ଇଟାମାଟି ଶ୍ରୀ ଜଗନ୍ନାଥ ମନ୍ଦିର ବେଢାରେ ପବିତ୍ର ସ୍ନାନ ପୂର୍ଣମୀ ପାଳିତ

ଅଦ୍ୟ ତା. 04.06.2023 ରିଖ ରବିବାର ଦିନ ଇଟାମାଟି ଶ୍ରୀ ଜଗନ୍ନାଥ ମନ୍ଦିର ବେଢାରେ ପବିତ୍ର ସ୍ନାନ ପୂର୍ଣମୀ ଉପଲକ୍ଷେ ସ୍ନାନଯାତ୍ରାର ପ୍ରତ୍ୟକ୍ଷଦର୍ଶୀ ଧାରା ବିବରଣୀ ପ୍ରଦାନ ଆୟୋଜନ କରାଯାଇଥିଲା l ଏଥିରେ ସର୍ବଶ୍ରୀ ଡ଼କ୍ଟର ପୂର୍ଣଚନ୍ଦ୍ର ମହାପାତ୍ର, ପଣ୍ଡିତ ଶୀତୁପ୍ରକାଶ ରଥ, ଅଧ୍ୟାପିକା ପ୍ରିୟମ୍ବଦା ଦାଶ, ପଣ୍ଡିତ ମୀନକେତନ ଷଡ଼ଙ୍ଗୀ, ଶିକ୍ଷୟିତ୍ରୀ ଉଷାରାଣୀ ମିଶ୍ର, ଶିକ୍ଷକ ରବୀନ୍ଦ୍ର କୁମାର ସେନାପତି ଓ ଶିକ୍ଷୟିତ୍ରୀ ସ୍ଵର୍ଣ୍ଣଲତା ରଥ ଭାଷ୍ୟକାର ରୂପେ ଯୋଗ ଦେଇଥିଲେ l ଶ୍ରୀ ଯଜ୍ଞଦତ୍ତ ରଥ ଓ ପ୍ରଜ୍ଞାଦତ୍ତ ରଥ ଶ୍ରୀ ଜଗନ୍ନାଥଙ୍କ ଭଜନ ପରିବେଶଣ କରିଥିଲେ l ଜଗନ୍ନାଥ ଟ୍ରଷ୍ଟି ବୋର୍ଡ ର କର୍ମକର୍ତ୍ତା ସର୍ବଶ୍ରୀ ଜଗନ୍ନାଥ ପାତ୍ର (ଟ୍ରଷ୍ଟି ), ପ୍ରଶାନ୍ତ କୁମାର ପ୍ରଧାନ, କାଳୁଚରଣ ଲେଙ୍କା, କୃପାସିନ୍ଧୁ ପ୍ରଧାନ ଓ ସମାଜସେବୀ ଭାଗିରଥି ବାଈ ଏହି କାର୍ଯ୍ୟକୁ ସୁଚାର ରୂପେ ପରିଚାଳନା କରିଥିଲେ l ଇଟାମାଟି ଓ ଆଖପାଖ ଅଞ୍ଚଳର ଶତାଧିକ ଶ୍ରଦ୍ଧାଳୁ ଭକ୍ତ ମାନେ ମହାପ୍ରଭୁଙ୍କର ସ୍ନାନଯାତ୍ରା କୁ ଦର୍ଶନ କରି ଆତ୍ମତୃପ୍ତି ଲାଭ କରିଥିଲେ l