ଓଡିଶା ଆସିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି

ବାଲେଶ୍ୱର: ଓଡିଶା ଆସିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଆଜି ସନ୍ଧ୍ୟାରେ ରେଳ ଦୁର୍ଘଟଣାସ୍ଥଳୀ ବାହାନଗା ପରିଦର୍ଶନ କରିବେ ମୋଦି । ଦୁର୍ଘଟଣାସ୍ଥଳ ଅନୁଧ୍ୟାନ ପରେ କଟକ ଯିବେ । କଟକ ଏସସିବିରେ ଆହତ ରେଳଯାତ୍ରୀଙ୍କୁ ଭେଟିବେ ମୋଦି । ଦୁର୍ଘଟଣାସ୍ଥଳୀ ବାହାନଗା ଆସିବେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ । ତାମିଲନାଡୁ ମୁଖ୍ୟମନ୍ତ୍ରୀଙ୍କ ପୁଅ ଏବଂ ଏକ ପ୍ରତିନିଧି ଦଳ ଘଟଣାସ୍ଥଳକୁ ଆସିବେ ।
ଅର୍ଦ୍ଧନମିତ ରହିବ ଜାତୀୟ ପତାକା । ଆଜି ପାଇଁ ଅର୍ଦ୍ଧନମିତ ରହିବ ଜାତୀୟ ପତାକା ଏବଂ କୌଣସି ସରକାରୀ ଉସôବ ପାଳନ ହେବନି । ଦିନିକିଆ ଶୋକ ଘୋଷଣା କରିଛନ୍ତି ରାଜ୍ୟ ସରକାର । ବିଭିନ୍ନ ରାଷ୍ଟ୍ର ପକ୍ଷରୁ ଶୋକ ଓ ଆଶ୍ୱାସନାର ସୁଅ ଛୁଟିଛି। ଆମେରିକା ସରକାରଙ୍କ ଏସସିଏ ଡିପାର୍ଟମେଣ୍ଟ ପକ୍ଷରୁ ଦୁଃଖ ପ୍ରକାଶ। ଦୁର୍ଘଟଣାରେ ୧୦୦୦ ଆହତ ହୋଇଥିବା ବେଳେ ୬୫୦ ଆହତ କଟକ ଓ ଭୁବନେଶ୍ୱର ସମେତ ବିଭିନ୍ନ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ୨୮୮ ଜଣ ମୃତ୍ୟୁବରଣ କରିଛନ୍ତି ବୋଲି ରାଜସ୍ବ ମନ୍ତ୍ରୀ ସୂଚନା ଦେଇଛନ୍ତି।