ଓସିଏ ସଭାପତି ପଦରୁ ଇସ୍ତଫା ଦେଲେ ବବି ଦାସ

ଭୁବନେଶ୍ୱର, ୨୯/୧୨: ଓଡିଶା କ୍ରିକେଟ ଆସୋସିଏସନ୍ (ଓସିଏ) ସଭାପତି ପଦରୁ ଇସ୍ତଫା ଦେଲେ ପ୍ରଣବ ପ୍ରକାଶ ଦାସ। ଓଡ଼ିଶା କ୍ରିକେଟ ସଂଘର ସାଧାରଣ ପରିଷଦ ବୈଠକରେ ବବି ଦାସଙ୍କ ଇସ୍ତଫା ଗୃହୀତ ହୋଇଛି। ଏ ନେଇ ସୂଚନା ଦେଇଛନ୍ତି ଓସିଏ ସମ୍ପାଦକ ସଞ୍ଜୟ ବେହେରା। ବିଜେଡ଼ି ରାଜ୍ୟ ସାଂଗଠନିକ ସମ୍ପାଦକ ପ୍ରଣବ ଦାସ ଓସିଏ ସଭାପତି ପଦରୁ ବ୍ୟକ୍ତିଗତ କାରଣ ଦର୍ଶାଇ ଇସ୍ତଫା ଦେଇଛନ୍ତି।

ସୂଚନାଯୋଗ୍ୟ, ୨୦୨୨ ଅକ୍ଟୋବର ୨୮ରେ ଓସିଏର ସଭାପତି ପଦରେ ନିଯୁକ୍ତ ହୋଇଥିଲେ ପ୍ରଣବ ଦାସ। ଆସନ୍ତା ୪୫ ଦିନ ମଧ୍ୟରେ ନୂତନ ସଭାପତି ପାଇଁ ନିର୍ବାଚନ ହେବ।