ଆପଣ କବିତା ଲେଖନ୍ତି କି? ପାଳନ୍ତୁ ଏହି ଦିନଟିକୁ

ଆଜିର ତାରିଖ ୨୧ ମାର୍ଚ୍ଚ ୨୦୨୫

ବିଶ୍ୱ କବିତା ଦିବସ – ମାର୍ଚ୍ଚ ୨୧କୁ ବିଶ୍ୱ କବିତା ଦିବସ ଭାବରେ ପାଳନ କରାଯାଏ। ୧୯୯୯ ମସିହାରେ ୟୁନେସ୍କୋ (ମିଳିତ ଜାତିସଂଘ ଶିକ୍ଷା, ବୈଜ୍ଞାନିକ ଓ ସାଂସ୍କୃତିକ ସଂଗଠନ) ଏହାକୁ ଘୋଷଣା କରିଥିଲା। ୟୁନେସ୍କୋର ଘୋଷଣାନାମା ଅନୁସାରେ ଏହାର ମୂଳ ଉଦ୍ଦେଶ୍ୟ ହେଲା ସାରା ବିଶ୍ୱରେ କବିତା ଲେଖିବା, ପଢ଼ିବା, ପ୍ରକାଶନ କରିବା ଦିଗରେ ପ୍ରୋତ୍ସାହନ ଦେବା ସହ କବିମାନଙ୍କୁ ସମ୍ମାନିତ କରିବା।

 

ଅନ୍ତର୍ଜାତୀୟ ଜଙ୍ଗଲ ଦିବସ – ମାର୍ଚ୍ଚ ୨୧କୁ ଅନ୍ତର୍ଜାତୀୟ ଜଙ୍ଗଲ ଦିବସ ଭାବରେ ମଧ୍ୟ ପାଳନ କରାଯାଏ। ୨୮ ନଭେମ୍ବର ୨୦୧୨ରେ ମିଳିତ ଜାତିସଂଘ ସାଧାରଣ ସଭାର ସଂକଳ୍ପ ଦ୍ୱାରା ଏହା ପାରିତ ହୋଇଥିଲା। ଏବଂ ୨୦୧୩ରୁ ପ୍ରତିବର୍ଷ ମାର୍ଚ୍ଚ ୨୧କୁ ଅନ୍ତର୍ଜାତୀୟ ଜଙ୍ଗଲ ଦିବସ ଭାବେ ପାଳନ କରିବାକୁ ନିଷ୍ପତ୍ତି ନିଆଯାଇଥିଲା। ଆଞ୍ଚଳିକ, ଦେଶୀୟ ଓ ଅନ୍ତର୍ଜାତୀୟ ସ୍ତରରେ ବୃକ୍ଷରୋପଣକୁ ପ୍ରୋତ୍ସାହିତ କରିବା ଏହି ଦିବସର ଉଦ୍ଦେଶ୍ୟ।

 

ବିଶିଷ୍ଟ ବ୍ୟକ୍ତିଙ୍କ ଜନ୍ମ ଦିବସ:-

୧. ଉସ୍ତାଦ ବିସ୍ମିଲ୍ଲା ଖାନ୍ (୨୧ ମାର୍ଚ୍ଚ ୧୯୧୬ – ୨୧ ଅଗଷ୍ଟ ୨୦୦୬) ଜଣେ ଭାରତୀୟ ସଙ୍ଗୀତଜ୍ଞ ଥିଲେ। ୨୦୦୧ ମସିହାରେ ସେ ଭାରତର ସର୍ବୋଚ୍ଚ ବେସାମରିକ ସମ୍ମାନ ଭାରତ ରତ୍ନରେ ସମ୍ମାନିତ ହୋଇଥିଲେ।

୨. ନିର୍ମଳା ଶ୍ରୀବାସ୍ତବ (୨୧ ମାର୍ଚ୍ଚ ୧୯୨୩ – ୨୩ ଫେବୃଆରୀ ୨୦୧୧) “ଶ୍ରୀ ମାତାଜୀ ନିର୍ମଳା ଦେବୀ” ଭାବରେ ମଧ୍ୟ ପରିଚିତ ଥିଲେ। ସେ ବିଶ୍ୱାସ କରୁଥିଲେ ଯେ ମାନବ ଜାତି ସୃଷ୍ଟି କରିଥିବା ଶକ୍ତି ସହିତ ଯୋଡ଼ି ନହେବା ପର୍ଯ୍ୟନ୍ତ ମଣିଷ ଜୀବନର ଅର୍ଥ ଜାଣିପାରିବ ନାହିଁ ।

୩. ବୁଟା ସିଂହ (୨୧ ମାର୍ଚ୍ଚ ୧୯୩୪ – ୨ ଜାନୁଆରୀ ୨୦୨୧) ଜଣେ ଭାରତୀୟ ରାଜନୀତିଜ୍ଞ। ସେ ଭାରତୀୟ ଜାତୀୟ କଂଗ୍ରେସ (ଆଇଏନସି) ସହିତ ଜଡ଼ିତ ଥିଲେ। ସେ ଭାରତର କେନ୍ଦ୍ର ଗୃହମନ୍ତ୍ରୀ ଏବଂ ବିହାରର ରାଜ୍ୟପାଳ ଥିଲେ ଏବଂ ୨୦୦୭ରୁ ୨୦୧୦ ପର୍ଯ୍ୟନ୍ତ ଜାତୀୟ ଅନୁସୂଚିତ ଜାତି ଆୟୋଗର ଅଧ୍ୟକ୍ଷ ଥିଲେ।

୪. ପାଚା ରାମଚନ୍ଦ୍ର ରାଓ (୨୧ ମାର୍ଚ୍ଚ ୧୯୪୨ – ୧୦ ଜାନୁଆରୀ ୨୦୧୦) ବନାରସ ହିନ୍ଦୁ ବିଶ୍ୱବିଦ୍ୟାଳୟର ଛାତ୍ର ଥିଲେ ଏବଂ ସେହି ବିଶ୍ୱବିଦ୍ୟାଳୟରେ ଅଧ୍ୟାପକ ଏବଂ କୁଳପତି ମଧ୍ୟ ରହିଥିଲେ। ବିଜ୍ଞାନରେ ତାଙ୍କର ଅବଦାନ ପାଇଁ ତାଙ୍କୁ ଶାନ୍ତି ସ୍ୱରୂପ ଭଟ୍ଟନାଗର ପୁରସ୍କାର ମିଳିଥିଲା।

 

ବିଶିଷ୍ଟ ବ୍ୟକ୍ତିଙ୍କ ତିରୋଧାନ ଦିବସ:-

୧. ଗୌର ପନ୍ତ (୧୭ ଅକ୍ଟୋବର ୧୯୨୩ – ୨୧ ମାର୍ଚ୍ଚ ୨୦୦୩) ଜଣେ କାହାଣୀ ଲେଖକ ଥିଲେ। ସେ ଶିବାନୀ ନାମରେ ମଧ୍ୟ ପରିଚିତ। ସେ ଭାରତୀୟ ନାରୀ ଭିତ୍ତିକ ଗଳ୍ପ ରଚନାରେ ଅଗ୍ରଣୀ ଥିଲେ। ହିନ୍ଦୀ ସାହିତ୍ୟରେ ତାଙ୍କର ଅବଦାନ ପାଇଁ ୧୯୮୨ ମସିହାରେ ତାଙ୍କୁ ଭାରତର ଚତୁର୍ଥ ସର୍ବୋଚ୍ଚ ବେସାମରିକ ସମ୍ମାନ ପଦ୍ମଶ୍ରୀରେ ସମ୍ମାନିତ କରାଯାଇଥିଲା।

 

ନଜର ପକାନ୍ତୁ ଆଜିର ଦିନରେ ଘଟିଥିବା ଗୁରୁତ୍ୱପୂର୍ଣ୍ଣ ଘଟଣା କ୍ରମ ଉପରେ:-

୧୩୪୯ – ଜର୍ମାନୀର ଏର୍ଫର୍ଟରେ ବ୍ଲାକ୍ ଡେଥ୍ ଦଙ୍ଗାରେ ପ୍ରାୟ ୩୦୦୦ରୁ ଅଧିକ ଇହୁଦୀ ପ୍ରାଣ ହରାଇଥିଲେ।

୧୮୯୦ – ଅଷ୍ଟ୍ରିଆର ଇହୁଦୀ ସମ୍ପ୍ରଦାୟକୁ ଆଇନ ଅନୁଯାୟୀ ବ୍ୟାଖ୍ୟା କରାଗଲା।

୧୯୨୩ – ଆମେରିକାର ବୈଦେଶିକ ମନ୍ତ୍ରୀ ଚାର୍ଲସ ହ୍ୟୁଜେସ୍ ୟୁଏସଏସଆର ମାନ୍ୟତା ଦେବାକୁ ମନା କରିଦେଇଥିଲେ।

୧୯୩୫ – ପର୍ସିଆ ନାମ ପରିବର୍ତ୍ତନ କରି ଇରାନ ହୋଇଥିଲା।

୧୯୪୫ – ବ୍ରିଟିଶ ସୈନ୍ୟମାନେ ମଣ୍ଡାଲେ, ବର୍ମାକୁ ମୁକ୍ତ କଲେ ।

୧୯୪୫ – ଅପରେସନ କାର୍ଥେଜ: ଡେନମାର୍କର କୋପେନହେଗନରେ ଥିବା ଗେଷ୍ଟାପୋ ମୁଖ୍ୟାଳୟ ଉପରେ ରୟାଲ ବାୟୁସେନାର ବିମାନ ବୋମା ମାଡ଼ କରିଥିଲା। ଏଥିରେ ୧୨୫ ଜଣ ସାଧାରଣ ନାଗରିକଙ୍କର ମୃତ୍ୟୁ ଘଟିଥିଲା।

୨୦୦୬ – ସୋସିଆଲ ମିଡିଆ ସାଇଟ୍ ଟ୍ୱିଟର ପ୍ରତିଷ୍ଠା ହୋଇଥିଲା।