ନୂଆଦିଲ୍ଲୀ: ନୂଆବର୍ଷ ପାଇଁ ସାରା ବିଶ୍ୱ ହୋଇଛି ଉତ୍ସବ ମୁଖର । କିଛି ଘଣ୍ଟା ପରେ ୨୦୨୨କୁ ବିଦାୟ ଦେଇ ୨୦୨୩କୁ ସ୍ୱାଗତ କରାଯିବ । ଭାରତରେ ନୂଆବର୍ଷ ଉତ୍ସବ ଆରମ୍ଭ ହେବାକୁ ଯଦିଓ କିଛି ଘଣ୍ଟା ବାକି ଅଛି କିନ୍ତୁ ଦୁନିଆରେ ଏପରି ଅନେକ ଦେଶ ଅଛି ଯେଉଁଠାରେ ନୂଆବର୍ଷକୁ ଦେଶବାସୀ ସ୍ୱାଗତ କରି ଉତ୍ସବ ପାଳନରେ ବ୍ୟସ୍ତ ଅଛନ୍ତି | ପ୍ରଶାନ୍ତ ଦ୍ୱୀପପୁଞ୍ଜ ଦେଶ ସାମୋଆ, ଟୋଙ୍ଗା, କିରିବାଟି ହେଉଛନ୍ତି ସେହିସବୁ ଦେଶ ଯେଉଁଠାରେ ପ୍ରଥମେ ନୂତନ ବର୍ଷକୁ ସ୍ୱାଗତ କରାଯାଏ | ଏହା ପରେ ନ୍ୟୁଜିଲାଣ୍ଡରେ ପ୍ରାୟ ଏକ ଘଣ୍ଟା ପରେ ନୂତନ ବର୍ଷ ସ୍ୱାଗତ କରନ୍ତି | ଆଉ ତାଜା ସୂଚନା ମୁତାବକ ନ୍ୟୁଜିଲାଣ୍ଡରେ ଏବେ ନୂଆବର୍ଷକୁ ସ୍ୱାଗତ କରାଯାଇଛି |
