ଆଜି ଦେବସ୍ନାନ ପୂର୍ଣ୍ଣିମା: ସ୍ନାନ ବେଦୀରେ ଦର୍ଶନ ଦେଉଛନ୍ତି ଶ୍ରୀଜିଉ

ପୁରୀ, ୨୯/୦୬: ଆଜି ଜ୍ୟେଷ୍ଠ ପୂର୍ଣ୍ଣିମା ବା ଦେବସ୍ନାନ ପୂର୍ଣ୍ଣିମା। ନୀଳାଚଳ ଧାମ ପୁରୀରେ ଶ୍ରୀଜଗନ୍ନାଥ ମହାପ୍ରଭୁଙ୍କ ପବିତ୍ର ସ୍ନାନ ଯାତ୍ରା ଅନୁଷ୍ଠିତ ହେଉଛି। ଏହା କେବଳ ଏକ ଉତ୍ସବ ନୁହେଁ, ବରଂ ମହାପ୍ରଭୁଙ୍କ ଜନ୍ମଦିନ ଭାବରେ ମଧ୍ୟ ପାଳନ କରାଯାଏ। ରଥଯାତ୍ରା ପୂର୍ବରୁ ୧୬ ଦିନ ଏହି ମହାନ ନୀତି ଆରମ୍ଭ ହୋଇଥାଏ।

ସ୍ନାନ ଯାତ୍ରାର ମହତ୍ତ୍ୱ:

ପୁରାଣ ଓ ପରମ୍ପରା ଅନୁସାରେ, ଏହି ଦିନ ଶ୍ରୀଜଗନ୍ନାଥ, ବଳଭଦ୍ର, ସୁଭଦ୍ରା ଓ ସୁଦର୍ଶନଙ୍କୁ ୧୦୮ କଳସ ପବିତ୍ର ଜଳରେ ସ୍ନାନ କରାଯାଏ। ଏହା ମହାପ୍ରଭୁଙ୍କ ଶରୀରରେ ଲାଗିଥିବା ବର୍ଷର ଧୂଳି-ମଇଳା ଧୋଇ ଦେବା ସହିତ ତାଙ୍କୁ ନବୀନ ଶକ୍ତି ପ୍ରଦାନ କରେ। ସ୍ନାନ ପରେ ପ୍ରଭୁଙ୍କୁ ଗଜାନନ ବେଶ (ହାତୀ ବେଶ)ରେ‌ ଧାରଣ କରାଯାଏ।

ସ୍ନାନ ପରେ ମହାପ୍ରଭୁ ଅଣସର ଘରକୁ ବିଜେ କରନ୍ତି। ଏହି ସମୟରେ ପ୍ରଭୁଙ୍କ ଶରୀର ଖରାପ ହୋଇଥିବା କଥା କୁହାଯାଏ, ତେଣୁ ସେମାନେ ଔଷଧ ସେବନ କରି ସୁସ୍ଥ ହୁଅନ୍ତି। ୧୫ ଦିନ ପରେ ନବଯୌବନ ଦର୍ଶନ ହୁଏ ଏବଂ ତା’ପରେ ରଥଯାତ୍ରା ଅନୁଷ୍ଠିତ ହୁଏ।

ଆଜି ଭୋର‌ ୫ଟାରୁ ମହାପ୍ରଭୁଙ୍କ ନୀତିକାନ୍ତି ପରେ ରତ୍ନ ମଣ୍ଡପରୁ ସ୍ନାନ ମଣ୍ଡପକୁ ବିଜେ କରିଛନ୍ତି। ସ୍ନାନବେଦୀକୁ ପୁରୀରେ ଲକ୍ଷ ଲକ୍ଷ ଭକ୍ତଙ୍କ ଭିଡ଼ ଜମୁଛି। ସୁରକ୍ଷା ପାଇଁ ପୋଲିସ୍ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି। ୭୯ ପ୍ଲାଟୁନ୍ ଫୋର୍ସ, ଟ୍ରାଫିକ୍ ନିୟନ୍ତ୍ରଣ ଓ ବିଶେଷ ପ୍ରସ୍ତୁତି କରାଯାଇଛି।