ଫ୍ୟାକ୍ଟ୍ରିରେ ଛୁରାମାଡ: ୧୪ ଆହତଙ୍କୁ ଡାକ୍ତରଖାନାରେ ଭର୍ତ୍ତି

ଟୋକିଓ, ୨୬/୧୨: ଶୁକ୍ରବାର ଜାପାନର ଶିଜୁଓକା ପ୍ରଦେଶର ଏକ କାରଖାନାରେ ଏକ ଛୁରାମାଡ଼ ଘଟଣାରେ ଅତି କମରେ ୧୪ ଜଣ ଆହତ ହୋଇଛନ୍ତି। ଆହତ ମାନଙ୍କୁ ଡାକ୍ତରଖାନା ନିଆଯାଇଛି।

କେନ୍ଦ୍ରୀୟ ଜାପାନର ମିଶିମା ସହରର ୟୋକୋହାମା ରବର ମିଶିମା ପ୍ଲାଣ୍ଟର ଜଣେ କମ୍ପାନୀ ଅଧିକାରୀଙ୍କ କହିବାନୁଯାୟୀ, ଘଟଣାଟି ସ୍ଥାନୀୟ ସମୟ ପ୍ରାୟ ଅପରାହ୍ନ ୪:୩୦ ସମୟରେ ଘଟିଥିଲା। ଅଧିକାରୀ ଆହୁରି କହିଛନ୍ତି ଯେ ଏକାଧିକ ବ୍ୟକ୍ତିଙ୍କୁ ଏକ ବ୍ଲେଡ୍ ଭଳି ଅସ୍ତ୍ରରେ ଛୁରାମାଡ଼ କରାଯାଇଥିଲା। କିଛି ତରଳ ପଦାର୍ଥ ସ୍ପ୍ରେ କରାଯାଇଥିଲା।

ପୋଲିସ କହିଛି ଯେ ସନ୍ଦିଗ୍ଧ ଆକ୍ରମଣକାରୀଙ୍କୁ ହେପାଜତକୁ ନିଆଯାଇଛି। ଘଟଣାର କାରଣ ଜାଣିବା ପାଇଁ ତଦନ୍ତ ଚାଲିଛି।