ଆଜି ବିଶ୍ୱ ରକ୍ତଦାତା ଦିବସ: ରକ୍ତର ବର୍ଗୀକରଣ କରିଥିଲେ ଏହି ନୋବେଲ ବିଜେତା

ଆଜିର ତାରିଖ ୧୪ ଜୁନ ୨୦୨୫

ବିଶ୍ୱ ରକ୍ତଦାତା ଦିବସ: ପ୍ରତିବର୍ଷ ଜୁନ୍ ୧୪ ରେ ବିଶ୍ୱ ରକ୍ତଦାତା ଦିବସ ପାଳନ କରାଯାଏ। ନୋବେଲ୍ ପୁରସ୍କାର ବିଜେତା କାର୍ଲ ଲ୍ୟାଣ୍ଡଷ୍ଟାଇନରଙ୍କ ଜନ୍ମଦିନକୁ ବିଶ୍ବସ୍ତରରେ ରକ୍ତଦାତା ଦିବସ ଭାବେ ପାଳନ କରାଯାଏ। ଏବିଓ ବ୍ଲଡ ଗ୍ରୁପ୍ ସିଷ୍ଟମ୍ ଆବିଷ୍କାର ପାଇଁ ଲ୍ୟାଣ୍ଡଷ୍ଟାଇନରଙ୍କୁ ନୋବେଲ ପୁରସ୍କାର ପ୍ରଦାନ କରାଯାଇଥିଲା। ରକ୍ତର ବର୍ଗୀକରଣ କରିବାରେ ସେ ହେଉଛନ୍ତି ପ୍ରଥମ ବ୍ୟକ୍ତିି। ୧୮୬୮ ଜୁନ ୧୪ରେ ତାଙ୍କର ଜନ୍ମ ହୋଇଥିଲା। ତେଣୁ ତାଙ୍କର ସ୍ମୃତିରେ ୨୦୦୪ରୁ ବିଶ୍ୱ ରକ୍ତଦାତା ଦିବସ ପାଳନ ହୋଇ ଆସୁଛି। ୨୦୦୪ ମସିହାରେ ପ୍ରଥମ ଥର ପାଇଁ ବିଶ୍ୱ ସ୍ୱାସ୍ଥ୍ୟ ସଂଗଠନ, ଅନ୍ତର୍ଜାତୀୟ ରେଡକ୍ରସ ମହାସଂଘ ଏବଂ ରେଡ୍ କ୍ରିସେଣ୍ଟ ସୋସାଇଟିଜ୍ ଭଳି ୪ଟି ପ୍ରମୁଖ ଅନ୍ତର୍ଜାତୀୟ ସଂଗଠନ ଦ୍ୱାରା ଏହି କାର୍ଯ୍ୟକ୍ରମ ଆୟୋଜନ କରାଯାଇଥିଲା।

 

ବିଶିଷ୍ଟ ବ୍ୟକ୍ତିଙ୍କ ଜନ୍ମ ଦିବସ:-

୧. କେଜାଲୁର ନୀଳକଣ୍ଠ ସୋମାୟାଜୀ (୧୪୪୪ ଜୁନ ୧୪ – ୧୫୪୪), କେରଳର ଜଣେ ଜ୍ୟୋତିର୍ବିଜ୍ଞାନୀ ଓ ଗଣିତ ବିଦ୍ୟାଳୟର ଜଣେ ପ୍ରମୁଖ ଗଣିତଜ୍ଞ। ସେ ତାଙ୍କ ପୁସ୍ତକ ‘ତନ୍ତ୍ର ସଙ୍ଗରାହ’ରେ ସେ ଭାରତୀୟ ଜ୍ୟୋତିର୍ବିଜ୍ଞାନର ବିଭିନ୍ନ ଦିଗକୁ ଅନ୍ତର୍ଭୁକ୍ତ କରିଛନ୍ତି। ଏଥିରେ ୮ଟି ଅଧ୍ୟାୟ ଓ ସମୁଦାୟ ୪୩୨ଟି ସଂସ୍କୃତ ଶବ୍ଦ ରହିଛି। ଏଥିରେ ଗ୍ରହମାନଙ୍କର ଗତି, ସୂର୍ଯ୍ୟଙ୍କ ବିଭିନ୍ନ ସ୍ଥିତି ବିଷୟରେ ବର୍ଣ୍ଣନା କରାଯାଇଛି। ଏହା ସହ ସୂର୍ଯ୍ୟଗ୍ରହଣ ଓ ଚନ୍ଦ୍ରଗ୍ରହଣର ବିଭିନ୍ନ ବୈଶିଷ୍ଟ୍ୟ ମଧ୍ୟ ଦର୍ଶାଯାଇଛି। ସୂର୍ଯ୍ୟ ଓ ଚନ୍ଦ୍ର ଉଦୟ ଓ ଅସ୍ତ ହେବା ବ୍ୟତୀତ ସୂର୍ଯ୍ୟଙ୍କ ଦ୍ଵାରା ଚନ୍ଦ୍ରର ବିଭିନ୍ନ ଅଂଶର ଆଲୋକୀକରଣ ଉପରେ ମଧ୍ୟ ଆଲୋକପାତ କରାଯାଇଛି। ନୀଳକଣ୍ଠଙ୍କ ଏକ ପୁସ୍ତକ ‘ଗୋଳାସାର’ରେ ୫୬ଟି ସଂସ୍କୃତ ଶବ୍ଦ ରହିଛି ଏବଂ ଏଥିରେ କିପରି ଜ୍ୟୋତିର୍ବିଜ୍ଞାନିକ ତଥ୍ୟ ଗଣନା ପାଇଁ ଗାଣିତିକ ଗଣନା କରାଯାଏ, ସେ ବିଷୟରେ ଉଲ୍ଲେଖ କରିଛନ୍ତି। ‘ସିଦ୍ଧାନ୍ତ ଦର୍ପଣ’ରେ ୩୨ଟି ସଂସ୍କୃତ ଶବ୍ଦ ରହିଛି ଏବଂ ଏଥିରେ ଏକ ଗ୍ରହୀୟ ଢାଞ୍ଚା ବର୍ଣ୍ଣନା କରାଯାଇଛି। ‘ଚନ୍ଦ୍ରଛାୟା ଗଣିତ’ରେ ୩୧ଟି ଶବ୍ଦ ରହିଛି ଏବଂ ଏଥିରେ ଚନ୍ଦ୍ରର ମେରିଡିୟନ୍ସଙ୍କ ଦୂରତା ଗଣନା ପାଇଁ ଆକଳନ ପଦ୍ଧତି ବର୍ଣ୍ଣନା କରାଯାଇଛି।

୨. ଜୁବିନ୍ ନୌଟିୟାଲ (୧୪ ଜୁନ ୧୯୮୯), ଜଣେ ଭାରତୀୟ ଗାୟକ, କଳାକାର, ସଙ୍ଗୀତ ପ୍ରୋଗ୍ରାମର, ସଙ୍ଗୀତକାର, ସଙ୍ଗୀତ ନିର୍ଦ୍ଦେଶକ ଏବଂ ପ୍ଲେବ୍ୟାକ୍ ଗାୟକ। ବଜରଙ୍ଗୀ ଭାଇଜାନର “ଜିନ୍ଦେଗି କୁଛ ତୋ ବଟା” ଗୀତ ପାଇଁ ତାଙ୍କୁ ଅଷ୍ଟମ ମିର୍ଚି ମ୍ୟୁଜିକ୍ ଆୱାର୍ଡ ମିଳିଥିଲା।

 

ବିଶିଷ୍ଟ ବ୍ୟକ୍ତିଙ୍କ ତିରୋଧାନ ଦିବସ:-

୧. ଫକୀର ମୋହନ ସେନାପତି (୧୩ ଜାନୁଆରୀ ୧୮୪୩ – ୧୪ ଜୁନ ୧୯୧୮), ଆଧୁନିକ ଓଡ଼ିଆ ସାହିତ୍ୟର ଜନକ ଭାବରେ ବିବେଚନା କରାଯାଏ। ଜଣେ ଭାରତୀୟ ଲେଖକ, କବି, ଦାର୍ଶନିକ ଏବଂ ସମାଜ ସଂସ୍କାରକ ଥିଲେ। ତାଙ୍କ ଦ୍ୱାରା ଲିଖିତ କାହାଣୀ ଗୁଡ଼ିକ ମଧ୍ୟରେ ‘ରେବତୀ’, ‘ପେଟେଣ୍ଟ ମେଡିସିନ୍’, ‘ଦକ୍ଷାଂଶୀ’, ‘ସଭା ଜମିଦାର’ ପ୍ରମୁଖ ସଂରଚନା। ହିନ୍ଦୀ ସାହିତ୍ୟରେ ପ୍ରେମଚାନ୍ଦ ଓ ଓଡ଼ିଆ ସାହିତ୍ୟରେ ଫକୀର ମୋହନଙ୍କୁ ସମକକ୍ଷ ବୋଲି ବିବେଚନା କରାଯାଏ। ସେ ଓଡ଼ିଆ ଭାଷାରେ ରାମାୟଣ, ଗୀତା, ଉପନିଷଦ ଆଦି ଗ୍ରନ୍ଥର ଅନୁବାଦ ମଧ୍ୟ କରିଛନ୍ତି।

 

ନଜର ପକାନ୍ତୁ ଆଜିର‌ ଦିନରେ ଘଟିଥିବା ଗୁରୁତ୍ୱପୂର୍ଣ୍ଣ ଘଟଣାକ୍ରମ ଉପରେ:-

୧୬୩୪ – ଏହି ଦିନ ରୁଷିଆ ଓ ପୋଲାଣ୍ଡ ମଧ୍ୟରେ ପୋଲିଆନୋଭ ଶାନ୍ତି ଚୁକ୍ତି ସ୍ୱାକ୍ଷରିତ ହୋଇଥିଲା।

୧୬୫୮ – ବ୍ରିଟିଶ ଓ ଫ୍ରାନ୍ସ ସେନା ସ୍ପେନ୍ କୁ ଡୁନେସ୍ ଯୁଦ୍ଧରେ ପରାସ୍ତ କରିଥିଲେ।

୧୭୭୫ – ଆଜିର ଦିନରେ ଆମେରିକୀୟ ସେନା ପ୍ରତିଷ୍ଠା ହୋଇଥିଲା।

୧୯୦୧ – ଏହି ଦିନ ପ୍ରଥମ ଗଲ୍ଫ ଟୁର୍ଣ୍ଣାମେଣ୍ଟ ଆୟୋଜନ କରାଯାଇଥିଲା।

୧୯୦୭ – ଏହି ଦିନ ନରୱେରେ ମହିଳାମାନଙ୍କୁ ଭୋଟ୍ ଦେବାର ଅଧିକାର ମିଳିଥିଲା।

୧୯୧୭ – ଇଂଲଣ୍ଡ ଉପରେ ଜର୍ମାନୀର ପ୍ରଥମ ଏୟାର ଷ୍ଟ୍ରାଇକ୍ ହୋଇଥିଲା ଯେଉଁଥିରେ ପୂର୍ବ ଲଣ୍ଡନରେ ଶହେରୁ ଅଧିକ ଲୋକ ପ୍ରାଣ ହରାଇଥିଲେ।

୧୯୨୨ – ଆମେରିକା ରାଷ୍ଟ୍ରପତି ୱାରେନ୍ ଜି ହାର୍ଡିଂ ତାଙ୍କର ପ୍ରଥମ ରେଡିଓ ଭାଷଣ ଦେଇଥିଲେ।

୧୯୪୦ – ଦ୍ୱିତୀୟ ବିଶ୍ୱଯୁଦ୍ଧ ସମୟରେ ଜର୍ମାନ ସେନା ଫ୍ରାନ୍ସର ରାଜଧାନୀ ପ୍ୟାରିସକୁ ଦଖଲ କରିଥିଲା।

୧୯୪୯ – ଏହି ଦିନ ଭିଏତନାମ ରାଷ୍ଟ୍ର ଗଠନ ହୋଇଥିଲା।

୧୯୫୮ – ଡକ୍ଟର ସିଭି ରମଣଙ୍କୁ କ୍ରେମଲିନରେ ଲେନିନ ଶାନ୍ତି ପୁରସ୍କାର ପ୍ରଦାନ କରାଯାଇଥିଲା।

୧୯୬୨ – ୟୁରୋପୀୟ ମହାକାଶ ଗବେଷଣା ସଂଗଠନ ପ୍ୟାରିସରେ ସ୍ଥାପିତ ହୋଇଥିଲା।

୧୯୮୦ – ଆର୍ଜେଣ୍ଟିନା ସୈନିକମାନେ ଫକଲାଣ୍ଡ ଦ୍ୱୀପପୁଞ୍ଜରେ ବ୍ରିଟିଶ ସେନା ନିକଟରେ ଆତ୍ମସମର୍ପଣ କରିଥିଲେ।

୧୯୯୯ – ଏହି ଦିନ ଥାବୋ ମବେକି ଦକ୍ଷିଣ ଆଫ୍ରିକାର ରାଷ୍ଟ୍ରପତି ଭାବରେ ନିର୍ବାଚିତ ହୋଇଥିଲେ।

୨୦୧୨ – ବିଶାଖାପାଟଣାସ୍ଥିତ ଭାରତୀୟ ଇସ୍ପାତ କାରଖାନାରେ ବିସ୍ଫୋରଣ ଘଟି ୧୧ ଜଣଙ୍କ ମୃତ୍ୟୁ ଘଟିଥିଲା ଏବଂ ୧୬ ଜଣ ଆହତ ହୋଇଥିଲେ।