ଜାକିର ହୁସେନ ‘ଉସ୍ତାଦ ଗୁଲାମ ମୁସ୍ତାଫା ଖାଁ ପୁରସ୍କାର’ ପାଇଁ ମନୋନୀତ

ନୂଆଦିଲ୍ଲୀ, ୧୪/୦୧/୨୦୨୪: ପ୍ରସିଦ୍ଧ ତାବଲା ବାଦକ ଉସ୍ତାଦ ଜାକିର ହୁସେନଙ୍କୁ ସମ୍ମାନଜନକ ଦ୍ୱିତୀୟ ‘ପଦ୍ମବିଭୂଷଣ ଉସ୍ତାଦ ଗୁଲାମ ମୁସ୍ତାଫା ଖାଁ ପୁରସ୍କାର’ ପାଇଁ ମନୋନୀତ କରାଯାଇଛି।

ଜାନୁଆରୀ ୧୬ ଓ ୧୭ ତାରିଖରେ ଉସ୍ତାଦ ଖାନଙ୍କ ତୃତୀୟ ଶ୍ରାଦ୍ଧବାର୍ଷିକୀ ଅବସରରେ ଥାନେ ଏବଂ ମୁମ୍ବାଇରେ ଆୟୋଜିତ ଦୁଇ ଦିନିଆ କନସର୍ଟ ଫେଷ୍ଟିଭାଲରେ ହୁସେନଙ୍କୁ ତାଙ୍କ ପତ୍ନୀ ଅମିନା ଗୁଲାମ ମୁସ୍ତାଫା ଖାନ୍ ଏହି ପୁରସ୍କାର ପ୍ରଦାନ କରିବେ।

ଗତବର୍ଷ ବଂଶୀ ବାଦକ ପଣ୍ଡିତ ହରି ପ୍ରସାଦ ଚୌରାସିଆଙ୍କୁ ପ୍ରଥମ ପୁରସ୍କାର ପ୍ରଦାନ କରାଯାଇଥିଲା। ଉସ୍ତାଦ ଖାନ ରାମପୁର ସହସ୍ୱାନ ଘରାନାର ମଶାଲବାହକ ଏବଂ ହିନ୍ଦୁସ୍ତାନୀ ଶାସ୍ତ୍ରୀୟ ସଙ୍ଗୀତ ଜଗତର ଜଣେ ବିଶିଷ୍ଟ ବ୍ୟକ୍ତି ଥିଲେ, ଯିଏ କି ଜାତୀୟ ଏବଂ ଅନ୍ତର୍ଜାତୀୟ ପୁରସ୍କାର ଏବଂ ପ୍ରଶଂସା ଅର୍ଜନ କରିଥିଲେ ।

ଏହି ପୁରସ୍କାର ପାଇ ଉତ୍ସାହିତ ହୁସେନ ଉସ୍ତାଦ ଖାନଙ୍କୁ ଭାରତୀୟ ଶାସ୍ତ୍ରୀୟ ସଙ୍ଗୀତର ଏକ ଶ୍ରେଷ୍ଠ ନାୟକ ବୋଲି ବର୍ଣ୍ଣନା କରିଥିଲେ।