ବାଲିପାଟଣା: ରାଜଧାନୀ ଉପକଣ୍ଠ ବାଲିପାଟଣା ଥାନା ଗିରିଙ୍ଗୋ ଗ୍ରାମରୁ ନିଖୋଜ ମହିଳାଙ୍କ ମିଳୁନି ପତ୍ତା । ୪ ଦିନ ହେବ ନିଖୋଜ ମହିଳାଙ୍କୁ ସ୍ଵାମୀ ଖୋଜି ଖୋଜି ନୟାନ୍ତ ହେଲେଣି । ପୋଲିସ୍ ରେ ଅଭିଯୋଗ ପରେ ମଧ୍ୟ ସୁଫଳ ମିଳିପାରି ନାହଁ ।
ଆହୁରି ପଢ଼ନ୍ତୁ...
ଗତ ୨୧ ତାରିଖରେ ଗିରିଙ୍ଗୋ ଗ୍ରାମର ଲିଲି ମଲ୍ଲୀକ ବ୍ୟାଙ୍କ ଯିବା ପରେ ଆଉ ଘରକୁ ଫେରିନାହାନ୍ତି । ବାଲିପାଟଣା ଛକ ମହିଳା ଜଣକ ଏକ ଅଟୋରେ ବସି ଯାଉଥିବା ଦୃଶ୍ୟ ସିସିଟିଭିରେ ରେକର୍ଡ ହୋଇଛି। ବନ୍ଧୁ ବାନ୍ଧବ ସାହି ପଡ଼ିଶାରେ ମହିଳାଙ୍କ ନିଖୋଜ ଖବର ଦିଆଯାଇଛି । ମାତ୍ର ମହିଳାଙ୍କ ପତ୍ତା ମିଳିନାହିଁ। ଘରେ ସ୍ଵାମୀ ଏବଂ ୩ ଝିଅ ମହିଳାଙ୍କ ପତ୍ତା ନ ପାଇ ଭାଙ୍ଗି ପଡିଲେଣି ।
କେଉଁଆଡେ ମହିଳା ଜଣକ ଯାଇଛନ୍ତି, ତାଙ୍କ ସହ କ’ଣ ହୋଇଛି ତାହା ଜଣାପଡ଼ି ନାହିଁ । ସ୍ୱାମୀ – ସ୍ତ୍ରୀ ମଧ୍ୟରେ ଭଲ ସମ୍ପର୍କ ଥିବା ପରିବାର ଲୋକ କହିଛନ୍ତି । ଯଦି କୌଣସି ବ୍ୟକ୍ତି ମହିଳାଙ୍କ ସମ୍ପର୍କ ରେ ସୂଚନା ପାଉଛନ୍ତି ତେବେ ଏ ନେଇ ଖବର ଦେବାକୁ ତାଙ୍କ ସ୍ଵାମୀ ପ୍ରତାପ ନିବେଦନ କରିଛନ୍ତି ।