କେଳୁଚରଣ-କୀର୍ତ୍ତି-ଶତକମର ଉଦଯାପନୀ ଦିବସ

ଭୁବନେଶ୍ବର,୧୦/୦୧: ଓଡ଼ିଶା ସରକାରଙ୍କ ଓଡିଆ ଭାଷା, ସାହିତ୍ୟ ଏବଂ ସଂସ୍କୃତି ବିଭାଗ, ଗୁରୁ କେଳୁଚରଣ ମହାପାତ୍ର ଓଡ଼ିଶୀ ଗବେଷଣା କେନ୍ଦ୍ର ଏବଂ ସୃଜନ-ଗୁରୁ କେଳୁଚରଣ ମହାପାତ୍ର ଓଡ଼ିଶୀ ନୃତ୍ୟବାସ ମିଳିତ ସ‌ହ‌ଯୋଗରେ ଅନୁଷ୍ଠିତ ଗୁରୁ ଶ୍ରୀ କେଳୁଚରଣ ମହାପାତ୍ରଙ୍କ ଜନ୍ମ ଶତବାର୍ଷିକୀ ଉତ୍ସବ କେଳୁଚରଣ-କୀର୍ତି-ଶତକମର ଉଦ‌ଯାପନୀ ଦିବସରେ ଅଂଶଗ୍ରହଣ କରିଥିବା ସମସ୍ତ କଳାକାରମାନେ ଗୁରୁଜୀଙ୍କ ଐତିହ୍ୟକୁ ସ୍ମରଣ କରିବା ପାଇଁ ଏହି ସମାବେଶକୁ ଏକ ବାର୍ଷିକ କାର୍ଯ୍ୟକ୍ରମ କରିବାକୁ ପ୍ରତିଶ୍ରୁତି ଦେଇଥିଲେ । ସମଗ୍ର କାର୍ଯ୍ୟକ୍ରମର ପ୍ରସ୍ତୁତି ଅତ୍ୟନ୍ତ ସୁନ୍ଦର ଥିଲା ଯେଉଁଥିରେ ରବୀନ୍ଦ୍ର ମଣ୍ଡପର ପ୍ରବେଶ ଦ୍ବାର ଠାରୁ ଏହାର ପରିସର ପର୍ଯ୍ୟନ୍ତ ଗୁରୁଜୀଙ୍କ ପ୍ରତିଭାକୁ ମନେ ପକାଇ ଦେଉଥିଲା, ଏକ ବାଲୁକା କଳା ଚିତ୍ରଣ, ଏକ ଫଟୋ ପ୍ରଦର୍ଶନୀ ଏବଂ ବିଭିନ୍ନ ସ୍ଥାନରେ ଗୁରୁଜୀଙ୍କ ଜୀବନ ଏବଂ ସମୟ ବିଷୟରେ ସୂଚନାପ୍ରଦ ଚିତ୍ର ସହିତ ନୃତ୍ୟ କାର୍ଯ୍ୟକ୍ରମ ଦର୍ଶକଙ୍କୁ ମନ୍ତ୍ରମୁଗ୍ଧ କରିଥିଲା ।

ସ୍ମୃତିଚାରଣ ଉପରେ ସକାଳ ଅଧିବେଶନରେ ଅଂଶଗ୍ରହଣ କରିଥିବା ବରିଷ୍ଠ ଓଡ଼ିଶୀ ନୃତ୍ୟାଙ୍ଗନା ତଥା ଗୁରୁମାନେ ଥିଲେ ଶ୍ରୀମତୀ ଶାରୋନ ଲୋୱେନ, ଶ୍ରୀମତୀ ମୁକ୍ତିଲତା ପାଲ, ଶ୍ରୀମତୀ ସିକତା ଦାସ, ଶ୍ରୀମତୀ ଝେଲମ ପରାଞ୍ଜପେ, ଶ୍ରୀମତୀ ଶୁଭଦା ଭାରଡକର, ଶ୍ରୀମତୀ ଶର୍ମିଲା ମୁଖାର୍ଜୀ ଏବଂ ପ୍ରବୀଣ ସଂଗୀତଜ୍ଞ ଏବଂ ଗାୟକ ଶ୍ରୀ ଲକ୍ଷ୍ମୀକାନ୍ତ ପାଲିତ ଏବଂ ପ୍ରଖ୍ୟାତ ମର୍ଦ୍ଦଳ ବାଦକ ଶ୍ରୀ ଧନେଶ୍ବର ସ୍ବାଇଁଙ୍କ । ସେମାନଙ୍କ ମଧ୍ୟରୁ ପ୍ରତ୍ୟେକେ ଗୁରୁଜୀଙ୍କ ସହିତ ସେମାନଙ୍କର ଅନନ୍ୟ ଅଭିଜ୍ଞତା ଏବଂ ତାଙ୍କ ଜୀବନରେ ଆସିଥିବା ପରିବର୍ତ୍ତନକୁ ଦର୍ଶକଙ୍କ ଆଗରେ ବଖାଣିଥିଲେ । ଅଧିବେଶନ ଶେଷରେ ଶ୍ରୀମତୀ କୁମକୁମ ମହାନ୍ତି ଦର୍ଶକମାନଙ୍କୁ ତାଙ୍କ ଅଭିଜ୍ଞନ୍ତା ସହିତ ସ୍ମୃତିକୁ ପୁନଃପ୍ରଦର୍ଶନ କରିଥିଲେ । ସେମାନଙ୍କ ସହିତ ମଞ୍ଚରେ ସୃଜନର ନିର୍ଦ୍ଦେଶକ ଶ୍ରୀ ରତିକାନ୍ତ ମହାପାତ୍ର ମଧ୍ୟ ଯୋଗ ଦେଇଥିଲେ । ଡକ୍ଟର ମୃତ୍ୟୁଞ୍ଜୟ ରଥ କାର୍ଯ୍ୟକ୍ରମକୁ ସୂଚାରୁ ରୂପେ ପରିଚାଳନା କରିଥିଲେ ଏବଂ ସକାଳ ଅବେଶନଟି ସମ୍ମାନିତ ବକ୍ତା ଏବଂ ଅତିଥିମାନଙ୍କ ସମ୍ବର୍ଦ୍ଧନା ସହିତ ଶେଷ ହୋଇଥିଲା ।

ସନ୍ଧ୍ୟା ଅଧିବେଶନରେ ଉପସ୍ଥିତ ଥିବା ବିଶିଷ୍ଟ ଅତିଥି ଏବଂ ମାନ୍ୟଗଣ୍ୟ ବ୍ୟକ୍ତିମାନେ ଥିଲେ ଓଡିଶା ସଙ୍ଗୀତ ନାଟକ ଏକାଡେମୀର ସଚିବ ତଥା ସାହିତ୍ୟ ସାଧକ ଡକ୍ଟର ଚନ୍ଦ୍ରଶେଖର ହୋତା, ଉତ୍କଳ ସଙ୍ଗୀତ ମହାବିଦ୍ୟାଳୟର ଅଧକ୍ଷ ଡକ୍ଟର ବିଜୟ କୁମାର ଜେନା ଏବଂ ସୃଜନର ନିର୍ଦ୍ଦେଶକ ଗୁରୁ ରତିକାନ୍ତ ମହାପାତ୍ର ।

ମଞ୍ଚ ଉପରେ ଥିବା ସମ୍ମାନିତ ଅତିଥିମାନଙ୍କ ଦ୍ବାରା ପ୍ରଦୀପ ପ୍ରଜ୍ଜ୍ଵଳନ ଏବଂ ସମ୍ବର୍ଦ୍ଧନା ପରେ, କାର୍ଯ୍ୟକ୍ରମର ପ୍ରଥମ ପରିବେଷଣରେ ଥିଲା ଶ୍ରୀମତୀ ଶାରୋନ ଲୋୱେନଙ୍କ ଦ୍ବାରା ଶତାବ୍ଦୀର କବି ଜୟଦେବଙ୍କ ମହାନ ରଚନା ଗୀତା ଗୋବିନ୍ଦର ଏକ ପ୍ରବନ୍ଧର ମନୋରମ ଏବଂ ସୂକ୍ଷ୍ମ ଉପସ୍ଥାପନା ପଶ୍ୟତି ଦିଶି ଦିଶି । ଗୀତ ଗୋବିନ୍ଦର ଅନ୍ୟ ଏକ ପ୍ରବନ୍ଧ ପ୍ରିୟେ ଚାରୁଶୀଳେକୁ ଶ୍ରୀମତୀ ଝେଲମ ପରାଞ୍ଜପେ ଉପସ୍ଥାପନ କରିଥିଲେ । ପରେ ପରେ ଶ୍ରୀମତୀ ଜ୍ୟୋତି ରାଉତଙ୍କ ଦ୍ବାରା ଭଜ ଗୋବିନ୍ଦମ୍, ଶ୍ରୀ ମନୋରଞ୍ଜନ ପ୍ରଧାନ ଏବଂ ଶ୍ରୀମତୀ ମିନତି ପ୍ରଧାନଙ୍କ ଦ୍ବାରା ଅର୍ଦ୍ଧନାରୀଶ୍ବର, ଶ୍ରୀମତୀ ମୀରା ଦାସଙ୍କ ଦ୍ବାରା ଓଡିଆ ଅଭିନୟ ବିଭୂଷଣ ପୁଷ୍ପ, ସୁଶ୍ରୀ ବିପଞ୍ଚି ଦାସଙ୍କ ଦ୍ବାରା କୃଷ୍ଣ ପ୍ରିତି ଓ ସୁହାଗ ନଳିନୀ ଦାସଙ୍କ ଦ୍ବାରା ରସ ପଞ୍ଚକ ପରିବେଷିତ ହୋଇଥିଲା । ପରବର୍ତ୍ତୀ ଦଳଗତ ଉପସ୍ଥାପନାଟି ଥିଲା ହଂସଧ୍ବନି ପଲ୍ଲବୀ ଯାହାକୁ ପରିବେଷଣ କରିଥିଲେ ଶ୍ରୀ ରାଜୀବ ଭଟ୍ଟାଚାର୍ଯ୍ୟ, ଶ୍ରୀ ଅର୍ଣ୍ଣବ ବନ୍ଦୋପାଧ୍ୟାୟ, ଶ୍ରୀ ସୁବିକାଶ ମୁଖାର୍ଜୀ, ଶ୍ରୀମତୀ ଶାୟୋମିତା ଦାସଗୁପ୍ତା ଏବଂ ଶ୍ରୀମତୀ ରଜନୀତା ମେହେରା । ପରେ ପରେ ଶ୍ରୀ ପିତାମ୍ବର ବିଶ୍ବାଳଙ୍କ ସୁରଭି ଅନୁଷ୍ଠାନର ଶିଳ୍ପୀମାନଙ୍କ ଦ୍ବାରା ଆଶାବରୀ ପଲ୍ଲବୀ ଏବଂ ସନ୍ଧ୍ୟାର ଶେଷ ଉପସ୍ଥାପନାଟି ଥିଲା ସୁଶ୍ରୀ ଜ୍ୟୋତ୍ସ୍ନା ରାଣୀ ସାହୁଙ୍କ ସୁରମନ୍ଦିର ଅନୁଷ୍ଠାନର ଶିଳ୍ପୀମାନଙ୍କ ଦ୍ବାରା ନାଚନ୍ତି ରଙ୍ଗେ ଶ୍ରୀ ହରି । ସନ୍ଧ୍ୟାର କାର୍ଯ୍ୟକ୍ରମକୁ ସୁନ୍ଦର ଭାବରେ ପରିଚାଳନା କରିଥିଲେ ଡକ୍ଟର ମୃତ୍ୟୁଞ୍ଜୟ ରଥ ଏବଂ ଡକ୍ଟର ନାଜିଆ ଆଲାମ । ତିନି ଦିନ ଧରି ଅନୁଷ୍ଠିତ ଏହି ନୃତ୍ୟ କାର୍ଯ୍ୟକ୍ରମରେ ଶ୍ରୀ ଦେବୀ ପ୍ରସାଦ ମିଶ୍ରଙ୍କ ସୃଜନଶୀଳ ଏବଂ ସୁନ୍ଦର ଆଲୋକ ଡିଜାଇନ୍ ଦର୍ଶକଙ୍କୁ ବେଶ ପସନ୍ଦ ଆସିଥିଲା ।