ବଜ୍ରପାତରେ ୨ ମୃତ, ୩ ଗୁରୁତର

ଗଞ୍ଜାମ – ଗଞ୍ଜାମ ଜିଲ୍ଲା ପାତ୍ରପୁର ବ୍ଳକରେ ବଜ୍ରପାତରେ ଦୁଇ ଜଣଙ୍କ ମୃତ୍ୟୁ ଘଟିଥିବା ବେଳେ ତିନି ଜଣ ଗୁରୁତର ଆହତ ହୋଇଛନ୍ତି। ସୂଚନା ମୁତାବକ ଆଜି କାଳବୈଶାଖୀ ପ୍ରଭାବରେ ଜିଲ୍ଲାର ବିଭିନ୍ନ ସ୍ଥାନରେ ବର୍ଷା ଓ ଘଡଘଡି ହୋଇଥିଲା। ଏହି ସମୟରେ ଜିଲ୍ଲାର ପାତ୍ରପୁର ବ୍ଲକର ମନ୍ଦରଡା ଗ୍ରାମର ହରି ଗୌଡ଼ ଛେଲି ଚରାଇବାକୁ ଯାଇଥିବା ବେଳେ ବଜ୍ରାଘାତରେ ମୃତ୍ୟୁ ବରଣ କରିଛନ୍ତି। ସେହିପରି ଉକ୍ତ ଗ୍ରାମର କେଦାର ଗୌଡ଼ ଗୁରୁତର ଭାବେ ଆହତ ହୋଇ ଚିକିତ୍ସା ପାଇଁ ପାତ୍ରପୁର ଗୋଷ୍ଟି ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି ହୋଇଛନ୍ତି। ଅନ୍ୟପଟେ ଉକ୍ତ ବ୍ଲକ୍ ମାଦୁକାବାଡ ଗାଁର ଜଣେ ନାବାଳକ ରୂପ ଶବର ଆମ୍ବ ତୋଲିବାକୁ ଯାଇଥିବା ବେଳେ ବଜ୍ରାଘାତରେ ମୃତ୍ୟୁ ବରଣ କରିଛନ୍ତି। ସେହିପରି ଉକ୍ତ ଗ୍ରାମର ଅନ୍ୟ ଦୁଇଜଣ ଗୁରୁତର ଆହତ ହୋଇ ଚିକିତ୍ସା ପାଇଁ ପାତ୍ରପୁର ଗୋଷ୍ଟି ସ୍ବାସ୍ଥ୍ୟ କେନ୍ଦ୍ରରେ ବର୍ତ୍ତି ହୋଇଛନ୍ତି।