ଭୁବନେଶ୍ବର : ସାଧାରଣତଃ ଜୁନ୍ ପହିଲା ସୁଦ୍ଧା ଭାରତର ଦକ୍ଷିଣ-ପଶ୍ଚିମ ଭାଗରେ ପହଞ୍ଚିଥିବା ଦକ୍ଷିଣ-ପଶ୍ଚିମ ମୌସୁମୀ ବାୟୁ ଚଳିତ ବର୍ଷ ସାମାନ୍ୟ ବିଳମ୍ବରେ ପହଞ୍ଚିବାର ସମ୍ଭାବନା ରହିଛି। ଭାରତୀୟ ପାଣିପାଗ ବିଭାଗ (ଆଇଏମଡି)ର ସଦ୍ୟତମ ସୂଚନା ଅନୁଯାୟୀ, କେରଳରେ ୨୦୨୩ ମୌସୁମୀ ଜୁନ୍ ୪ ରେ ପହଞ୍ଚିବ।
ଆହୁରି ପଢ଼ନ୍ତୁ...
ଚଳିତ ବର୍ଷ ମୌସୁମୀର ପ୍ରଦର୍ଶନ ସ୍ୱାଭାବିକ ରହିବ ବୋଲି ଆଇଏମଡିର ପୂର୍ବାନୁମାନ ରୁ ଜଣାପଡିଛି । ମାତ୍ରାତ୍ମକ ଭାବରେ, ଋତୁକାଳୀନ ବୃଷ୍ଟିପାତ ୮୩.୫ ସେଣ୍ଟିମିଟର ହୋଇପାରେ ଯାହା ମୌସୁମୀ ପାଇଁ ଭାରତର ଦୀର୍ଘକାଳୀନ ହାରାହାରିର ପ୍ରାୟ ୯୬%। ଅନ୍ୟପକ୍ଷରେ ୨୦୨୩ ମୌସୁମୀ ପାଇଁ ପାଣିପାଗ ଚ୍ୟାନେଲର ପୂର୍ବାନୁମାନ ସାମାନ୍ୟ ଶୁଖିଲା ଚିତ୍ର ଦର୍ଶାଉଛି। ଏଥିରେ ୮୦.୪ ସେଣ୍ଟିମିଟର ବର୍ଷା ହେବ ବୋଲି ପୂର୍ବାନୁମାନ କରାଯାଇଛି, ଯାହା ଭାରତର ଏଲପିଏର ପ୍ରାୟ ୯୨% ଅଟେ ।