ସୁରକ୍ଷାକର୍ମୀଙ୍କ ଗୁଳିରେ ୪ ନକ୍ସଲ ନିହତ

ମାଲକାନଗିରି, ୦୫/୦୧: ଓଡ଼ିଶା ସୀମାନ୍ତ ଛତିଶଗଡ଼ର ଅବୁଝମାଡ଼ ଜଙ୍ଗଲରେ ଏନକାଉଣ୍ଟରରେ ଟଳିଛନ୍ତି ୪ ନକ୍ସଲ। ନାରାୟଣପୁର, ଦନ୍ତେୱାଡ଼ା, କୋଣ୍ଡାଗାଓଁ, ଜଗଦଲପୁରର ଡ଼ିଆରଜି, ଏସ୍ଟିଏଫ, ଜିଲ୍ଲା ପୁଲିସର ମିଳିତ ସର୍ଚ୍ଚ ଅପେରେସନରେ ମାଓବାଦୀଙ୍କ ନିପାତ କରାଯାଇଛି। ତେବେ ମାଓବାଦୀ ଓ ସୁରକ୍ଷାକର୍ମୀଙ୍କ ମଧ୍ୟରେ ଗୁଳି‌ ବିନିମୟରେ ଜଣେ ହେଡ କନଷ୍ଟେବଳ ସହିଦ ହୋଇଛନ୍ତି। ମୃତ ଯବାନ ଜଣକ ସାନୁ କରାମ ବୋଲି ଜଣାପଡିଛି। ଘଟଣାସ୍ଥଳରୁ ଏକେ-୪୭ ସହ ବିପୁଳ ପରିମାଣର ବିସ୍ଫୋରକ ଜବତ ହୋଇଛି। ଏବେ ବି ସର୍ଚ୍ଚ ଅପେରେସନ ସହ ଗୁଳି ବିନିମୟ ଜାରି ରହିଛି।

ସୂଚନାଯୋଗ୍ୟ, ଗତ ୩ ତାରିଖରେ ଓଡ଼ିଶାର ନୂଆପଡ଼ା ଜିଲ୍ଲା ଓ ଛତିଶଗଡ଼ର ଗାରିଆବନ୍ଧ ଜିଲ୍ଲାର ସୀମାନ୍ତ ଅଞ୍ଚଳରେ ଏସଓଜିର ଅପରେସନ ବେଳେ ୩ ହାର୍ଡକୋର ମାଓବାଦୀ ନିହତ ହୋଇଥିଲେ।