ସିଆଚେନ୍ ଗ୍ଲେସିୟରରେ ଅଗ୍ନିକାଣ୍ଡ: ସେନା କ୍ୟାପଟେନଙ୍କ ମୃତ୍ୟୁ, ୩ ଯବାନ ଆହତ

ଲଦାଖ: ଲଦାଖ ଅଞ୍ଚଳର ସିଆଚେନ୍ ଗ୍ଲେସିୟରରେ ବୁଧବାର ସକାଳେ ଅଗ୍ନିକାଣ୍ଡ ଘଟି ଭାରତୀୟ ସେନାର କ୍ୟାପଟେନଙ୍କ ମୃତ୍ୟୁ ଘଟିଥିବା ବେଳେ ୩ ଜଣ ଯବାନ ଆହତ ହୋଇଛନ୍ତି। ଲେହସ୍ଥିତ ପ୍ରତିରକ୍ଷା ମୁଖପାତ୍ର ଲେଫ୍ଟନାଣ୍ଟ କର୍ଣ୍ଣେଲ ପିଏସ୍ ସିଦ୍ଧୁ କହିଛନ୍ତି ଯେ ରାତି ପ୍ରାୟ ୩ଟାବେଳେ ଏହି ଘଟଣା ଘଟିଛି।

କର୍ଣ୍ଣେଲ କହିଛନ୍ତି, ଏହି ଦୁର୍ଭାଗ୍ୟଜନକ ଘଟଣାରେ ରେଜିମେଣ୍ଟାଲ ମେଡିକାଲ ଅଫିସର କ୍ୟାପଟେନ ଅଂଶୁମାନ ସିଂହଙ୍କର ଗୁରୁତର ଆହତ ଅବସ୍ଥାରେ ମୃତ୍ୟୁ ଘଟିଛି। ଅନ୍ୟ ୩ ଜଣ କର୍ମଚାରୀ ଧୂଆଁ ନିଶ୍ୱାସ ନେବା ସହ ଦ୍ବିତୀୟ ଡିଗ୍ରୀରେ ପୋଡ଼ି ଯାଇଥିବାରୁ ଆହତ ହୋଇଛନ୍ତି ବୋଲି ଲେଫ୍ଟନାଣ୍ଟ କର୍ଣ୍ଣେଲ ସିଦ୍ଧୁ କହିଛନ୍ତି। ଆହତ ଯବାନମାନଙ୍କୁ ଅଧିକ ଚିକିତ୍ସା ପାଇଁ ସୁରକ୍ଷିତ ଭାବେ ଉଦ୍ଧାର କରାଯାଇଛି। ସେମାନଙ୍କ ଅବସ୍ଥା ସ୍ଥିର ଥିବା ସୂଚନା ମିଳିଛି।