ମହାପ୍ରଭୁଙ୍କ ସାମନାରେ ଚାଲିଗଲା ପ୍ରାଣ

ପୁରୀ : ପୁରୀ ଶ୍ରୀମନ୍ଦିର ସ୍ନାନମଣ୍ଡପ ନିକଟରେ ଘଟିଛି ଅଘଟଣ। ସ୍ନାନମଣ୍ଡପ ନିକଟରେ ଜଣେ ଭକ୍ତଙ୍କ ମୃତ୍ୟୁ ଘଟିଛି। ମହାପ୍ରଭୁଙ୍କ ସାମନାରେ ଚାଲିଗଲା ଜଣେ ଭକ୍ତଙ୍କ ପ୍ରାଣ। ମୃତ ଭକ୍ତ ଜଣଙ୍କ ହେଉଛନ୍ତି ରାଜସ୍ଥାନର ଅମ୍ବାଲାଲ ଭୋଇ। ସେ ତାଙ୍କ ପରିବାରବର୍ଗଙ୍କ ସହ ମହାପ୍ରଭୁଙ୍କ ଦର୍ଶନ ପାଇଁ ପୁରୀ ଆସିଥିଲେ।
ସୂଚନାନୁଯାୟୀ, ଅମ୍ବାଲାଲ ପୂର୍ବରୁ ଅସୁସ୍ଥ ଥିଲେ। ସେ ମହାପ୍ରଭୁଙ୍କ ଦର୍ଶନ ପାଇଁ ପୁରୀ ଆସିଥିଲେ। ଆଜି ସ୍ନାନମଣ୍ଡପ ନିକଟରେ ତାଙ୍କ ଦେହ ଅସୁସ୍ଥ ହେବାରୁ ପ୍ରଥମେ ସ୍ଥାନୀୟ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ପରେ ଦେହ ଅଧିକ ଅସୁସ୍ଥ ହେବାରୁ ତାଙ୍କୁ ସଦର ଡାକ୍ତରଖାନାକୁ ସ୍ଥାନାନ୍ତର କରାଯାଇଥିଲା। ସେଠାରେ ତାଙ୍କୁ ଡାକ୍ତର ମୃତ ଘୋଷଣା କରିଥିଲେ।