ଓଡ଼ିଶା ଉପକୂଳରୁ ସଫଳତାର ସହିତ ଅଗ୍ନି ବାଲିଷ୍ଟିକ ମିସାଇଲର ପରୀକ୍ଷଣ ହୋଇଥିଲା

ଆଜିର ତାରିଖ ୨୯ ମେ ୨୦୨୬

ବିଶିଷ୍ଟ ବ୍ୟକ୍ତିଙ୍କ ଜନ୍ମ ଦିବସ:-

୧. ରାମାନନ୍ଦ ଚଟ୍ଟୋପାଧ୍ୟାୟ (ଜନ୍ମ- ୧୮୬୫) “ଭାରତୀୟ ସାମ୍ବାଦିକତାର ପିତା” ଭାବେ ପରିଚିତ। ସେ Modern Review ଏବଂ Prabasi ପତ୍ରିକାର ପ୍ରତିଷ୍ଠାତା ଏବଂ ସମ୍ପାଦକ ଥିଲେ। ଜାତୀୟତାବାଦୀ ଚିନ୍ତାଧାରା ଏବଂ ସ୍ୱାଧୀନତା ଆନ୍ଦୋଳନର ସମର୍ଥକ ଭାବେ ପ୍ରସିଦ୍ଧ।

୨. ପଙ୍କଜ କପୁର (ଜନ୍ମ- ୧୯୫୪) ପ୍ରସିଦ୍ଧ ବଲିଉଡ୍ ଏବଂ ଟେଲିଭିଜନ୍ ଅଭିନେତା, ନିର୍ଦ୍ଦେଶକ ଏବଂ ଗାୟକ। ସେ ଫିଲ୍ମ, ଥିଏଟର୍ ରେ ବିଭିନ୍ନ ଚରିତ୍ରରେ ଅଭିନୟ କରିଛନ୍ତି

୩. ଡି. ଗୁକେଶ (ଜନ୍ମ- ୨୦୦୬) ଭାରତୀୟ ଚେସ୍ ଗ୍ରାଣ୍ଡମାଷ୍ଟର ଏବଂ ବିଶ୍ୱ ଚେସ୍ ଚାମ୍ପିଅନ ହୋଇଥିଲେ। ୨୦୨୪ରେ ସବୁଠାରୁ କମ୍ ବୟସର ଅଣ୍ଡିସ୍ପ୍ୟୁଟେଡ୍ ଚାମ୍ପିଅନ ହୋଇଥିଲେ।

ବିଶିଷ୍ଟ ବ୍ୟକ୍ତିଙ୍କ ତିରୋଧାନ ଦିବସ:-

୧. ଚୌଧୁରୀ ଚରଣ ସିଂହ (ମୃତ୍ୟୁ–୧୯୮୭) ଭାରତର ୫ମ ପ୍ରଧାନମନ୍ତ୍ରୀ (୧୯୭୯ ଜୁଲାଇ ରୁ ୧୯୮୦ ଜାନୁଆରୀ)। ସେ ଜଣେ କୃଷକ ନେତା ବା “କିଷାନ ନେତା” ଭାବେ ପରିଚିତ। ଉତ୍ତରପ୍ରଦେଶର ମୁଖ୍ୟମନ୍ତ୍ରୀ ଥିଲେ ଏବଂ କୃଷକ ସ୍ୱାର୍ଥ, ଭୂମି ସୁଧାର ପାଇଁ ପ୍ରସିଦ୍ଧ। ତାଙ୍କ ଜନ୍ମଦିନ (୨୩ ଡିସେମ୍ବର) କୁ ଭାରତରେ କିଷାନ ଦିବସ ଭାବେ ପାଳନ କରାଯାଏ। ଦିଲ୍ଲୀର କିଷାନ ଘାଟରେ ତାଙ୍କ ସମାଧି ଅଛି।

୨. ଯୋଗେଶ ଗୌର (ମୃତ୍ୟୁ- ୨୦୨୦) ବଲିଉଡ୍‌ର ବରିଷ୍ଠ ଗୀତିକାର ଏବଂ ଲେଖକ। ୧୯୬୦-୭୦ ଦଶକରେ ଅନେକ ଲୋକପ୍ରିୟ ଗୀତ ଲେଖିଛନ୍ତି। ସେ ଅନେକ ଫିଲ୍ମ ଏବଂ ଟେଲିଭିଜନ୍ ସିରିଏଲ୍ ପାଇଁ ସ୍କ୍ରିପ୍ଟ ରାଇଟିଙ୍ଗ ପାଇଁ ପରିଚିତ।

ନଜର ପକାନ୍ତୁ ଆଜିର‌ ଦିନରେ ଘଟିଥିବା ଗୁରୁତ୍ୱପୂର୍ଣ୍ଣ ଘଟଣାକ୍ରମ ଉପରେ:-

୧୪୫୩: ସୁଲତାନ ମେହମୁଦ ଦ୍ୱିତୀୟଙ୍କ ନିର୍ଦ୍ଦେଶରେ କନଷ୍ଟାଣ୍ଟିନୋପଲ୍ ଓଟୋମାନ ସାମ୍ରାଜ୍ୟର ପତନ ଘଟାଇ ବାଇଜାଣ୍ଟାଇନ୍ ସାମ୍ରାଜ୍ୟର ଅନ୍ତ ଘଟାଇଥିଲା।

୧୬୫୮: ସାମୁଗଡ଼ ଯୁଦ୍ଧ ହୋଇଥିଲା, ଯେଉଁଥିରେ ଔରଙ୍ଗଜେବ ତାଙ୍କ ଭାଇ ଦାରା ଶିକୋହଙ୍କୁ ସମ୍ପୂର୍ଣ୍ଣ ପରାସ୍ତ କରି ମୋଗଲ ସିଂହାସନ ଦଖଲ କରିବାର ପଥ ପ୍ରଶସ୍ତ କରିଥିଲେ।

୧୯୧୯: ବ୍ରିଟିଶ ଜ୍ୟୋତିର୍ବିଜ୍ଞାନୀ ଆର୍ଥର ଏଡିଂଟନ୍ ଏକ ସୂର୍ଯ୍ୟଗ୍ରହଣ ଫଟୋଗ୍ରାଫ୍ ପାଇଁ ଏକ ଅଭିଯାନର ନେତୃତ୍ୱ ନେଇଥିଲେ।

୧୯୩୩: ମହାତ୍ମା ଗାନ୍ଧୀ ତାଙ୍କର ଐତିହାସିକ ୨୧ ଦିନିଆ ଉପବାସ ସମାପ୍ତ କରିଥିଲେ, ଯାହା ‘ଅସ୍ପୃଶ୍ୟ’ (ଦଳିତ)ଙ୍କ ପ୍ରତି ଦୁର୍ବ୍ୟବହାରର ପ୍ରତିବାଦରେ କରାଯାଇଥିଲା।

୧୯୫୩: ନ୍ୟୁଜିଲ୍ୟାଣ୍ଡ ପର୍ବତାରୋହୀ ଏଡମୁଣ୍ଡ ହିଲାରୀ ଏବଂ ନେପାଳର ଶେର୍ପା ତେନଜିଂ ନୋର୍ଗେ ପ୍ରଥମ ବ୍ୟକ୍ତି ଭାବରେ ସଫଳତାର ସହ ମାଉଣ୍ଟ ଏଭରେଷ୍ଟ ଶିଖରରେ ପହଞ୍ଚିଲେ।

୧୯୬୮: ଭାରତୀୟ କୁସ୍ତି କିମ୍ବଦନ୍ତୀ ଦାରା ସିଂହ ମୁମ୍ବାଇରେ ଆମେରିକାର ଲୁ ଥେସ୍‌ଙ୍କୁ ପରାସ୍ତ କରି ବିଶ୍ୱ କୁସ୍ତି ଚାମ୍ପିଅନସିପ୍ ଟାଇଟଲଧାରୀ ହୋଇଥିଲେ।

୧୯୯୨: ଭାରତ ଓଡ଼ିଶା ଉପକୂଳରୁ ଅଗ୍ନି ଇଣ୍ଟର-ମିଡିଏଟ୍ ବାଲିଷ୍ଟିକ୍ କ୍ଷେପଣାସ୍ତ୍ରର ସଫଳତାର ସହିତ ପରୀକ୍ଷଣ କରିଥିଲା।

୧୯୯୯: ନାଇଜେରିଆ ଏକ ନୂତନ ସମ୍ବିଧାନ ଗ୍ରହଣ କରି ଚତୁର୍ଥ ଗଣରାଜ୍ୟ ପ୍ରତିଷ୍ଠା କରି ବେସାମରିକ ଗଣତାନ୍ତ୍ରିକ ଶାସନକୁ ଫେରିଗଲା।