ପୋଖରୀରେ ବୁଡ଼ି ଜଣେ ଶିଶୁ ମୃତ୍ୟୁ, ଅନ୍ୟ ଜଣେ ଗୁରୁତର

ମୟୁରଭଞ୍ଜ: ପୋଖରୀରେ ବୁଡି ଜଣେ ଶିଶୁର ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଶିଶୁ ଗୁରୁତର ହୋଇଛନ୍ତି। ଏଭଳି ଏକ ଅଭାବନୀୟ ଘଟଣା ସାମ୍ନାକୁ ଆସିଛି ମୟୁରଭଞ୍ଜ ଜିଲ୍ଲା ମହୁଲଡିହା ଥାନା ଅନ୍ତର୍ଗତ ଖେଡିଆପେସି ଗାଁରୁ। ମୃତ ଶିଶୁ ହେଉଛନ୍ତି ଶୁଭମ୍ ନାୟକ ଏବଂ ଗୁରୁତର ଶିଶୁ ହେଉଛନ୍ତି ଭୂମିକା ପରିଡା।

ମିଳିଥିବା ସୂଚନା ଅନୁଯାୟୀ, ଗୁରୁବାର ଦୁଇ ନାବାଳକ ଅଙ୍ଗନବାଡି କେନ୍ଦ୍ରକୁ ଯାଇଥିଲେ। ପରେ ଦୁଇ ଶିଶୁଙ୍କୁ ନେଇ ଅଙ୍ଗନୱାଡି କର୍ମୀ ତାଙ୍କ ଘରେ ଛାଡି ଆସିଥିଲେ। ହେଲେ ପରେ ଦୁଇ ଶିଶୁ ଆସି ପୋଖରୀରେ ବୁଡ଼ି ଯାଇଥିବାର ସ୍ଥାନୀୟ ଲୋକେ ଦେଖିଥିଲେ। ସ୍ଥାନୀୟ ଲୋକେ ଦୁଇ ଶିଶୁଙ୍କୁ ଉଦ୍ଧାର କରି ସ୍ଥାନୀୟ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। କିନ୍ତୁ ଏଥିରେ ଜଣେ ନାବାଳକଙ୍କ ମୃତ୍ୟୁ ଘଟିଥିବାର ଡାକ୍ତର ଘୋଷଣା କରିଥିବା ବେଳେ ଅନ୍ୟ ଜଣେ ଶିଶୁ ଗୁରୁତର ଅଛନ୍ତି।