ପାଷ୍ଟିକୁଡି ନିକଟରେ ଦୁର୍ଘଟଣା ପରେ ଜଳିଗଲା ଦୁଇ ଟ୍ରକ

ଭବାନୀପାଟଣା, ୨୮/୧୨(ଦର୍ଶନ ନିୟୁଜ): କଳାହାଣ୍ଡି ଜିଲ୍ଲା ଭବାନୀପାଟଣା ଳ ସଦର ଥାନା ଅନ୍ତର୍ଗତ ପାଷ୍ଟିକୁଡ଼ିରୁ ଦେପୁର୍ କୁ ସଂଯୋଗ କରୁଥିବା ନାସିଗାଁ ନିକଟରେ ଦୁଇ ଟ୍ରକ ଦୁର୍ଘଟଣା ହେବାପରେ ନିଆଁ ଲାଗି ଜଣେ ଜୀବନ୍ତ ଦଗ୍ଧ ହୋଇ ଯାଇଛନ୍ତି।

ଜାତୀୟ ରାଜପଥ ୨୬ର ନାସିଗାଁ ନିକଟରେ ଏକ ଚାଉଳ ବୋଝେଇ ଟ୍ରକ ରାସ୍ତା କଡରେ ଅଟକି ରହିଥିଲା। ଆଜି ପାହାନ୍ତିଆରେ ଉକ୍ତ ଟ୍ରକ ପଛପଟେ ଏକ କୋଇଲା ବୋଝେଇ ଟ୍ରକ ଧକ୍କା ଦେବା ପରେ ଦୁଇ ଟ୍ରକରେ ନିଆଁ ଲାଗିଯାଇଥିଲା।  ଫଳରେ କୋଇଲା ବୋଝେଇ ଟ୍ରକ ଚାଳକ ଜୀବନ୍ତ ଦଗ୍ଧ ହୋଇ ମୃତ୍ୟୁ ବରଣ କରିଥିବା ସୂଚନା ମିଳିଛି। ଘଟଣା ସ୍ଥଳରେ ଅଗ୍ନିଶମ ବିଭାଗର ତିନୋଟି ଗାଡି ପହଞ୍ଚି ନିଆଁକୁ ଆୟତ୍ତ କରିଛନ୍ତି। ଭବାନୀପାଟଣା ସଦର ପୋଲିସ ଏବଂ ଅଗ୍ନିଶମ ବିଭାଗର ଅଧିକାରୀ ମାନେ ଘଟଣା ସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛନ୍ତି।