ଭୁବନେଶ୍ୱର, ୨୯/୦୮: ମହାରାଷ୍ଟ୍ରର ପୂର୍ବତନ ଗୃହ ସଚିବ ସ୍ବର୍ଗତ ଗୋପାଳ ଚନ୍ଦ୍ର ତ୍ରିପାଠୀଙ୍କ ପରଲୋକ ଘଟିଛି। ସେ ଜଣେ ଦକ୍ଷ ପ୍ରଶାସକ ଥିଲେ। ସେ କେବଳ ଜଣେ ସରକାରୀ କର୍ମଚାରୀ ନଥିଲେ ବରଂ ଏକାଧାରାରେ ଜଣେ କବି, ଲେଖକ, କଳାକାର ଓ ନାଟକ ପରିଚାଳନା କରୁଥିଲେ।
୧୯୬୮ ମସିହା ମହାରାଷ୍ଟ୍ର କ୍ୟାଡରର ଜଣେ ପ୍ରତିଷ୍ଠିତ ଅବସରପ୍ରାପ୍ତ ଭାରତୀୟ ପ୍ରଶାସନିକ ସେବା (ଆଇଏଏସ) ଅଫିସର ୧୯୪୪ ମସିହା ଫେବୃଆରୀ ୨୦ ତାରିଖରେ ଜନ୍ମଗ୍ରହଣ କରିଥିଲେ। ଶ୍ରୀ ତ୍ରିପାଠୀ ରାଜନୀତି ବିଜ୍ଞାନରେ ସ୍ନାତକ ଓ ସ୍ନାତକୋତ୍ତର ଡିଗ୍ରୀ ହାସଲ କରିଥିଲେ।
ତାଙ୍କ ଦୀର୍ଘ ପ୍ରଶାସନିକ ସେବା କାଳ ମଧ୍ୟରେ ସେ ଅନେକ ଗୁରୁତ୍ୱପୂର୍ଣ୍ଣ ପଦପଦବୀରେ ସଫଳତାର ସହ କାର୍ଯ୍ୟ ତୁଲାଇଛନ୍ତି। ଜିଲ୍ଲା କଲେକ୍ଟର, ଆସିଷ୍ଟାଣ୍ଟ କଲେକ୍ଟର, ସବ-ଡିଭିଜନାଲ ଅଫିସର, ପ୍ରବନ୍ଧ ନିର୍ଦ୍ଦେଶକ, ସିଇଓ, ନିର୍ଦ୍ଦେଶକ, ଯୁଗ୍ମ ସଚିବ, ସଚିବ, କମିଶନର ପ୍ରମୁଖ ସଚିବ ଭଳି ବିଭିନ୍ନ ଦାୟିତ୍ୱ ସେ ସମ୍ଭାଳିଛନ୍ତି।
ସେହିପରି ତାଙ୍କର ସବୁଠାରୁ ନିକଟତର ଦାୟିତ୍ୱ ଭାବେ ସେ ମହାରାଷ୍ଟ୍ରରେ କାର୍ମିକ ଓ ପ୍ରଶିକ୍ଷଣ ବିଭାଗ ଅଧୀନରେ ଆଡିସନାଲ ଆଡମିନିଷ୍ଟ୍ରେଟିଭ ମେମ୍ବର ଭାବେ କାର୍ଯ୍ୟ କରିଥିଲେ।