ଅନଲାଇନ ପୂଜା ଆପ୍ ଠକେଇ ମାମଲାରେ ରିପୋର୍ଟ ମାଗିଲା ସିଂହଦ୍ୱାର ପୋଲିସ

ପୁରୀ: ଅନଲାଇନ ପୂଜା ଆପ୍ ‘ଉସôବ’ ମାଧ୍ୟମରେ ଠକେଇ ଅଭିଯୋଗ ଆସିବା ପରେ ଶ୍ରୀଜଗନ୍ନାଥ ମନ୍ଦିର ପ୍ରଶାସନକୁ ରିପୋର୍ଟ ମାଗିଛି ସିଂହଦ୍ୱାର ପୋଲିସ୍ । ଏହି ଅନଲାଇନ ଆପ୍ ନକଲି ବୋଲି ଜଣାପଡିଲେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଚିଠି ଲେଖିଛି ସିଂହଦ୍ୱାର ପୋଲିସ୍ । ଏହି ଆପ୍ ନକଲି ବୋଲି ଗତ କାଲି ଜଗନ୍ନାଥ ସେନା ପକ୍ଷରୁ ଗୁଣ୍ଡିଚା ମନ୍ଦିର ସାମନାରେ ବିକ୍ଷୋଭ କରାଯିବା ସହ ଏ ସଂକ୍ରାନ୍ତରେ ଲିଖିତ ଅଭିଯୋଗ କରାଯାଇଛି ।
ସୂଚନାନୁଯାୟୀ, ଅନଲାଇନ ଆପ୍ ଉସôବ ମାଧ୍ୟମରେ ଭକ୍ତମାନଙ୍କୁ ଠକିବା ପାଇଁ ନୂଆ ନୂଆ ପନ୍ଥା ଆପଣା ଯାଉଥିଲା । ରଥ ଉପରେ ଭୋଗ ଲଗେଇବା ପାଇଁ ୪୫୦୦ ଟଙ୍କା, ଶ୍ରୀମନ୍ଦିରରେ ସ୍ୱତନ୍ତ୍ର ପୂଜା ପାଇଁ ୨୪୦୧ ଟଙ୍କା, ଶ୍ରୀମନ୍ଦିରରେ ଧ୍ୱଜା ବନ୍ଧ ପାଇଁ ୨୧୫୧ ଟଙ୍କା ଏବଂ ନାମ ଓ ଗୋତ୍ର ସଂକଳ୍ପ ପାଇଁ ୮୦୧ ଟଙ୍କା ସହିତ ଅତୀକା ବନ୍ଧ ରୀତିନୀତି ପାଇଁ ୧୧,୫୦୧ ଟଙ୍କା ଭକ୍ତଙ୍କଠାରୁ ଆଦାୟ କରାଯାଉଥିଲା । ତେଣୁ ସ୍ୱତନ୍ତ୍ର ଭାବେ ପୂଜାର୍ଚ୍ଚନା ପାଇଁ ଏଭଳି ଅନଲାଇନ ଠକେଇ ହେଉଥିବାର ଅଭିଯୋଗ ହେବା ପରେ ଏ ଘଟଣା ସାମନାକୁ ଆସିଛି । ସେହିପରି ଗତ କିଛି ଦିନ ପୂର୍ବରୁ ନକଲି ଭୋଗ ଓ ପ୍ରସାଦ ବଂଟାଯାଉଥିବାର ଅଭିଯୋଗ ଆସିଥିଲା ।