ହୋଟେଲ ରୁମରୁ ଯୁବତୀଙ୍କ ଝୁଲନ୍ତା ମୃତଦେହ ଉଦ୍ଧାର

ଭୁବନେଶ୍ବର: ଗତ କାଲି ରାତିରେ ଭୁବନେଶ୍ବରର ଲକ୍ଷ୍ମୀସାଗର ଅଞ୍ଚଳରେ ଥିବା ଦୀପାଳୀ ହୋଟେଲ ରୁମରୁ ଜଣେ ଯୁବତୀଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଛି। ମୃତ ଯୁବତୀ ଜଣକ ହେଲେ ଭଦ୍ରକ ଜିଲ୍ଲା କୁଆବାଗସାହିର ଶୁଭଲକ୍ଷ୍ମୀ ସାହୁ।

ସୂଚନା ଅନୁଯାୟୀ, ଶୁଭଲକ୍ଷ୍ମୀ ଶନିବାର ଭୋର ପ୍ରାୟ ୩ଟା ୨୦ ମିନିଟରେ ହୋଟେଲ ଭିତରକୁ ଚେକ୍ କରିଥିଲେ। କିନ୍ତୁ ରାତିରେ ଝୁଲନ୍ତା ଅବସ୍ଥାରେ ତାଙ୍କୁ ଦେଖିବା ପରେ ହୋଟେଲ କର୍ମଚାରୀମାନେ ସ୍ଥାନୀୟ ଥାନାକୁ ଖବର ଦେଇଥିଲେ।

ପରେ ଲକ୍ଷ୍ମୀସାଗର ଥାନାର ଏକ ଟିମ୍ ହୋଟେଲରେ ପହଞ୍ଚି ପରିବାର ଲୋକଙ୍କ ଉପସ୍ଥିତିରେ ମୃତଦେହ ଜବତ କରିଥିଲା। ସେ ବାରରେ କାମ କରିବା ପାଇଁ ଆସିଥିବା ସୂଚନା ମିଳିଛି। ତେବେ ଏହି ଏକ ଆତ୍ମହତ୍ୟା କି ହତ୍ୟା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।