ଆଜିର ତାରିଖ ୨୦ ନଭେମ୍ବର ୨୦୨୬
୧. ବିଶ୍ୱ ଶିଶୁ ଦିବସ (World Children’s Day): ପ୍ରତିବର୍ଷ ନଭେମ୍ବର ୨୦ରେ ବିଶ୍ୱ ଶିଶୁ ଦିବସ ପାଳନ କରାଯାଏ। ଶିଶୁଙ୍କ ଅଧିକାର, ସୁରକ୍ଷା, ଶିକ୍ଷା, ସ୍ୱାସ୍ଥ୍ୟ ଓ ସାମଗ୍ରିକ ବିକାଶ ସମ୍ପର୍କରେ ସଚେତନତା ସୃଷ୍ଟି କରିବା ଏହି ଦିବସର ମୁଖ୍ୟ ଉଦ୍ଦେଶ୍ୟ। ୧୯୫୯ ନଭେମ୍ବର ୨୦ରେ ଜାତିସଂଘ ଶିଶୁ ଅଧିକାର ଘୋଷଣାପତ୍ର ଗ୍ରହଣ କରିଥିଲା। ସେହିପରି ୧୯୮୯ ନଭେମ୍ବର ୨୦ରେ ଶିଶୁ ଅଧିକାର ସମ୍ମିଳନୀ (Convention on the Rights of the Child) ଗ୍ରହଣ କରାଯାଇଥିଲା।
ବିଶିଷ୍ଟ ବ୍ୟକ୍ତିଙ୍କ ଜନ୍ମ ଦିବସ:-
୧. ଟିପୁ ସୁଲତାନ (୧୭୫୦): ମହୀଶୂରର ଶାସକ ତଥା ‘ମହୀଶୂରର ବାଘ’ ଭାବେ ପରିଚିତ ଟିପୁ ସୁଲତାନଙ୍କ ଜନ୍ମ ୨୦ ନଭେମ୍ବର ୧୭୫୦ରେ କର୍ଣ୍ଣାଟକର ଦେବନହଲ୍ଲୀଠାରେ ହୋଇଥିଲା। ବ୍ରିଟିଶ ଶାସନର ବିସ୍ତାର ବିରୋଧରେ ତାଙ୍କ ସଂଗ୍ରାମ ଇତିହାସରେ ସ୍ମରଣୀୟ।
୨. ମିନୁ ମାସାନି (୧୯୦୫): ବିଶିଷ୍ଟ ରାଜନେତା, ସାଂସଦ ଓ ସ୍ୱତନ୍ତ୍ର ପାର୍ଟିର ପ୍ରମୁଖ ନେତା ମିନୁ ମାସାନିଙ୍କ ଜନ୍ମ ୨୦ ନଭେମ୍ବର ୧୯୦୫ରେ ହୋଇଥିଲା। ଭାରତୀୟ ଗଣତନ୍ତ୍ର ଓ ଉଦାର ଅର୍ଥନୈତିକ ଚିନ୍ତାଧାରାର ପ୍ରଚାରରେ ତାଙ୍କ ଅବଦାନ ଥିଲା।
୩. ମିଲଖା ସିଂହ (୧୯୨୯): ‘ଫ୍ଲାଇଂ ଶିଖ୍’ ଭାବେ ପରିଚିତ ଭାରତୀୟ ଦୌଡ଼ବିଦ୍ ମିଲଖା ସିଂହଙ୍କ ଜନ୍ମ ୨୦ ନଭେମ୍ବର ୧୯୨୯ରେ ହୋଇଥିବା କେତେକ ଜୀବନୀ ଉତ୍ସରେ ଉଲ୍ଲେଖ ରହିଛି। ଏସୀୟ କ୍ରୀଡ଼ା ଓ କମନୱେଲ୍ଥ ଗେମ୍ସରେ ସ୍ୱର୍ଣ୍ଣ ପଦକ ଜିତି ସେ ଭାରତକୁ ଗୌରବାନ୍ୱିତ କରିଥିଲେ।
୪. କେ.କେ. ଶୈଳଜା (୧୯୫୬): କେରଳର ବିଶିଷ୍ଟ ରାଜନେତ୍ରୀ ତଥା ପୂର୍ବତନ ସ୍ୱାସ୍ଥ୍ୟମନ୍ତ୍ରୀ କେ.କେ. ଶୈଳଜାଙ୍କ ଜନ୍ମ ୨୦ ନଭେମ୍ବର ୧୯୫୬ରେ ହୋଇଥିଲା। କେରଳର ସ୍ୱାସ୍ଥ୍ୟ ବ୍ୟବସ୍ଥା ଓ ଜନସ୍ୱାସ୍ଥ୍ୟ କ୍ଷେତ୍ରରେ ତାଙ୍କ କାର୍ଯ୍ୟ ପାଇଁ ସେ ଚର୍ଚ୍ଚିତ।
ବିଶିଷ୍ଟ ବ୍ୟକ୍ତିଙ୍କ ତିରୋଧାନ ଦିବସ:-
୧. ଶ୍ୟାମ ବାହାଦୁର ବର୍ମା (୨୦୦୯) ଜଣେ ବହୁମୁଖୀ ପ୍ରତିଭାସମ୍ପନ୍ନ ଚିନ୍ତକ, କବି ଓ ବିଦ୍ୱାନ ଥିଲେ। ବିଭିନ୍ନ ବିଷୟରେ ତାଙ୍କର ଗଭୀର ଅଧ୍ୟୟନ ଓ ଲେଖାଲେଖି ପାଇଁ ସେ ପରିଚିତ ଥିଲେ। ୨୦୦୯ ନଭେମ୍ବର ୨୦ରେ ତାଙ୍କର ପରଲୋକ ହୋଇଥିଲା।
୨. ନିର୍ମଳା ଠାକୁର (୨୦୧୪) ଜଣେ ଭାରତୀୟ କବୟିତ୍ରୀ ଥିଲେ। ତାଙ୍କ କବିତା ବିଭିନ୍ନ ପ୍ରମୁଖ ଖବରକାଗଜ ଓ ପତ୍ରିକାରେ ପ୍ରକାଶ ପାଉଥିଲା। ‘କଇ ରୂପ-କଇ ରଙ୍ଗ’ ଓ ‘ଲାଫିଂ ଗର୍ଲ’ ତାଙ୍କର ଉଲ୍ଲେଖନୀୟ କବିତା ସଂକଳନ। ୨୦୧୪ ନଭେମ୍ବର ୨୦ରେ ତାଙ୍କର ଦେହାନ୍ତ ହୋଇଥିଲା।
୩. ପ୍ରିୟରଞ୍ଜନ ଦାସମୁନ୍ସି (୨୦୧୭) ଜଣେ ବରିଷ୍ଠ କଂଗ୍ରେସ ନେତା ଓ ପୂର୍ବତନ କେନ୍ଦ୍ରମନ୍ତ୍ରୀ ଥିଲେ। ସେ ଲୋକସଭା ସାଂସଦ ଭାବେ କାର୍ଯ୍ୟ କରିବା ସହ କେନ୍ଦ୍ରରେ ସୂଚନା ଓ ପ୍ରସାରଣ ମନ୍ତ୍ରୀ ଦାୟିତ୍ୱ ମଧ୍ୟ ତୁଲାଇଥିଲେ। ଅଖିଳ ଭାରତୀୟ ଫୁଟବଲ୍ ମହାସଂଘର ସଭାପତି ଭାବେ ମଧ୍ୟ ତାଙ୍କର ଅବଦାନ ରହିଥିଲା। ୨୦୧୭ ନଭେମ୍ବର ୨୦ରେ ତାଙ୍କର ପରଲୋକ ହୋଇଥିଲା।
୪. ହିରାବାଇ ବଡୋଡେକର (୧୯୮୯) ଭାରତୀୟ ଶାସ୍ତ୍ରୀୟ ସଙ୍ଗୀତ ଜଗତର ଜଣେ ପ୍ରସିଦ୍ଧ ଗାୟିକା ଥିଲେ। କିରାନା ଘରାନାର ସଙ୍ଗୀତ ପରମ୍ପରାକୁ ଲୋକପ୍ରିୟ କରିବାରେ ତାଙ୍କର ଅବଦାନ ଥିଲା। ୧୯୮୯ ନଭେମ୍ବର ୨୦ରେ ତାଙ୍କର ଦେହାନ୍ତ ହୋଇଥିଲା।
ନଜର ପକାନ୍ତୁ ଆଜିର ଦିନରେ ଘଟିଥିବା ଗୁରୁତ୍ୱପୂର୍ଣ୍ଣ ଘଟଣାବଳୀ ଉପରେ:
୧୯୧୦ – ଫ୍ରାନ୍ସିସ୍କୋ ମାଡେରୋଙ୍କ ଆହ୍ୱାନରେ ମେକ୍ସିକୋରେ ରାଷ୍ଟ୍ରପତି ପୋର୍ଫିରିଓ ଡିଆଜ୍ଙ୍କ ଶାସନ ବିରୋଧରେ ବିପ୍ଳବ ଆରମ୍ଭ ହୋଇଥିଲା।
୧୯୪୫ – ଦ୍ୱିତୀୟ ବିଶ୍ୱଯୁଦ୍ଧ ପରେ ଜର୍ମାନୀର ନୁରେମବର୍ଗଠାରେ ନାଜି ଶାସନର ପ୍ରମୁଖ ନେତାଙ୍କ ବିରୋଧରେ ଯୁଦ୍ଧ ଅପରାଧ ବିଚାର ଆରମ୍ଭ ହୋଇଥିଲା।
୧୯୫୯ – ଜାତିସଂଘ ସାଧାରଣ ସଭା ଏହି ଦିନ ଶିଶୁଙ୍କ ଅଧିକାର ସମ୍ପର୍କିତ ଘୋଷଣାପତ୍ର ଗ୍ରହଣ କରିଥିଲା। ଶିଶୁଙ୍କ ସୁରକ୍ଷା, ଶିକ୍ଷା, ସ୍ୱାସ୍ଥ୍ୟ ଓ ଉତ୍ତମ ଜୀବନ ପାଇଁ ଏହା ଏକ ଐତିହାସିକ ପଦକ୍ଷେପ ଥିଲା।
୧୯୬୭ – ଭାରତ ନିର୍ମିତ ରୋହିଣୀ RH-75 ସାଉଣ୍ଡିଂ ରକେଟ୍ କେରଳର ଥୁମ୍ବା ରକେଟ୍ ଉତ୍କ୍ଷେପଣ କେନ୍ଦ୍ରରୁ ଉତ୍କ୍ଷେପଣ କରାଯାଇଥିଲା।
୧୯୮୧ – ଭାରତର ଦ୍ୱିତୀୟ ପରୀକ୍ଷାମୂଳକ ପୃଥିବୀ ପର୍ଯ୍ୟବେକ୍ଷଣ ଉପଗ୍ରହ ଭାସ୍କର-୨ ସୋଭିଏତ୍ ସଂଘରୁ ଉତ୍କ୍ଷେପଣ କରାଯାଇଥିଲା। ଏହା ଜଳସମ୍ପଦ, ଜଙ୍ଗଲ, ଭୂତତ୍ତ୍ୱ ଓ ସମୁଦ୍ର ସମ୍ପର୍କିତ ଗବେଷଣାରେ ସହାୟକ ହୋଇଥିଲା।
୧୯୮୫ – ମାଇକ୍ରୋସଫ୍ଟ କମ୍ପାନୀ ନିଜର ପ୍ରଥମ ଗ୍ରାଫିକ୍ ଆଧାରିତ କମ୍ପ୍ୟୁଟର ଅପରେଟିଂ ପରିବେଶ ୱିଣ୍ଡୋଜ୍ ୧.୦କୁ ଲଞ୍ଚ୍ କରିଥିଲା। ପରବର୍ତ୍ତୀ ସମୟରେ ଏହା ବିଶ୍ୱର କମ୍ପ୍ୟୁଟର ବ୍ୟବହାର ଧାରାକୁ ବଦଳାଇବାରେ ସହାୟକ ହୋଇଥିଲା।
୧୯୯୮ – ଆନ୍ତର୍ଜାତିକ ମହାକାଶ କେନ୍ଦ୍ର (ISS)ର ପ୍ରଥମ ମଡ୍ୟୁଲ୍ ‘ଜାରିଆ’ କାଜାଖସ୍ତାନର ବାଇକୋନୁର ମହାକାଶ କେନ୍ଦ୍ରରୁ ଉତ୍କ୍ଷେପଣ କରାଯାଇଥିଲା।
୨୦୦୯ – ଭାରତୀୟ କ୍ରିକେଟର ସଚିନ ତେନ୍ଦୁଲକର ଶ୍ରୀଲଙ୍କା ବିପକ୍ଷ ଅହମ୍ମଦାବାଦ ଟେଷ୍ଟ ମ୍ୟାଚ୍ରେ ୩୦ ହଜାର ଅନ୍ତର୍ଜାତୀୟ ରନ୍ ପୂରଣ କରିଥିଲେ। ଏହି ମାଇଲଖୁଣ୍ଟ ହାସଲ କରିବାରେ ସେ ବିଶ୍ୱର ପ୍ରଥମ କ୍ରିକେଟର ହୋଇଥିଲେ।
୨୦୨୨: କତାରରେ ଫିଫା ଫୁଟବଲ୍ ବିଶ୍ୱକପ୍ ଆରମ୍ଭ ହୋଇଥିଲା। ଏହା ମଧ୍ୟପ୍ରାଚ୍ୟରେ ଆୟୋଜିତ ପ୍ରଥମ ଫୁଟବଲ୍ ବିଶ୍ୱକପ୍ ଥିଲା।