ପୁଣି ବଡ଼ ଏନକାଉଣ୍ଟର: କୁଖ୍ୟାତ ମାଓନେତା ଥିପୂରି ତିରୁପତି ମୃତ

ବିଜୟୱାଡା, ୧୯/୧୧: ଆନ୍ଧ୍ରପ୍ରଦେଶର ରାମପାଚୋଡାଭରମର ମାରେଡମଲ୍ଲୀ ଜଙ୍ଗଲରେ ଆଜି ସକାଳେ ପୁଣି ଥରେ ସୁରକ୍ଷାକର୍ମୀ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଛି। ଗ୍ରେହାଉଣ୍ଡ ଯବାନଙ୍କ ସର୍ଚ୍ଚ ଅପରେସନ ବେଳେ ଏନକାଉଣ୍ଟରରେ ସାତ ଜଣ ମାଓବାଦୀ ନିହତ ହୋଇଛନ୍ତି ବୋଲି ଆନ୍ଧ୍ର ଇଣ୍ଟେଲିଜେନ୍ସ ଏଡିଜି ମହେଶ ଚନ୍ଦ୍ର ପଣ୍ଡା କହିଛନ୍ତି।

ସେ କହିଛନ୍ତି ଯେ, ନିହତ ମାଓବାଦୀଙ୍କ ମଧ୍ୟରେ କିଛି ବରିଷ୍ଠ ଲିଡର ଥିବା ସୂଚନା ରହିଛି। ସେମାନଙ୍କ ମଧ୍ୟରେ ୩ ଜଣ ମହିଳା ମାଓବାଦୀ ରହିଛନ୍ତି। ୫ ଜଣ କୁଖ୍ୟାତ ମାଓବାଦୀ ରହିଛନ୍ତି। ମାଓ ନେତା ଥିପୂରି ତିରୁପତି ଓରଫ ଦେବଜି, ଟେକ ଶଙ୍କର ଓ ସୀତା ଡିଭିସିଏମ୍ ମୃତ।

ମୃତକଙ୍କ ନିକଟରୁ ୨ଟି ଏକେ-୪୭ ସମେତ ୮ଟି ବନ୍ଧୁକ ଓ ବହୁ ଅସ୍ତ୍ରଶସ୍ତ୍ର ଜବତ କରାଯାଇଛି। ମାଓବାଦୀମାନେ ଛତିଶଗଡ଼ ଏବଂ ତେଲେଙ୍ଗାନାରୁ ଆନ୍ଧ୍ରପ୍ରଦେଶରେ ପ୍ରବେଶ କରିବାକୁ ଚେଷ୍ଟା କରୁଛନ୍ତି। ସୁରକ୍ଷା ବାହିନୀ ସେମାନଙ୍କ ଗତିବିଧି ଉପରେ କଡ଼ା ନଜର ରଖିଛନ୍ତି।

୧୭ ନଭେମ୍ବରରେ ଏକ ଅପରେସନ୍ ଆରମ୍ଭ ହୋଇଥିଲା ଏବଂ ୧୮ ନଭେମ୍ବର ସକାଳେ ଆଲୁରି ସୀତାରାମ ରାଜୁ ଜିଲ୍ଲାରେ ଏକ ଏନକାଉଣ୍ଟର ହୋଇଥିଲା, ଯେଉଁଥିରେ କେନ୍ଦ୍ରୀୟ କମିଟି ସଦସ୍ୟ ମାଡଭି ହିଡମା ଏବଂ ଅନ୍ୟ ପାଞ୍ଚ ଜଣ ମାଓବାଦୀ ନିହତ ହୋଇଥିଲେ।

ଏଡିଜି ଲଡ୍ଡା ଆହୁରି ମଧ୍ୟ କହିଛନ୍ତି ଯେ ବର୍ତ୍ତମାନର ଅପରେସନରେ ଏନଟିଆର, କୃଷ୍ଣା, ଏଲୁରୁ, କାକିନାଡା ଏବଂ କୋନାସୀମା ଜିଲ୍ଲାରେ ୫୦ ଜଣଙ୍କୁ ଗିରଫ କରାଯାଇଛି।

ଗିରଫ ହୋଇଥିବା ଲୋକଙ୍କ ମଧ୍ୟରେ ତିନି ଜଣ ସ୍ୱତନ୍ତ୍ର ଜୋନାଲ କମିଟି ସଦସ୍ୟ, ୨୩ ପ୍ଲାଟୁନ ସଦସ୍ୟ, ପାଞ୍ଚ ଜଣ ଡିଭିଜନାଲ କମିଟି ସଦସ୍ୟ ଏବଂ ୧୯ ଜଣ କ୍ଷେତ୍ର କମିଟି ସଦସ୍ୟ ଅଛନ୍ତି। ଏବେ ବି ସର୍ଚ୍ଚ ଅପରେସନ ଜାରି ରହିଛି।