ଆଜିର ତାରିଖ ୮ ଫେବ୍ରୁଆରୀ ୨୦୨୫:
*ବିଶ୍ଵ ସହରୀକରଣ ଦିବସ: ସ୍ଥାୟୀ, ବାସୋପଯୋଗୀ ସହର ଗଠନରେ ସହରୀକରଣ ଯୋଜନାକୁ ଗୁରୁତ୍ୱ ଦେବା ପାଇଁ ସଚେତନତା ସୃଷ୍ଟି କରିବା ଏହି ଦିବସର ଉଦ୍ଦେଶ୍ୟ।
ବିଶିଷ୍ଟ ବ୍ୟକ୍ତିଙ୍କ ଜନ୍ମଦିବସ:-
୧. ଜାକିର ହୁସେନ (୮ ଫେବୃଆରୀ ୧୮୯୭ – ୩ ମଇ ୧୯୬୯) ଆନ୍ଧ୍ରପ୍ରଦେଶର ହାଇଦ୍ରାବାଦରେ ଜନ୍ମଗ୍ରହଣ କରିଥିଲେ। ସେ ୧୩ ମେ ୧୯୬୭ରୁ ୩ ମେ ୧୯୬୯ ପର୍ଯ୍ୟନ୍ତ ଭାରତର ତୃତୀୟ ରାଷ୍ଟ୍ରପତି ଭାବେ କାର୍ଯ୍ୟ କରିଥିଲେ। ସେ ୧୯୫୭ରୁ ୧୯୬୨ ପର୍ଯ୍ୟନ୍ତ ବିହାରର ରାଜ୍ୟପାଳ ଏବଂ ୧୯୬୨ରୁ ୧୯୬୭ ପର୍ଯ୍ୟନ୍ତ ଉପରାଷ୍ଟ୍ରପତି ଭାବେ କାର୍ଯ୍ୟ କରିଥିଲେ। ୧୯୬୩ ମସିହାରେ ତାଙ୍କୁ ଭାରତ ରତ୍ନ ସମ୍ମାନରେ ସମ୍ମାନିତ କରାଯାଇଥିଲା।
୨. ଶୋଭା ଗୁର୍ଟୁ (୮ ଫେବୃଆରୀ ୧୯୨୫ – ୨୭ ସେପ୍ଟେମ୍ବର ୨୦୦୪) କର୍ଣ୍ଣାଟକରେ ଜନ୍ମଗ୍ରହଣ କରିଥିଲେ। ସେ ଜଣେ ପ୍ରସିଦ୍ଧ ଭାରତୀୟ ଶାସ୍ତ୍ରୀୟ ଗାୟକ ଥିଲେ। ତାଙ୍କର ମୂଳ ନାମ ଥିଲା ‘ଭାନୁମତୀ ଶିରୋଡକର’।
୩. ଜଗଜିତ୍ ସିଂହ (୮ ଫେବୃଆରୀ ୧୯୪୧ – ୧୦ ଅକ୍ଟୋବର ୨୦୧୧) ରାଜସ୍ଥାନର ଗଙ୍ଗାନଗରରେ ଜନ୍ମଗ୍ରହଣ କରିଥିଲେ। ସେ ଜଣେ ପ୍ରସିଦ୍ଧ ଗଜଲ ଗାୟକ ଥିଲେ। ସେ ହିନ୍ଦୀ, ଉର୍ଦ୍ଦୁ, ପଞ୍ଜାବୀ ଏବଂ ଭୋଜପୁରୀ ସମେତ ଅନେକ ଭାଷାରେ ଗୀତ ଗାଇଥିଲେ। ୨୦୦୩ ମସିହାରେ ତାଙ୍କୁ ଭାରତ ସରକାରଙ୍କ ସର୍ବୋଚ୍ଚ ବେସାମରିକ ସମ୍ମାନ ପଦ୍ମଭୂଷଣରେ ସମ୍ମାନିତ କରାଯାଇଥିଲା।
୪. ମହମ୍ମଦ ଆଝାରୁଦ୍ଦିନ ଆନ୍ଧ୍ରପ୍ରଦେଶର ହାଇଦ୍ରାବାଦରେ ଜନ୍ମଗ୍ରହଣ କରିଥିଲେ। ସେ ଜଣେ ବିଶ୍ୱପ୍ରସିଦ୍ଧ ପୂର୍ବତନ କ୍ରିକେଟର ଥିଲେ। ସେ ୨୦୦୯ରେ କଂଗ୍ରେସରେ ଯୋଗ ଦେଇ ନିଜର ରାଜନୈତିକ କ୍ୟାରିୟର ଆରମ୍ଭ କରିଥିଲେ ଏବଂ ମୋରଦାବାଦରୁ ସାଂସଦ ହୋଇଥିଲେ। ତାଙ୍କୁ ୧୯୯୧ରେ ‘ୱିଜଡେନ୍ କ୍ରିକେଟର ଅଫ୍ ଦି ଇୟର’, ୧୯୮୬ରେ ‘ଅର୍ଜୁନ ପୁରସ୍କାର’ ଏବଂ ୧୯୮୮ରେ ‘ପଦ୍ମଶ୍ରୀ’ ସମ୍ମାନରେ ସମ୍ମାନିତ କରାଯାଇଥିଲା।
ବିଶିଷ୍ଟ ବ୍ୟକ୍ତିଙ୍କ ତିରୋଧାନ ଦିବସ:-
୧. କହ୍ନେୟାଲାଲ ମାଣିକଲାଲ ମୁନ୍ସି (୨୯ ଡିସେମ୍ବର ୧୮୮୭ – ୮ ଫେବୃଆରୀ ୧୯୭୧) ଜଣେ ଭାରତୀୟ ସ୍ୱାଧୀନତା ସଂଗ୍ରାମୀ, ରାଜନେତା, ଆଇନ ବିଶେଷଜ୍ଞ ଥିଲେ। ସେ ଗୁଜରାଟୀ, ଇଂରାଜୀ ଏବଂ ହିନ୍ଦୀ ଭାଷାରେ ଜଣେ ପ୍ରସିଦ୍ଧ ସାହିତ୍ୟିକ ଥିଲେ। ସେ ବମ୍ବେର ଗୃହମନ୍ତ୍ରୀ ଭାବେ ଦାୟିତ୍ୱ ତୁଲାଇଥିଲେ ଏବଂ ଉତ୍ତରପ୍ରଦେଶର ରାଜ୍ୟପାଳ ମଧ୍ୟ ଥିଲେ। ଭାରତ ସରକାରଙ୍କ ଖାଦ୍ୟ ମନ୍ତ୍ରୀ ଭାବରେ କାର୍ଯ୍ୟ କରିଥିଲେ। ତାଙ୍କ ଦ୍ୱାରା ମୁମ୍ବାଇରେ ଭାରତୀୟ ବିଦ୍ୟା ଭବନ ପ୍ରତିଷ୍ଠା ହୋଇଥିଲା।
୨. କଳ୍ପନା ଦତ୍ତ (୨୭ ଜୁଲାଇ ୧୯୧୩ – ୮ ଫେବୃଆରୀ ୧୯୯୫) ଦେଶର ଜଣେ ମହିଳା ସ୍ୱାଧୀନତା ସଂଗ୍ରାମୀ ଥିଲେ।୧୯୩୩ ମସିହାରେ ସେ ଗିରଫ ହୋଇଥିଲେ। ମହାତ୍ମା ଗାନ୍ଧୀ ଓ ରବୀନ୍ଦ୍ରନାଥ ଟାଗୋରଙ୍କ ପ୍ରଚେଷ୍ଟା ଯୋଗୁଁ ସେ ଜେଲରୁ ବାହାରିପାରିଥିଲେ। ଦେଶ ସ୍ବାଧୀନ ହେବାରେ ତାଙ୍କର ବହୁ ଅବଦାନ ଥିବାରୁ ‘ବୀର ମହିଳା’ ଉପାଧିରେ ସମ୍ମାନିତ କରାଯାଇଥିଲା।
ଆଜିର ଦିନରେ ଘଟିଥିବା ଘଟଣାବଳୀ:-
୧୭୮୫ – ୧୭୭୪ରୁ ୧୭୮୫ ପର୍ଯ୍ୟନ୍ତ ଦେଶର ଗଭର୍ଣ୍ଣର ଜେନେରାଲ ଥିବା ୱାରେନ୍ ହେଷ୍ଟିଂସ ଆଜିର ଦିନରେ ଭାରତ ଛାଡିଥିଲେ।
୧୮୭୨ – ଶେର ଅଲ୍ଲୀ ଆଣ୍ଡାମାନ ଜେଲ ଅର୍ଥାତ୍ ସେଲ୍ୟୁଲାର ଜେଲରେ ରାଜ୍ୟପାଳଙ୍କୁ ଆକ୍ରମଣ କରି ସହିଦ ହୋଇଥିଲେ।
୧୯୦୯ – ୟୁରୋପୀୟ ଦେଶ ଜର୍ମାନୀ ଓ ଫ୍ରାନ୍ସ ମଧ୍ୟରେ ମରୋକୋ ଚୁକ୍ତି ସ୍ୱାକ୍ଷରିତ ହୋଇଥିଲା।
୧୯୪୩ – ନେତାଜୀ ସୁଭାଷ ଚନ୍ଦ୍ର ବୋଷ ଜର୍ମାନୀର କେଲରୁ ଏକ ଡଙ୍ଗା ଯୋଗେ ଜାପାନ ଅଭିମୁଖେ ଯାତ୍ରା କରିଥିଲେ।
୧୯୫୨ – ରାଣୀ ଏଲିଜାବେଥ ବ୍ରିଟେନର ରାଣୀ ଭାବେ ଅବସ୍ଥାପିତ ହୋଇଥିଲେ।
୧୯୭୧ – ବିଶ୍ୱର ପ୍ରଥମ ଇଲେକ୍ଟ୍ରୋନିକ୍ ଷ୍ଟକ ଏକ୍ସଚେଞ୍ଜ ନସଡାକ୍ ଆରମ୍ଭ ହୋଇଥିଲା ।
୨୦୦୬ – ସିଓଲରେ ଭାରତ ଓ ଦକ୍ଷିଣ କୋରିଆ ମଧ୍ୟରେ ତିନୋଟି ଚୁକ୍ତି ସ୍ୱାକ୍ଷରିତ ହୋଇଥିଲା।
୨୦୦୭ – ଭୁଟାନର ରାଜା ଏହି ଦିନ ପ୍ରଥମ ଭାରତ ଗସ୍ତରେ ଆସିଥିଲେ।
୨୦୦୮ – ଓଡ଼ିଶାର ଶିଶୁପାଳଗଡ଼ରେ ଏକ ଖନନ ସମୟରେ ୨୫୦୦ ବର୍ଷ ତଳର ଏକ ପୁରୁଣା ସହର ଠାବ ହୋଇଥିଲା।