆସନରୁ ବିଧାୟକ ନିର୍ବାଚିତ ହୋଇଥିଲେ।
୨. ସମୀର ରଞ୍ଜନ ବର୍ମନ (ଜନ୍ମ-୧୯୪୦) ଜଣେ ଭାରତୀୟ ଜାତୀୟ କଂଗ୍ରେସ ରାଜନେତା ଥିଲେ। ସେ ତ୍ରିପୁରାର ପୂର୍ବତନ ସପ୍ତମ ମୁଖ୍ୟମନ୍ତ୍ରୀ ଥିଲେ। ସମୀର ରଞ୍ଜନ ବର୍ମନ ୧୯ ଫେବୃଆରୀ ୧୯୯୨ ରୁ ୧୦ ମାର୍ଚ୍ଚ ୧୯୯୩ ପର୍ଯ୍ୟନ୍ତ ତ୍ରିପୁରାର ମୁଖ୍ୟମନ୍ତ୍ରୀ ଥିଲେ।
ବିଶିଷ୍ଟ ବ୍ୟକ୍ତିଙ୍କ ତିରୋଧାନ ଦିବସ:-
୧. ବାଜୀରାଓ ପ୍ରଥମ (ମୃତ୍ୟୁ- ୧୭୪୦) ମରାଠା ସାମ୍ରାଜ୍ୟର ପେଶ୍ୱା ଏବଂ ଭାରତୀୟ ଇତିହାସର ଏକ ମହାନ୍ ଯୋଦ୍ଧା ଓ ରଣନୀତିଜ୍ଞ ଥିଲେ। ମୁଘଲ ସାମ୍ରାଜ୍ୟ ବିରୋଧରେ ଅନେକ ଯୁଦ୍ଧ ଜୟ କରି ମରାଠା ଶକ୍ତିକୁ ବିସ୍ତାର କରିଥିଲେ। ତାଙ୍କ ବୀରତ୍ୱ ଆଜି ମଧ୍ୟ ମରାଠା ଇତିହାସରେ ସ୍ୱର୍ଣ୍ଣାକ୍ଷରରେ ଲେଖାଯାଇଛି।
୨. ବିନାୟକ କୃଷ୍ଣ ଗୋକାକ୍ (ମୃତ୍ୟୁ- ୧୯୯୨) କନ୍ନଡ଼ ସାହିତ୍ୟର ଜଣେ ପ୍ରସିଦ୍ଧ କବି, ଲେଖକ ଏବଂ ଶିକ୍ଷାବିଦ୍ ଥିଲେ। ତାଙ୍କୁ ଜ୍ଞାନପୀଠ ପୁରସ୍କାର ପ୍ରଦାନ କରାଯାଇଥିଲା। କନ୍ନଡ଼ ସାହିତ୍ୟର ଆଧୁନିକୀକରଣରେ ତାଙ୍କ ଅବଦାନ ଅତୁଳନୀୟ।
ନଜର ପକାନ୍ତୁ ଆଜିର ଦିନରେ ଘଟିଥିବା ଗୁରୁତ୍ୱପୂର୍ଣ୍ଣ ଘଟଣାକ୍ରମ ଉପରେ:-
୧୭୯୬: ନେପୋଲିଅନ୍ ବୋନାପାର୍ଟ ଚେରାସ୍କୋ ଯୁଦ୍ଧବିରତିରେ ସ୍ୱାକ୍ଷର କରିଥିଲେ, ଫରାସୀ ଅଞ୍ଚଳ ବିସ୍ତାର କରିଥିଲେ।
୧୮୫୮: ବାୱାନି ଇମଲି ହତ୍ୟାକାଣ୍ଡରେ ୫୨ ଜଣ ଭାରତୀୟ ସ୍ୱାଧୀନତା ସଂଗ୍ରାମୀଙ୍କୁ ବ୍ରିଟିଶ ସେନା ଫାଶୀ ଦେଇଥିଲା।
୧୯୪୩: ଦ୍ୱିତୀୟ ବିଶ୍ୱଯୁଦ୍ଧ ସମୟରେ ନେତାଜୀ ସୁଭାଷ ଚନ୍ଦ୍ର ବୋଷ ଏକ ଜର୍ମାନ ୟୁ-ବୋଟ୍ ରୁ ମାଡାଗାସ୍କର ନିକଟରେ ଏକ ଜାପାନୀ ବୁଡ଼ାଜାହାଜକୁ ସ୍ଥାନାନ୍ତରିତ ହୋଇଥିଲେ।
୧୯୪୫: ଇଟାଲୀୟ ଏକଛତ୍ରବାଦୀ ବେନିଟୋ ମୁସୋଲିନି ଏବଂ ତାଙ୍କ ମାତା କ୍ଲାରା ପେଟାଚିଙ୍କୁ ମୃତ୍ୟୁଦଣ୍ଡ ଦିଆଯାଇଥିଲା।
୧୯୫୨: ଜାପାନ ଏବଂ ଭାରତ ମଧ୍ୟରେ ଯୁଦ୍ଧ ଆନୁଷ୍ଠାନିକ ଭାବରେ ଶେଷ ହୋଇଥିଲା।
୧୯୮୬: ଘଟଣାର ଦୁଇ ଦିନ ପରେ ସୋଭିଏତ୍ ୟୁନିଅନ୍ ଚେର୍ନୋବିଲ୍ ପରମାଣୁ ବିପର୍ଯ୍ୟୟକୁ ସ୍ୱୀକାର କରିଥିଲା।
୨୦୦୮: PSLVC-9 ବ୍ୟବହାର କରି ଗୋଟିଏ ମିଶନରେ ୧୦ଟି ଉପଗ୍ରହ ଉତ୍ କ୍ଷେପଣ କରି ISRO ଇତିହାସ ସୃଷ୍ଟି କରିଥିଲା।
୨୦୧୮: ଭାରତ ସରକାର ଘୋଷଣା କରିଥିଲେ ଯେ ଭାରତର ପ୍ରତ୍ୟେକ ଗାଁରେ ବିଦ୍ୟୁତ୍ ପହଞ୍ଚିଛି।
୨୦୦୧: ଡେନିସ୍ ଟିଟୋ ପ୍ରଥମ ମହାକାଶ ପର୍ଯ୍ୟଟକ ହୋଇଥିଲେ, ଯିଏ ଅନ୍ତର୍ଜାତୀୟ ମହାକାଶ ଷ୍ଟେସନ ପାଇଁ ଉଡ଼ାଣ କରିଥିଲେ।
୨୦୦୩: ଆପଲ୍ ଆଇଟ୍ୟୁନ୍ସ ଷ୍ଟୋର୍ ଲଞ୍ଚ କରିଥିଲା।