ଜମ୍ମୁ-କଶ୍ମୀର: ସୁରକ୍ଷାକର୍ମୀଙ୍କ ଗୁଳିରେ ୨ ଆତଙ୍କୀ ସଫା

ନୂଆଦିଲ୍ଲୀ, ୦୮/୧୧: ଜମ୍ମୁ-କଶ୍ମୀରର ବାରାମୂଳା ଜିଲ୍ଲାର ସୋପୋରର ସାଗିପୋରା ଅଞ୍ଚଳରେ ଚାଲିଥିବା ଆତଙ୍କବାଦ ବିରୋଧୀ ଅଭିଯାନରେ ଶୁକ୍ରବାର ଦୁଇ ଜଣ ଆତଙ୍କବାଦୀ ନିହତ ହୋଇଛନ୍ତି। ଗୁରୁବାର ସନ୍ଧ୍ୟାରେ ଏକ ନିର୍ଦ୍ଦିଷ୍ଟ ସୂଚନା ଆଧାରରେ ପୁଲିସ ଓ ସେନାର ଏକ ମିଳିତ ଟିମ୍ ସନ୍ଦିଗ୍ଧ ଅଞ୍ଚଳକୁ ଘେରାଉ କରିବା ପରେ ଗୁଳି ବିନିମୟ ଆରମ୍ଭ ହୋଇଥିଲା। କିଛି ସମୟ ପାଇଁ ଅପରେସନକୁ ସ୍ଥଗିତ ରଖାଯିବା ପରେ ଶୁକ୍ରବାର ସକାଳେ ପୁଣି ଥରେ ଅପରେସନ୍ ଆରମ୍ଭ ହୋଇଥିଲା। ଏଥିରେ ସୁରକ୍ଷାକର୍ମୀ ଓ ଆତଙ୍କୀଙ୍କ ମଧ୍ୟରେ ଗୁଳି ବିନିମୟ ହୋଇଥିବା ବେଳେ ୨ ଜଣ ଆତଙ୍କବାଦୀ ନିହତ ହୋଇଛନ୍ତି। ଏହି ଅଞ୍ଚଳରେ ଆହୁରି କିଛି ଆତଙ୍କବାଦୀ ଲୁଚି ରହିଥିବା ଅନୁମାନ କରାଯାଇଛି। ତେଣୁ ଅପରେସନ୍ ଏବେ ବି ଜାରି ରହିଛି।