ସିକନ୍ଦରାବାଦ-ଅଗରତାଲା ଏକ୍ସପ୍ରେସରେ ଧୂଆଁ

ବ୍ରହ୍ମପୁର: ବ୍ରହ୍ମପୁର ରେଳ ଷ୍ଟେସନର ସିକନ୍ଦରାବାଦ-ଅଗରତାଲା ଏକ୍ସପ୍ରେସରେ ଗୋଟିଏ ବଗିରେ ଧୂଆଁ ଦେଖିବା ପରେ ଯାତ୍ରା କରୁଥିବା ଯାତ୍ରୀମାନେ ଆତଙ୍କିତ ହୋଇପଡ଼ି ଟ୍ରେନରୁ ଓହ୍ଲାଇ ପଡିଛନ୍ତି। କିଛି ଯାତ୍ରୀ ପ୍ରଥମେ ବି-୫ କୋଚ୍ ରେ ଧୂଆଁ ଦେଖି ସତର୍କ କରାଇଥିଲେ। ତେବେ ଏହି ଧୂଆଁ ଏସି କୋଚ୍ ବଗିରେ ସର୍ଟ ସର୍କିଟ ଯୋଗୁଁ ନିଆଁ ଲାଗିଥିବା ସୂଚନା ମିଳିଛି। କିନ୍ତୁ ବାହାନଗା ରେଳ ଦୁର୍ଘଟଣାର ଭୟ ମନରୁ ନ ଯାଉଣୁ ଏଭଳି ଏକ ପରିସ୍ଥିତି ଦେଖି ଉକ୍ତ ଟ୍ରେନରେ ଥିବା ଯାତ୍ରୀମାନେ ଭୟଭୀତ ହୋଇ ଯାଇଛନ୍ତି।