କଟକ ଆଇଏମଡି ପର୍ଯ୍ୟବେକ୍ଷଣ କେନ୍ଦ୍ରକୁ ଦୀର୍ଘମିଆଦୀ ପର୍ଯ୍ୟବେକ୍ଷଣ କେନ୍ଦ୍ର ମାନ୍ୟତା ଦେଲା ଡବ୍ଲୁଏମ୍ଓ

ଭୁବନେଶ୍ବର : ବିଶ୍ୱ ପାଣିପାଗ ବିଜ୍ଞାନ ସଂଗଠନ (ଡବ୍ଲୁଏମଓ) ଓଡ଼ିଶାର କଟକ ସମେତ ତିନୋଟି ଆଇଏମଡି ପର୍ଯ୍ୟବେକ୍ଷଣ କେନ୍ଦ୍ରକୁ ୧୦୦ ବର୍ଷରୁ ଅଧିକ ସମୟ ଧରି ଜଳବିଜ୍ଞାନ ପର୍ଯ୍ୟବେକ୍ଷଣ କେନ୍ଦ୍ର ଭାବରେ ମାନ୍ୟତା ଦେଇଛି ବୋଲି ଭାରତୀୟ ପାଣିପାଗ ବିଭାଗ (ଆଇଏମଡି) ଗୁରୁବାର ସୂଚନା ଦେଇଛି। ଏ ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କଟକ ଆଇଏମଡି ପର୍ଯ୍ୟବେକ୍ଷଣ କେନ୍ଦ୍ରକୁ ଶୁଭେଚ୍ଛା ଜଣାଇଛନ୍ତି।
ଅନ୍ୟ ଦୁଇଟି ଆଇଏମଡି ପର୍ଯ୍ୟବେକ୍ଷକ ହେଉଛନ୍ତି ଗୁଜୁରାଟର ଦ୍ୱାରକା ଏବଂ ଭେରାଭାଲ। ଭାରତୀୟ ପାଣିପାଗ ବିଭାଗର ପାଣିପାଗ ବିଜ୍ଞାନ ମହାନିର୍ଦେଶକ ତଥା ଡବ୍ଲୁଏମଓରେ ଭାରତର ସ୍ଥାୟୀ ପ୍ରତିନିଧି ଡ. ମୃତ୍ୟୁଞ୍ଜୟ ମହାପାତ୍ର ୨୪ ମେ ୨୦୨୩ରେ ଡବ୍ଲ୍ୟୁଏମ୍ କଂଗ୍ରେସ ରେ ଆୟୋଜିତ ଏକ ସମାରୋହରେ ଡବ୍ଲୁଏମଓର ସଭାପତିଙ୍କଠାରୁ ସାର୍ଟିଫିକେଟ୍ ଗ୍ରହଣ କରିଥିଲେ। ଏହି ସଫଳତା ପାଇଁ ଆଇଏମଡି, ଦ୍ୱାରକା, ଭେରାଭାଲ ଏବଂ କଟକର କାର୍ଯ୍ୟରତ ଏବଂ ଅବସରପ୍ରାପ୍ତ ସହଯୋଗୀମାନଙ୍କୁ ଆଇଏମଡି ଅଭିନନ୍ଦନ ଜଣାଇଛି ।