ଭୁବନେଶ୍ୱର, ୧୨/୦୬: ଦୀର୍ଘ ପ୍ରତୀକ୍ଷା ପରେ ଓଡ଼ିଶାରେ ପ୍ରବେଶ କରିଛି ଦକ୍ଷିଣ-ପଶ୍ଚିମ ମୌସୁମୀ ବାୟୁ। ଭାରତୀୟ ପାଣିପାଗ ବିଭାଗ (IMD) ସୂଚନା ଅନୁଯାୟୀ, ଆଜି ଉତ୍ତର ଓଡ଼ିଶା ପଟୁ ମୌସୁମୀ ବାୟୁ ପ୍ରବେଶ କରିଛି। ରାଜ୍ୟରେ ପ୍ରବଳ ଗ୍ରୀଷ୍ମ ପ୍ରବାହ ଜାରି ରହିଥିବା ବେଳେ ମୌସୁମୀ ଆସିବା ଯୋଗୁଁ ଆଶ୍ୱସ୍ତି ମିଳିଛି। ପାରାଦୀପ ଓ ବାରିପଦା ମଧ୍ୟ ଦେଇ ମୌସୁମୀ ପ୍ରବେଶ କରୁଛି।
ଆହୁରି ପଢ଼ନ୍ତୁ...
ପାଣିପାଗ ବିଶେଷଜ୍ଞଙ୍କ କହିବା ଅନୁସାରେ ମୌସୁମୀ ବାୟୁ ଓଡ଼ିଶା ଆଡ଼କୁ ଦ୍ରୁତ ଗତିରେ ଅଗ୍ରସର ହୋଇଛି। ଏଥି ସହ ଆଗାମୀ ୨୪ ଘଣ୍ଟା ପାଇଁ ଓଡ଼ିଶାର ୧୫ ଜିଲ୍ଲାକୁ ପ୍ରବଳ ବର୍ଷା ବଜ୍ରପାତ ଓ ପବନ ପାଇଁ ଅରେଞ୍ଜ ଆଲର୍ଟ ଜାରି କରାଯାଇଛି। ବଜ୍ରପାତ ଓ ଝଡ଼ ବର୍ଷା ନେଇ ସତର୍କତା ଜାରି କରାଯାଇଛି। ୪୦-୫୦ କି.ମି. ବେଗରେ ପବନ ବହିବାର ସମ୍ଭାବନା ରହିଛି।