ସୋସିଆଲ ମିଡିଆ ପ୍ଲାଟଫର୍ମ ଟ୍ୱିଟରର ନୂଆ ମାଲିକ ଏଲନ ମସ୍କଙ୍କ ଆଦେଶରେ କମ୍ପାନୀ ତାର ଗ୍ଲୋବାଲ ଜବ କଟ୍ ଆରମ୍ଭ କରିଛି। ଏଥିରେ ଭାରତୀୟ କର୍ମଚାରୀ ମଧ୍ୟ ଛଟେଇ ହେଲେଣି। ଭାରତରେ ଏହି ଛଟେଇ ଏବେ ଆରମ୍ଭ ହୋଇଯାଇଥିବା ବେଳେ ଶୁକ୍ରବାର ୨୦୦ କର୍ମଚାରୀଙ୍କୁ ବାହାର ଆକ୍ସେସ୍ ଫେରସ୍ତ ନେଇଛି। କର୍ମଚାରୀମାନେ ବିଳମ୍ବିତ ଅପରାହ୍ନରେ ଲଗଇନ୍ କରିବା ବେଳେ ସେମାନଙ୍କ ଆକ୍ସେସ୍ ପ୍ରତ୍ୟାହାର କରି ନିଆଯାଇଥିବା ଜାଣିବାକୁ ପାଇଛନ୍ତି।
ଆହୁରି ପଢ଼ନ୍ତୁ...
ମନେ କରାଯାଉଛି ମସ୍କ ତାଙ୍କର ୪୪ ବିଲିୟନ ଆମେରିକୀୟ ଡଲାର ଅଧିଗ୍ରହଣକୁ ବ୍ୟବହାର୍ଯ୍ୟ କରିବା ଲାଗି ତଥା କମ୍ପାନୀକୁ ମାନ୍ଦାବସ୍ଥା ପ୍ରଭାବରୁ ମୁକ୍ତ ରଖିବା ଲାଗି ଏହି ପଦକ୍ଷେପ ନେଇଛନ୍ତି। ଉଲ୍ଲେଖଯୋଗ୍ୟ ଯେ ବିଶ୍ୱର ସବୁଠାରୁ ଧନିକ ବ୍ୟବସାୟୀ ଏଲନ ମସ୍କ ଗତ ସପ୍ତାହରେ ଟ୍ୱିଟରକୁ ଟେକଓଭର କରିଛନ୍ତି। କମ୍ପାନୀକୁ ହାତକୁ ନେବାମାତ୍ରେ ଏହାର ଭାରତୀୟ ସିଇଓ ପରାଗ ଅଗ୍ରୱାଲଙ୍କୁ ଚାକିରୀରୁ ବହିଷ୍କାର କରିଥିଲେ।