କଟକରେ ସିରିଜ୍ ଦୁର୍ଘଟଣା; ନିଶାସକ୍ତ ଡ୍ରାଇଭର ଗିରଫ

କଟକ : ବୁଧବାର ବିଳମ୍ବିତ ରାତିରେ କଟକରେ ସିରିଜ୍ ଦୁର୍ଘଟଣା ଘଟିଛି। ଏକ ଚାରି ଚକିଆ ଯାନ ଚାଳକ ନିଶାଗ୍ରସ୍ତ ହୋଇ ସହରର ବିଭିନ୍ନ ସ୍ଥାନରେ ଦୁର୍ଘଟଣା ଘଟାଇଛନ୍ତି। ମିଳିଥିବା ସୂଚନା ଅନୁଯାୟୀ, ବାରବାଟୀ ଷ୍ଟାଡିୟମ, ଯୋବ୍ରା, ଚାଉଳିଆଗଞ୍ଜ ଦେଇ ଡ୍ରାଇଭର ଅନେକ ଗାଡିକୁ ଧକ୍କା ଦେବା ସହ ଅନେକ ଲୋକ ଆହତ ହୋଇଥିଲେ। ଦୁର୍ଘଟଣା ପରେ ରାଜେନ୍ଦ୍ରନଗର ନିକଟରେ ସ୍ଥାନୀୟ ଲୋକେ ଗାଡ଼ିକୁ ପିଛା କରି ଅଟକାଇଥିଲେ। ସ୍ଥାନୀୟ ଲୋକେ ଡ୍ରାଇଭରଙ୍କୁ ଅଟକାଇ ମାଡ଼ ମାରିଥିଲେ। ଉତ୍ୟକ୍ତ ଲୋକେ ଗାଡ଼ିକୁ ମଧ୍ୟ ଭଙ୍ଗାରୁଜା କରିଥିଲେ।
ଖବର ପାଇ ମଧୁପାଟଣା ଆଇଆଇସି, ଏସିପି ଓ ଅନ୍ୟ ପୁଲିସ କର୍ମଚାରୀ ଘଟଣାସ୍ଥଳରେ ପହଞ୍ଚିଥିଲେ। ସେମାନେ ଉତ୍ତ୍ୟକ୍ତ ଲୋକଙ୍କୁ ଶାନ୍ତ କରିବାକୁ ଚେଷ୍ଟା କରିଥିଲେ ଏବଂ ପରିସ୍ଥିତିକୁ ନିୟନ୍ତ୍ରଣ କରିଥିଲେ। ପୁଲିସ ଅଭିଯୁକ୍ତ ଡ୍ରାଇଭରକୁ ଅଟକ ରଖି ଘଟଣାର ତଦନ୍ତ ଆରମ୍ଭ କରିଛି। ମାମଲା ସମ୍ପର୍କିତ ଅଧିକ ବିସ୍ତୃତ ରିପୋର୍ଟକୁ ଅପେକ୍ଷା କରାଯାଇଛି।