ଗୌହାଟୀ, ୧୩/୦୬: ଆଜି ସକାଳେ ଆସାମର ଜୋରହାଟସ୍ଥିତ ଭାରତୀୟ ବାୟୁସେନାର ରୌରିଆ ବାୟୁସେନା ଘାଟିରେ ଏକ ଏୟାରକ୍ରାଫ୍ଟ ଦୁର୍ଘଟଣା ଘଟିଛି। ବାୟୁସେନାର AN-32 ପରିବହନ ବିମାନ ଲ୍ୟାଣ୍ଡିଂ କରିବା ସମୟରେ କ୍ରାସ୍ ହୋଇ ନିଆଁ ଲାଗିଯାଇଛି।
ଆହୁରି ପଢ଼ନ୍ତୁ...
ପ୍ରାରମ୍ଭିକ ରିପୋର୍ଟ ଅନୁଯାୟୀ, ବିମାନଟି ରନୱେରେ ଲ୍ୟାଣ୍ଡିଂ କରିବା ପରେ ରନୱେ ଛାଡ଼ି ବାହାରକୁ ଯାଇ ଘାସ ଜମି ଉପରେ କ୍ରାସ୍ ହୋଇଥିଲା। ଏହା ପରେ ବିମାନରେ ନିଆଁ ଲାଗିଯାଇଥିଲା ଏବଂ ଜରୁରୀକାଳୀନ ଦଳ ତୁରନ୍ତ ପହଞ୍ଚି ନିଆଁକୁ ନିୟନ୍ତ୍ରଣ କରିଥିଲେ। ଘଟଣାସ୍ଥଳରେ ବରିଷ୍ଠ ବାୟୁସେନା ଅଧିକାରୀମାନେ ମଧ୍ୟ ପହଞ୍ଚିଛନ୍ତି। ତେବେ ପାଇଲଟଙ୍କ ବିଷୟରେ ଏପର୍ଯ୍ୟନ୍ତ ସ୍ପଷ୍ଟ ସୂଚନା ମିଳିନାହିଁ।
AN-32 ହେଉଛି ସୋଭିଏତ୍ ଯୁଗର ଏକ ଟୁର୍ବୋପ୍ରପ୍ ଟ୍ରାନ୍ସପୋର୍ଟ ବିମାନ, ଯାହା ସୈନ୍ୟ ପରିବହନ ଏବଂ ଦୁର୍ଗମ ଅଞ୍ଚଳରେ ଅପରେସନ୍ ପାଇଁ ବ୍ୟବହୃତ ହୋଇଥାଏ।