ନୂଆଦିଲ୍ଲୀ, ୦୨/୦୪: ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ) ପୁନମ ଗୁପ୍ତାଙ୍କୁ ଏହାର ନୂଆ ଡେପୁଟି ଗଭର୍ଣ୍ଣର ଭାବେ ନିଯୁକ୍ତ କରିଛି। ନ୍ୟାଶନାଲ କାଉନସିଲ ଅଫ ଆପ୍ଲାଏଡ ଇକୋନୋମିକ ରିସର୍ଚ୍ଚ (NCAER)ର ମହାନିର୍ଦ୍ଦେଶିକା ପୁନମ ଗୁପ୍ତା ଡେପୁଟି ଗଭର୍ଣ୍ଣର ଭାବେ ନିଯୁକ୍ତି ହୋଇଛନ୍ତି। ତାଙ୍କୁ ତିନି ବର୍ଷ ପାଇଁ ଆରବିଆଇର ଡେପୁଟି ଗଭର୍ଣ୍ଣର ଭାବରେ ନିଯୁକ୍ତି ମିଳିଛି। ମାଇକେଲ ପାତ୍ର ଜାନୁଆରୀରେ ଅବସର ନେବା ପରେ ଏହି ପଦ ଖାଲି ପଡ଼ିଥିଲା। ଆଜି ତାଙ୍କ ଠାରୁ ପୁନମ ଗୁପ୍ତା ଦାୟିତ୍ୱ ଗ୍ରହଣ କରିଛନ୍ତି।
ଆହୁରି ପଢ଼ନ୍ତୁ...
ପୁନମ ଗୁପ୍ତା ଜଣେ ଜଣାଶୁଣା ଅର୍ଥନୀତିଜ୍ଞ ଏବଂ ବିଶ୍ୱ ବ୍ୟାଙ୍କ ଏବଂ ଅନ୍ତର୍ଜାତୀୟ ମୁଦ୍ରା ପାଣ୍ଠି (ଆଇଏମଏଫ)ରେ ପାଖାପାଖି ୨୦ ବର୍ଷର ଅଭିଜ୍ଞତା ରହିଛି। ସେ ପ୍ରଧାନମନ୍ତ୍ରୀଙ୍କ ଅର୍ଥନୈତିକ ପରାମର୍ଶଦାତା ପରିଷଦର ସଦସ୍ୟ ଏବଂ ଷୋଡଶ ଅର୍ଥ କମିଶନର ପରାମର୍ଶଦାତା ପରିଷଦର ସଂଯୋଜକ ମଧ୍ୟ ଥିଲେ।