୧ ବର୍ଷ ମଧ୍ୟରେ ୨୨୦ ଟନ୍ ଗଞ୍ଜେଇ ଓ ୭୮ କେଜି ବ୍ରାଉନସୁଗାର ନଷ୍ଟ କରିଛି ଓଡ଼ିଶା ପୁଲିସ

ଭୁବନେଶ୍ବର : ଗତ ଏକ ବର୍ଷ ମଧ୍ୟରେ ଓଡ଼ିଶା ପୁଲିସ ବିଭିନ୍ନ ମାମଲାରେ ୨୨୦ ଟନ୍ (୨,୨୦,୦ କେଜି) ଜବତ ଗଞ୍ଜେଇ (ଗଞ୍ଜେଇ/ଶୁଖିଲା ଗଞ୍ଜେଇ) ଏବଂ ୭୮ କେଜିରୁ ଅଧିକ ବ୍ରାଉନସୁଗାର (ହେରୋଇନ୍) ନଷ୍ଟ କରିଛି।
ସରକାରୀ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ୧୪୩୪ଟି ମାମଲାରେ ୨୨୦ ଟନ୍ ଗଞ୍ଜେଇ ଜବତ ହୋଇଥିବା ବେଳେ ୧୨୯ଟି ମାମଲାରେ ବ୍ରାଉନସୁଗାର ଜବତ ହୋଇଛି। ଜବତ ନିଶାଦ୍ରବ୍ୟ ନଷ୍ଟ କରିବା ଏକ ଜଟିଳ ଆଇନଗତ ଓ ପ୍ରଶାସନିକ ପ୍ରକ୍ରିୟା ବୋଲି ପୁଲିସ କହିଛି, ଯେଉଁଥିରେ ନ୍ୟାୟପାଳିକା, ପୁଲିସ, ଫରେନସିକ୍ ସାଇନ୍ସ ଲାବୋରେଟୋରୀ, ପ୍ରଦୂଷଣ, ଅବକାରୀ, ରାଜସ୍ୱ ଏବଂ କେନ୍ଦ୍ର ସରକାରଙ୍କ ମୁଖ୍ୟ ନିୟନ୍ତ୍ରକ, ଅଫିମ ଓ ଆଲକଲୋଇଡ୍ ବିଭାଗ ସାମିଲ ଅଛନ୍ତି।

ସୂଚନାଯୋଗ୍ୟ, ସ୍ପେଶାଲ ଟାସ୍କ ଫୋର୍ସ (ଏସ୍ଟିଏଫ୍)ର ଏକ ପିଟିସନ୍ ଆଧାରରେ ଓଡ଼ିଶା ହାଇକୋର୍ଟଙ୍କ ଏକ ଐତିହାସିକ ରାୟ ପରେ ଗତବର୍ଷ ବ୍ୟାପକ ଅଭିଯାନ ଆରମ୍ଭ ହୋଇଥିଲା।

ଓଡ଼ିଶା ପୁଲିସ ନିକଟରେ ୨୦୨୨ରେ ୧୫୪୬ କୁଇଣ୍ଟାଲ ଓ ୨୦୨୩ ଏପ୍ରିଲ ଶେଷ ସୁଦ୍ଧା ୮୭୯ କୁଇଣ୍ଟାଲ ଗଞ୍ଜେଇ ଥିଲା। ସେହିପରି ଗତବର୍ଷ ୭୭ କେଜି ବ୍ରାଉନସୁଗାର ଜବତ ହୋଇଥିବା ବେଳେ ଚଳିତ ବର୍ଷ ଏପ୍ରିଲ ଶେଷ ସୁଦ୍ଧା ଏକାଧିକ ମାମଲାରେ ୧୧ କେଜି ବ୍ରାଉନସୁଗାର ଜବତ ହୋଇଛି।