୯୭ ବର୍ଷ ପୂର୍ବରୁ ପ୍ରଦର୍ଶିତ ହୋଇଥିଲା ଛୋଟ ପିଲାଙ୍କ ପ୍ରିୟ ‘ମିକି ମାଉସ’ ଚଳଚ୍ଚିତ୍ର

ଆଜିର ତାରିଖ ୧୫ ମଇ ୨୦୨୫

ବିଶିଷ୍ଟ ବ୍ୟକ୍ତିଙ୍କ ଜନ୍ମ ଦିବସ:-

ସୁଖଦେବ ଥାପର (୧୫ ମଇ ୧୯୦୭ – ୨୩ ମାର୍ଚ୍ଚ ୧୯୩୧), ଜଣେ ଭାରତୀୟ ବିପ୍ଳବୀ। ହିନ୍ଦୁସ୍ତାନ ସୋଶାଲିଷ୍ଟ ରିପବ୍ଲିକାନ୍ ଆସୋସିଏସନର ଜଣେ ବରିଷ୍ଠ ସଦସ୍ୟ, ସେ ଭଗତ ସିଂହ ଏବଂ ଶିବରାମ ରାଜଗୁରୁଙ୍କ ସହିତ ଅନେକ କାର୍ଯ୍ୟରେ ଅଂଶଗ୍ରହଣ କରିଥିଲେ ଏବଂ ୨୩ ମାର୍ଚ୍ଚ ୧୯୩୧ରେ ୨୩ ବର୍ଷ ବୟସରେ ବ୍ରିଟିଶ ସରକାର ତାଙ୍କୁ ଫାଶୀ ଦେଇଥିଲେ।

୨. ଡାକ୍ତର ୟେସି ଧୋଣ୍ଡେନ୍ (୧୫ ମଇ ୧୯୨୭ – ୨୬ ନଭେମ୍ବର ୨୦୧୯) ପାରମ୍ପରିକ ତିବ୍ବତୀୟ ଚିକିତ୍ସା ପ୍ରଣାଳୀର ଡାକ୍ତର ଥିଲେ। ୧୯୬୧ରୁ ୧୯୮୦ ପର୍ଯ୍ୟନ୍ତ ଚତୁର୍ଦ୍ଦଶ ଦଲାଇ ଲାମାଙ୍କ ସେବା କରିଥିଲେ। ସେ କର୍କଟ ରୋଗୀଙ୍କ ଚିକିତ୍ସା ପାଇଁ ମଧ୍ୟ ଜଣାଶୁଣା ଥିଲେ। ଭାରତ ସରକାର ତାଙ୍କୁ ଭାରତର ଚତୁର୍ଥ ସର୍ବୋଚ୍ଚ ବେସାମରିକ ସମ୍ମାନ ପଦ୍ମଶ୍ରୀରେ ସମ୍ମାନିତ କରିଥିଲେ।

୩. ମାଧୁରୀ ଦୀକ୍ଷିତ ଜଣେ ଭାରତୀୟ ଅଭିନେତ୍ରୀ, ନୃତ୍ୟଶିଳ୍ପୀ, ପ୍ରଯୋଜକ, ଟେଲିଭିଜନ ବ୍ୟକ୍ତିତ୍ୱ। ସେ ‘ଫୋର୍ବସ ଇଣ୍ଡିଆଜ୍’ର ସେଲିବ୍ରିଟି ୧୦୦ ତାଲିକାରେ ୭ ଥର ସ୍ଥାନ ପାଇଛନ୍ତି। ଭାରତ ସରକାର ତାଙ୍କୁ ଦେଶର ଚତୁର୍ଥ ସର୍ବୋଚ୍ଚ ବେସାମରିକ ସମ୍ମାନ ପଦ୍ମଶ୍ରୀରେ ସମ୍ମାନିତ କରିଥିଲେ।

୪. କେ.ଏମ୍.କାରିଆପ୍ପା (୨୮ ଜାନୁଆରୀ ୧୮୯୯ – ୧୫ ମଇ ୧୯୯୩), ଭାରତୀୟ ସେନାର ପ୍ରଥମ ଭାରତୀୟ କମାଣ୍ଡର-ଇନ୍-ଚିଫ୍ ଥିଲେ। ୧୯୪୭ ମସିହା ଭାରତ-ପାକିସ୍ତାନ ଯୁଦ୍ଧ ସମୟରେ ସେ ପଶ୍ଚିମ ମୋର୍ଚ୍ଚାରେ ଭାରତୀୟ ସେନାର ନେତୃତ୍ୱ ନେଇଥିଲେ। ୧୯୪୯ମସିହାରେ ସେ ଭାରତୀୟ ସେନାର କମାଣ୍ଡର-ଇନ୍-ଚିଫ୍ ଭାବେ ନିଯୁକ୍ତ ହୋଇଥିଲେ। ଫିଲ୍ଡ ମାର୍ଶାଲର ପଞ୍ଚତାରକା ପାହ୍ୟାରେ ଥିବା ଭାରତୀୟ ସେନାର ମାତ୍ର ଦୁଇ ଜଣ ଅଧିକାରୀଙ୍କ ମଧ୍ୟରୁ ସେ ଅନ୍ୟତମ, ଅନ୍ୟଜଣେ ହେଉଛନ୍ତି ଫିଲ୍ଡ ମାର୍ଶାଲ ସାମ୍ ମାନେକ୍ସା।

 

ବିଶିଷ୍ଟ ବ୍ୟକ୍ତିଙ୍କ ତିରୋଧାନ ଦିବସ:-

୧. ନଇମ ତାଲୁ (୨୨ ଜୁଲାଇ ୧୯୧୯ – ୧୫ ମଇ ୧୯୯୮), ଜଣେ ତୁର୍କୀ ଅର୍ଥନୀତିଜ୍ଞ, ବ୍ୟାଙ୍କର, ରାଜନେତା ଏବଂ ତୁର୍କୀର ପୂର୍ବତନ ପ୍ରଧାନମନ୍ତ୍ରୀ।

୨. ଭୈରନ ସିଂ ଶେଖାୱତ (୨୩ ଅକ୍ଟୋବର ୧୯୨୫ – ୧୫ ମଇ ୨୦୧୦) ଭାରତର ୧୧ତମ ଉପରାଷ୍ଟ୍ରପତି। ସେ ୧୯୭୭ରୁ ୧୯୮୦, ୧୯୯୦ରୁ ୧୯୯୨ ଏବଂ ୧୯୯୩ରୁ ୧୯୯୮ ପର୍ଯ୍ୟନ୍ତ ତିନି ଥର ରାଜସ୍ଥାନର ମୁଖ୍ୟମନ୍ତ୍ରୀ ଥିଲେ। ସେ ୧୯୫୨ରୁ ୨୦୦୨ ପର୍ଯ୍ୟନ୍ତ ରାଜସ୍ଥାନ ବିଧାନସଭାର ଅନେକ ନିର୍ବାଚନ ମଣ୍ଡଳୀରୁ ପ୍ରତିନିଧିତ୍ୱ କରିଥିଲେ। ୨୦୦୩ ମସିହାରେ ତାଙ୍କୁ ପଦ୍ମଭୂଷଣ ସମ୍ମାନରେ ମଧ୍ୟ ସମ୍ମାନିତ କରାଯାଇଥିଲା।

 

ନଜର ପକାନ୍ତୁ ଆଜିର‌ ଦିନରେ ଘଟିଥିବା ଗୁରୁତ୍ୱପୂର୍ଣ୍ଣ ଘଟଣାକ୍ରମ ଉପରେ:-

୧୯୨୮- ପ୍ରଥମ ମିକି ମାଉସ୍ ଚଳଚ୍ଚିତ୍ର ପ୍ରଦର୍ଶିତ ହୋଇଥିଲା।

୧୯୪୦- ପ୍ରଥମ ମ୍ୟାକ୍ଡୋନାଲ୍ଡ ଫାଷ୍ଟଫୁଡ୍ ରେଷ୍ଟୁରାଣ୍ଟ ଖୋଲିଲା।

୧୯୫୭ – ଭାରତ ମହାସାଗରରେ ଖ୍ରୀଷ୍ଟମାସ ଦ୍ୱୀପ ନିକଟରେ ବ୍ରିଟେନ ନିଜର ପ୍ରଥମ ହାଇଡ୍ରୋଜେନ ବୋମା ପରୀକ୍ଷଣ କରିଥିଲା।

୧୯୭୪ – ଆଜିର ଦିନରେ ଇସ୍ରାଏଲର ଏକ ସ୍କୁଲରେ ବନ୍ଧକ ଥିବା ୧୬ ଜଣ ନାବାଳିକାଙ୍କ ମୃତ୍ୟୁ ଘଟିଥିଲା। ଏଥିରେ ୩ ଜଣ ପାଲେଷ୍ଟାଇନ୍ ମଧ୍ୟ ପ୍ରାଣ ହରାଇଥିଲେ।

୧୯୩୫ – ମସ୍କୋ ମେଟ୍ରୋ ସର୍ବସାଧାରଣଙ୍କ ପାଇଁ ଖୋଲାଯାଇଥିଲା।

୧୯୫୮ – ସୋଭିଏତ ୟୁନିୟନ ସ୍ପୁଟନିକ୍-୩ ଲଞ୍ଚ କରିଥିଲା।

୧୯୨୫ – ପ୍ରଥମ ଆରବୀ କମ୍ୟୁନିଷ୍ଟ ଖବରକାଗଜ ଆରମ୍ଭ ହୋଇଥିଲା।