ଆମେଥିରୁ ଲଢ଼ିବେ ରାହୁଲ ଗାନ୍ଧି

ନୂଆଦିଲ୍ଲୀ: କଂଗ୍ରେସ ନେତା ରାହୁଲ ଗାନ୍ଧି ୨୦୨୪ ଲୋକସଭା ନିର୍ବାଚନରେ ଆମେଥି ନିର୍ବାଚନ ମଣ୍ଡଳୀରୁ ନିର୍ବାଚନ ଲଢ଼ିବେ। ଏ ନେଇ କଂଗ୍ରେସର ନବନିଯୁକ୍ତ ଉତ୍ତରପ୍ରଦେଶ ମୁଖ୍ୟ ଅଜୟ ରାୟ ଶୁକ୍ରବାର କହିଛନ୍ତି।

ସାମ୍ବାଦିକମାନଙ୍କୁ ଶ୍ରୀ ରାୟ କହିଛନ୍ତି ଯେ ଦଳର ସାଧାରଣ ସମ୍ପାଦିକା ପ୍ରିୟଙ୍କା ଗାନ୍ଧୀ ଭଦ୍ରା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଲୋକସଭା ନିର୍ବାଚନ ମଣ୍ଡଳୀ ବାରାଣାସୀରୁ ନିର୍ବାଚନ ଲଢ଼ିପାରନ୍ତି। ୧୫ ବର୍ଷ ଧରି ପ୍ରତିନିଧିତ୍ୱ କରୁଥିବା ୨୦୧୯ ଲୋକସଭା ନିର୍ବାଚନରେ ରାହୁଲ ଗାନ୍ଧି ବିଜେପି ନେତ୍ରୀ ତଥା କେନ୍ଦ୍ରମନ୍ତ୍ରୀ ସ୍ମୃତି ଇରାନୀଙ୍କଠାରୁ ୫୫,୦୦୦ ଭୋଟରେ ଆମେଥିରୁ ହାରିଥିଲେ। ରାହୁଲ ଗାନ୍ଧି ବର୍ତ୍ତମାନ କେରଳର ୱାୟନାଡ ନିର୍ବାଚନ ମଣ୍ଡଳୀରୁ ଲୋକସଭା ସାଂସଦ ଅଛନ୍ତି।